Ol Skripja: Tok blong God

Pikja

profet blong OlTesteman i stap raet

OlTesteman Profet, Judith A. Mehr

Ol skripja oli ol tabu buk we ol profet nao oli raetem. Ol skripja oli testifae long Jisas Kraes mo tijim gospel blong Hem. Ol ofisol skripja blong Jos hem i Tabu Baebol ( we i gat OlTesteman mo Niu Testeman), Buk blong Momon, Doktrin mo Ol Kavenan mo Perel we I Gat Bigfala Praes.

OlTesteman

OlTesteman hem i wan rekod blong ol wok blong God wetem ol kavenan pipol long taem blong bifo. Insaed, i gat ol tijing blong ol profet olsem Moses, Josua, Aesea, Jeremaea, mo Daniel. Iven we oli raetem plante handred yia i pas bifo we Kraes i bon, plante long ol OlTesteman profet oli bin raet abaot Hem.

Niu Testeman

Long Niu Testeman oli talem stori blong taem we Jisas Kraes i bon, laef blong Hem long wol ia, ol tijing blong Hem, mo Atonmen blong Jisas Kraes. Insaed, i gat tu ol tijing blong Ol Aposol blong Jisas Kraes mo ol narafala disaepol. Niu Testeman i helpem yumi blong andastanem olsem wanem bae yumi laef folem gospel blong Jisas Kraes tedei.

Buk blong Momon: Wan Narafala Testeman blong Jisas Kraes

Buk blong Momon i wan rekod blong sam long ol pipol we oli bin stap laef long Amerika. Insaed, i gat ol tijing blong ol profet, mo stamba tingting blong hem i blong winim tingting blong evri pipol se Jisas Hem i Kraes. Profet Josef Smit i transletem long ol buk we oli wokem long gol tru long long presen mo paoa blong God.

Doktrin mo Ol Kavenan

Doktrin mo Ol Kavenan i gat ol revelesen we oli givim long Josef Smit mo ol lata‑dei profet. Ol revelesen we oli tokbaot olsem wanem Jos blong Kraes i bin oganaes. Ol revelesen ia tu, oli gat ol impoten gospel tijing abaot prishud, ol odinens blong gospel, mo wanem i hapen afta long laef ia.

Perel we I Gat Bigfala Praes

Perel we I Gat Bigfala Praes i tekem buk blong Moses, buk blong Ebraham, testemoni blong Josef Smit, mo Ol Toktok blong Bilif blong Jos. I gat tu Josef Smit—Matiu, pat blong translesen blong Josef Smit long Niu Testeman.

Stadi ol skripja

Ol profet oli tijim yumi blong stadi olgeta skripja evri dei. Hemia i mekem se i leftemap fet blong yumi mo kam moa kolosap long Papa long Heven mo Jisas Kraes. Taem we yumi stadi olgeta skripja wetem tru tingting, Tabu Spirit bae i helpem yumi faenem ol ansa long ol kwestin blong yumi.

Ol Profet blong Tedei

Taem ol profet mo ol aposol oli toktok wetem paoa blong Tabu Spirit, ol toktok blong olgeta i olsem olgeta skripja. Wan eksampol hem i long jeneral konfrens ia. Yumi save stadi olgeta tijing blong konfrens long namba blong Mei mo Novemba Liahona.