Para sa mga Ginikanan

Mahinungdanon Ang Inyong Bili

Dali ug Tan-awa, ni Del Parson

Minahal nga mga Ginikanan,

Ang Dios nahigugma nato ug naghatag nato og bili nga labaw pa kay sa atong mahunahuna. Ang mga magasin sa Simbahan karong bulana naghatag og nagkadaiyang mga artikulo ug mga kalihokan nga makatabang kaninyo sa pagtudlo sa inyong mga anak mahitungod sa paghinulsol, bunyag, sa pagpahiuli sa priesthood, ug nga ang ilang mga kalag dako og bili diha kanimo ug sa ilang Langitnong Amahan.

Panaghisgutan sa Ebanghelyo

Paminaw Kaniya ug Tan-awa ang Bili

Ipakita ang imahe ug kinutlo gikan sa Manluluwas diha sa pahina 2. Isip usa ka pamilya, paghunahuna og mga ehemplo gikan sa mga kasulatan sa dihang ang Manluluwas nakakita sa bili sa kalag sa usa ka tawo. Sa mga pahina 32 ug 36, makita ninyo ang modernong mga ehemplo sa unsay bation sa Ginoo mahitungod niadtong kinsa ubos ang bili sa mga mata sa katilingban. Ipaambit kon sa unsang paagi ang Manluluwas mitabang kaninyo nga makita ang inyong kaugalingong bili o ang bili sa usa ka tawo.

Pagpakita ngadto sa Uban nga Kamo Naghatag og Bili Kanila

Usa ka paagi nga makatabang sa uban nga mobati nga adunay bili mao ang pagserbisyo kanila. Tun-i ang artikulo ni Brother Jan E. Newman sa pahina 16, nga mangita alang sa iyang mga imbitasyon diha kaninyo. Mainampoong maghisgut isip usa ka pamilya kon kinsay gibati ninyo nga serbisyohan. Paghimo og mga plano kon unsaon ug kanus-a kamo motabang agi’g paghigugma sa mao nga tawo.

O human sa pagbasa sa pahina 32 mahitungod sa pagkabilanggo, hisguti ang mahitungod kon sa unsang paagi imong magamit ang mga ideya diha sa artikulo aron sa pagtabang niadtong kinsa nabilanggo o kon sa unsang paagi kamo motanyag og suporta, gugma ug panaghigalaay sa ilang mga pamilya.

Pag-andam sa mga Anak alang sa Bunyag

Mahimo ninyong gamiton kini nga isyu aron sa pagtabang sa inyong mga anak alang sa ilang bunyag. Ang “Pagtabang sa mga Anak sa Pagpangandam alang sa Bunyag” sa pahina 22 maghatag og mga ideya alang sa mga ginikanan. Makakita kamo og mga tubag sa komon nga mga pangutana mahitungod sa bunyag diha sa “Mga Sukaranan sa Ebanghelyo” sa pahina 6. Makakita kamo og dugang nga mga ideya dinhi sa magasin niining bulana sa Higala.

Dali, Sunod Kanako nga Suporta

Tan-awa sa pahina 26 alang sa suporta nga materyal alang sa inyong sinemana nga pagtuon sa Dali, Sunod Kanako.

Lingaw-lingaw sa Pamilya nga Pagtuon

Nag-alirong sa Pagpakita og Bili

Doktrina ug mga Pakigsaad 10–19

Si Oliver Cowdery ug si David Whitmer gitambagan sa paghinumdom nga “ang bili sa kalag mahinungdanon sa panan-aw sa Dios” (Doktrina ug mga Pakigsaad 18:10). Samtang motabang kita sa uban nga makakita sa ilang kaugalingong bili, ato silang gidala paduol ngadto kang Kristo samtang gipaduol ngadto Kaniya ang atong kaugalingon.

1. Dapita ang mga sakop sa pamilya sa pagpanglingkod nga magporma og sirkulo.

2. Ang matag tawo magpuli puli sa pagtindog diha sa tunga sa sirkulo.

3. Ang tanan nga naglingkod nga nagporma og sirkulo mosulti sa tawo nga naa sa tunga, “Importante ka kanako tungod kay ___________,” ug mopaambit sa piho nga mga detalye kon ngano nga kanang tawhana bililhon ngadto kanila.

4. Ang tawo sa tunga-tunga mopili dayon sa ilang kaugalingong pamahayag bahin sa personal nga bili: “ako importante ngadto sa Dios ug sa akong kaugalingon tungod kay ___________.”

Panaghisgot: Nganong importante ang paghinumdom sa atong kaugalingong bili ingon man sa bili niadtong naglibut kanato? Kon si Kristo anaa diha sa nag-alirong, unsa kaha ang Iyang isulti mahitungod kanato? Basaha ang Doktrina ug mga Pakigsaad 18:10–13 ug hisguti unsay nasinati ni Kristo tungod sa kadak-on sa Iyang paghatag og bili kanato.

Mga ideya nga gitampo ni Mitzi Schoneman

Karong Bulana Alang sa Kalig-on sa Kabatan-onan nga magasin

Mga Pangutana ug mga Tubag

Ipaambit sa inyong mga batan-on kining mga tubag sa kabatan-onan kon unsaon nga mas makapahimulos sa mga kasulatan.

Pagtulun-an human sa laing pagtulun-an: Ayaw Kahadlok

Kini nga feature nagtudlo sa kabatan-onan kon unsaon sa pag-analisar og tudling sa kasulatan sa Dali, Sunod Kanako. Ang hilisgutan makatabang kanila nga makabaton og pagsalig sa kaugalingon kon ang panahon malisud.

Home Evening nga Leksyon nga Maggamit og Butang [Object Lesson]

Sulayi kining leksyon nga maggamit og butang [object lesson] diha sa pamilya. Usa kini ka makalingaw nga kalihokan aron makat-on kon unsaon nato sa pagdawat og kausaban sa kasingkasing.

Ang Istorya bahin sa mga Saksi

Kini nga istorya nga komiks ang estilo usa ka maanindot nga paagi sa pagtabang sa mas batan-ong mga magbabasa sa pagkat-on mahitungod sa Tulo ka mga Saksi sa Basahon ni Mormon.

Mga Pag-aghat ug Pagkat-on sa Pag-ila sa Espiritu ni Park Bench

Naglisud ba ang inyong mga kabatan-onan sa pag-ila sa Espiritu? Niining duha ka mga istorya, ang mga indibidwal mohulagway kon sa unsang paagi sila nakakat-on.

Karong Bulana sa Higala

Tanan Mahitungod sa Bunyag

Karong bulana sa Higala mao ang usa ka espesyal nga isyu nga nag-focus sa bunyag. Pangita og mga istorya, mga kalihokan ug mga ideya sa leksyon aron matabangan ang imong anak nga maandam sa pagpabunyag o paghinumdom sa mga espesyal nga mga pakigsaad nga ilang gihimo atol sa bunyag.

Makalingaw nga Panahon sa Kasulatan

Pangita og sinemana nga mga kalihokan sa pagtabang sa inyong pamilya nga pagtuon sa Dali, Sunod Kanako, lakip ang usa ka seksyon nga adunay mga ideya ilabi na alang sa mga masuso.

Mga Istorya sa Kasulatan alang sa Batan-ong mga Magbabasa

Basahi ang inyong mga anak sa istorya kabahin kon sa unsang paagi gipahiuli ni Juan Bautista ang Aaronic nga Pagkapari.

Matinabangong mga Kamot sa tibuok Kalibutan

Basaha kon sa unsang paagi si Raiarii sa Tahiti nagsunod ni Jesus, ug tabangi ang inyong mga anak sa pagbuhat sa hagit niining bulana.

Pagpangita og usa ka Pagpamatuod

Ang istorya nga “Ang Pagpangita sa Pagpamatuod ni Sabrina” makatabang sa inyong mga anak sa pagkaplag nga sila adunay labaw pa sa usa ka pagpamatuod kay sa ilang nahibaloan.