Unsay bili sa ebanghelyo ni Jesukristo kaninyo?

Pebrero 22–28

Si Martin Harris adunay usa sa kinanindutan nga umahan sa Palmyra, New York. Sa dihang miabut ang panahon alang sa pagmantala sa Basahon ni Mormon, si Martin mikonsiderar sa pagprenda sa iyang umahan aron ibayad sa tig-imprinta. Apan dihay dakong risgo nga nalambigit.

Usa ka Panahon sa Pagdesisyon

Kon si Martin motabang sa pagmantala sa Basahon ni Mormon ug dili maayo ang halin niini, mawala kaniya ang iyang umahan. Si Martin adunay lisud nga pagpili nga himoon.

Unsay makatabang kaninyo sa paghimo og importante nga mga desisyon? Ang pagkahibalo ba kon unsa ang bili sa ebanghelyo ni Jesukristo kaninyo makaapekto sa inyong mga desisyon?

Usa ka Andam nga Sakripisyo

Si Joseph Smith nakadawat og pagpadayag nga nagsulti kang Martin sa dili pagkaibug sa iyang kabtangan apan ihatag kini nga walay pagdumili alang sa pag-imprinta sa Basahon ni Mormon (tan-awa sa Doktrina ug mga Pakigsaad 19:26).

Kini mahimong usa ka sakripisyo, apan ang Ginoo mipahinumdom ni Martin nga walay usa nga nagsakripisyo og labaw pa alang sa mga anak sa Dios kay Kaniya (tan-awa sa Doktrina ug mga Pakigsaad 19:18).

Nganong ang sakripisyo usa man ka bahin sa ebanghelyo ni Jesukristo?

Usa ka Dungganon nga Buhat

Giprenda ni Martin ang iyang umahan, nga nagtugot nga maimprinta ang unang 5,000 nga kopya sa Basahon ni Mormon. Si Presidente Dallin H. Oaks, Unang Magtatambag sa Unang Kapangulohan, miingon, “Usa sa dako nga tabang ni Martin Harris ngadto sa Simbahan, diin siya kinahanglan pasidunggan sa tanang panahon, mao ang iyang paghatag og kwarta sa pagmantala sa Basahon ni Mormon” (The Witness: Martin Harris,” Liahona, Hulyo 1999, 41, 43).

The Martin Harris Farm [Ang Umahan ni Martin Harris], ni Al Roundy

First Fruits [Unang mga Bunga], ni Jeffrey Hein