Dali, Sunod Kanako

Kinsa si David Whitmer?

Pebrero 15–21

Ang Ginoo mipili og tulo ka mga Saksi kinsa makakita sa bulawang palid sa Basahon ni Mormon aron sila “makapamatuod sa kamatuoran sa basahon ug sa mga butang diha niini” (2 Nephi 27:12). Usa sa mga saksi mao si David Whitmer.

Usa ka Matinabangon nga Kamot

Si David nakadungog mahitungod sa bulawang mga palid sa dihang mibisita siya ni Oliver Cowdery, kinsa naglihok isip eskriba samtang naghubad si Joseph Smith. Si Oliver sa kadugayan misulat ngadto ni David, naghangyo kon siya ug si Joseph mahimo ba nga mopuyo uban kaniya ug humanon ang paghubad.

Si David mibiyahe og 300 ka milya (483 km) ngadto sa Pennsylvania sa pagdala ni Joseph ug Oliver ngadto sa iyang mga ginikanan didto sa New York. Ang kainteresado ni David nagkadako samtang nagtan-aw ni Joseph nga naghubad sa Basahon ni Mormon.

Kanunay nga usa ka Saksi

Uban ni Oliver Cowdery ug Martin Harris, si David gipakita sa mga palid pinaagi sa anghel ug nakadungog sa tingog sa Dios nga nagmando kanila sa pagpamatuod sa unsay ilang nakita.

Subo lang, si David mibiya sa Simbahan pipila ka tuig ang milabay ug wala na gayud mobalik, apan wala gayud niya ilimud ang iyang pagpamatuod. Duol sa katapusan sa iyang kinabuhi, misulat si David: “bisan kanus-a wala gyud nako ilimud ang pagmatuod o bisan asa nga bahin niini, nga dugay na kaayong namantala niana nga [Basahon ni Mormon], isip usa sa tulo ka mga saksi. Kadtong nakaila kaayo kanako, nasayud kaayo nga nagpabilin akong matinud-anon niana nga pagpamatuod. Ug aron walay tawo nga masayop sa pagsabut o magduha-duha sa akong panglantaw karon kabahin niini, karon akong ipamatuod pag-usab ang katinuod sa tanan nakong pamahayag nga gipamulong ug gimantala” (An Address to All Believers in Christ [1887], 8–9).

1829

New York

Pennsylvania

Fayette

Harmony