“Ol Skripja OIi Tanem Hat blong Yumi I Go long Lod,” Liahona, Julae/Ogis 2022.
Kam Folem Mi
Ol Skripja Oli Tanem Hat blong Yumi I Go long God
Presiden Spensa W. Kimbol i talem se histri blong King Josaea, we i stap long 2 King 21-23,“hem i wan long ol gudfala stori insaed long evri skripja” (insaed long Kam Folem Mi—Blong Wanwan Man, Woman mo Famli: OlTesteman 2022, 129).
Olsem Wanem King Josaea i Faenem Ol Skripja
King Josaea i Klinim Graon blong Ol Aedol, © Look and Learn / Bridgeman Images
Josaea i kam king blong Juda taem hem i gat eit yia nomo. Hem i bon wetem wan kingdom blong ol pipol we oli biliv long ol giaman god, be hem i bin wantem blong folem Lod. Long namba-eit yia blong rul blong hem, hem i givim oda truaot long Juda blong oli mas smasem gud ol olta mo ol aedol blong ol giaman god.
Josaea, King blong Juda, i Putumbak Fasin blong Wosipim God long Kingdom blong Hem, i kam long wan artis we oli no save nem blong hem, foto i kam long Stefano Bianchetti / Bridgeman Images
Ten yia i pas, hem i askem long ol pipol blong putumbak tempol long Jerusalem, we hae pris Hilkia i faenem long ol skripja. Taem King Josaea i ridim buk, hem i kasem insperesen blong folem ol tijing blong hem. Afta,hem i singaotem ol pipol blong hem blong raonem hem mo hem i ridim buk ia long olgeta.
Long wan longfala taem, hat blong ol pipol i bin strong mo oli agensem God. Be ol skripja i bin helpem ol pipol blong tanem hat blong olgeta i gobak long God. King Josaea i promesem ol pipol se bambae hem i wokabaot long ol wei blong Lod mo obei long ol komanmen.