Avea [ma se Tagata] Lelei Atu e aunoa ma le Avea [ma se Tagata] Toatama’i

I le avea ai ma fanau a le Atua i lenei vaomatua faalelalolagi, e masani ona tatou faia ni mea sese, filifili ma le lē poto, ma lagona le toso ifo i lalo e masalosaloga ma le lotovaivai. Sa silafia e lo tatou Tama alofa o o tatou aso faigata o le a faamamaina ai i tatou ma mafua ai ona tatou liliu atu ia te Ia mo faasa‘oga faalelagi, taitaiga, ma fesootaiga.

O le fuafuaga o le fiafia a le Atua e aofia ai feagaiga e faamalosia ai i tatou ma fusia ai i tatou ia te Ia. O le faaaogaina o le faataitaiga o se uso ma se tuafafine faamaoni, ua aoao mai ai i tatou e Elder Neil L. Andersen i le uiga o le avea ma tagata o le feagaiga (tagai i le itulau 6).

A o ou suesue ma tuuina atu aoaoga e uiga i le fiafia, maufetuunai, ma le lauusiusi o aiga, ua mafai ona ou vaai manino atili i le ala o loo i ai le Atua i auiliiliga tonu o olaga. I le itulau e 16, ua ou faasoa atu ai se savali e aofia ai ni fasifuaitau se fa na fesoasoani e maua ai le faamoemoe ma se taulaiga pe a foliga mai ua leai mea uma.

O le mafuaaga ua i ai le filemu i luga o le ala o feagaiga e faapea o lenei ala lauitiiti ma le vaapiapi e tau sa‘o atu i le Aloalii o le Filemu, o Iesu Keriso. O Ia o le ala. Ma o Lana ala e tau atu i le “filemu i le lalolagi lenei, ma le ola e faavavau i le lalolagi a sau” (Mataupu Faavae ma Feagaiga 59:23).

Ma le alofa,

David Schramm

Polofesa Lagolago o Atinaega Faaletagata ma Suesuega Faaleaiga, Iunivesite o le Setete o Iuta

animals boarding Noah’s ark — “Ou te faatuina la‘u feagaiga faatasi ma oe; ma o le a e sau i totonu o le vaa, oe, ma ou atalii, ma lau ava, ma ava a ou atalii faatasi ma oe.”