Welcome Niini nga Isyu

Ang Manluluwas Nagtanyag Kanato og Paglaom

Litrato gikan sa Getty Images

Isip usa ka therapist, kanunay ko nga gipangutana, “Ganahan ba gyod ka sa imong trabaho? Di ba mao ra ang imong madunggan ang kasakit, pagkawala, ug kagul-anan?” Samtang tinuod kini nga gikuyogan nako kadtong akong gitabangan sa paghisgot sa mahagitong mga panahon, wala kami magpabilin didto. Aduna koy pribilehiyo nga makita ang ilang kinabuhi nga nausab pinaagi sa gahom sa Manluluwas nga si Jesukristo, ilabi na niadtong anaa sa programa aron maulian gikan sa pagkaadik (tan-awa sa pahina 12).

Samtang kadaghanan sa mga hagit nga atong giatubang mahimong hilabihan ka bug-at, ang Manluluwas nagtanyag kanato og paglaom—paglaom nga kita makakaplag og kalinaw taliwala sa atong mga kalisdanan ug paglaom nga kita mamaayo.

Usa ka paagi nga ang Ginoo nagtabang nato nga makakaplag og kalinaw ug kasiguroan mao ang pinaagi sa Iyang propeta (tan-awa sa pahina 4). Pinaagi niya, ang Ginoo naghatag og tambag ug giya kalabot sa mga hagit nga giatubang sa matag usa kanato sa atong panahon karon. Ako mismo napanalanginan pinaagi sa pagpaminaw sa tambag ni Presidente Russell M. Nelson ingon nga siya miawhag kanato nga dugangan ang atong kapasidad sa pagdawat og pagpadayag, ipatigbabaw ang Dios labaw sa tanan diha sa atong kinabuhi, ug pagkaplag og hingpit nga kalipay diha sa kada adlaw nga paghinulsol.

Mas nagkinahanglan gayod kita karon kay sa kaniadto og giya sa Ginoo aron makabuntog ug makasugakod sa daghang mga hagit nga atong giatubang. Bisan unsa pa man nga hagit ang imong giatubang, ang akong pag-ampo mao nga ikaw makakaplag og paglaom diha sa Manluluwas ug mabati ang Iyang gugma alang nimo.

Benjamin Erwin

Manedyer sa Programa aron Maulian gikan sa Pagkaadik