“Ol Seves Misinari: Stap Bildim Kingdom Tru long Seves mo Lav,” Liahona, Julae/Ogis 2022
Ol Yang Adalt
Ol Seves Misinari: Stap Bildim Kingdom Tru long Seves mo Lav
Mi stap tingting se sapos blong stap olsem wan seves misinari i minim se mi no “gud inaf.”
Taem we stek presiden blong mi i askem mi sapos mi wantem blong stap olsem wan seves misinari, fas samting we i kam long maen blong mi hem i:“!Yes!”
Mi trastem se Lod i gat wan wok blong mi mekem, mo mi bilif se wanem we Hem i wantem blong mekem bae i mekem mi gro mo bae mi glad from Hem i lavem mi mi wantem wanem nao i moa gud long mi.
Nambatu samting we i kam long maen blong mi hem i. “?Wanem ia i wan seves misin?”
Stek presiden blong mi i eksplenem wanem hem i wan seves misin taem mifala i bin mit long ofis blong hem long Sandei ia, be mi no andastanem gud o be mi bin andastanem from wanem hem i impoten afta nomo. Long taem ia mi stap askem miwan sapos koling ia i minim se wan samting i rong wetem mi, from mi no luk bigfala stamba tingting biaen long wan seves misin.
?Oli Nidim Mi?
Mi bin kasem koling blong mi wan manis bifo misin blong mi i stat. Hemia i minim se bae mi mitim ol seves misin lida blong mi, go long wan seves misin konfrens long eria blong mi, mo iven oli askem blong lidim kompanion stadi blong tu sista long eria blong mi bifo oli setem mi apat .
Mi yusum manis ia bitwin taem we mi kasem koling mo las toktok blong mi (iven mi no go samples) blong lanem abaot seves misin mo ol seves misinari raon long mi.
Long seves misinari konfrens we mi bin go long hem, mi lanem fulap abaot ol seves misinari, taem oli singaotem olgeta blong fas taem, oli filim se oli no gud inaf blong go long wan misin blong serem gospel. Mi sem long wanem mi stap tingting long hem, taem oli singaotem mi.
Mi kam blong save se oli singaotem mi blong kam long wan seves misin hem i no from mi no gud inaf, be from se hem i daereksen we i kam long Papa long Heven blong mi. Mi no “semmak” long ol misinari we oli serem gospel; be; Hem i nidim mi blong help blong bildim kingdom blong Hem tru long wan narafala seves. Mi kasem wan strong testemoni se evri misin oli impoten long Papa long Heven mo oli impoten long wok blong Hem, from se evri misinari oli gat strong tingting ia blong givim seves i go long Hem mo givim seves i go long ol pikinini blong Hem.
Afta we mi lanem abaot ol narafala seves misinari long eria blong mi, mitim olgeta, mo harem ol stori blong olgeta, mi save se oli ol naesfala, stret moa gud wokman blong Lod. Mi kam blong save se iven sam long mifala i sore long mifalawan long stat blong misin blong mifala, mifala i kam long sem ansa: Lod i lavem ol seves misinari mo mifala i stap long wea Lod i wantem mifala blong mifala i stap long hem, lan mo gro taem mifala i givim seves long Hem olsem ol han blong Hem long wol ia.
Olsem Wanem Ol Seves Misinari Oli Bildim Saeon
Ol misinari oli impoten tumas long evri samting we oli givim seves long hem. Yumi nidim ol misinari we oli lego ol famli mo ol hom blong olgeta blong tu yia blong tijim mo prijim gospel raon long wol. Be yumi nidim tu blong bildim wan komuniti blong Saeon we i fulap wetem lav blong ol narafalawan mo gat wan strong tingting ia blong givim seves mo blong leftemap olgeta we i stap daon long yufala evriwan. Hemia i wanem ol seves misinari oli mekem. Yumi bildim Saeon taem yumi krietem wan kalja blong lav mo seves. Hemia i krietem wan komuniti we i welkamem, stret moa gud mo i leftemap evri memba blong Jos Ia blong Jisas Kraes blong Ol Lata-dei Sent—memba blong longtaem, niu konvet, evriwan.
Seves misin blong mi wetem magasin blong Jos i helpem mi blong luk olsem mi kasem blesing. Mi save yusum wanem mi lanem long ol hadtaem blong mi truaot long laef blong mi blong leftemap olgeta we oli stap traehad. Mi traem blong serem ol eksperiens blong mi wetem ol narafalawan mo long semtaem leftemap tingting blong ol narafalawan blong serem ol stori blong olgeta. Evri pikinini blong God oli impoten. Seves misin blong mi i helpem blong letem olgeta i gat gladhat mo i helpem mi blong lavem olgeta olsem we oli stap mo mifala i traehad tugeta blong kam moa kolosap long Kraes.
Ol seves misinari oli spendem taem mo paoa blong olgeta blong krietem Saeon long plante defren wei we i gud. Sam oli help long seves long saed long bodi, ol ples olsem Welfea Skwea o lokol ples blong kaekae. I gat ol seves misinari we oli mekem yad blong tempol i naes mo olgeta we oli givim seves ol odinens woka insaed long tempol. Sam oli help blong givimaot kakae long ol pikinini we oli kakae taem skul i finis mo oli givim seves olgeta taem oli bildimap olgeta. Ol narafala oli help blong serem gospel mo mekem ol memba i kam moa strong. I iven gat ol misinari we oli help blong fiksim ol trak blong wok blong Jos.
Ol seves misinari oli givim seves long defren kaen wei, olsem mekem ol saen blong bisop long ol Jos bilding, wok long ples blong mekem muvi blong Jos, klinim plante, plante samting blong mekem evriwan i sef long KOVID‑19. Wanem ol asaenmen blong mifala; mifala i help blong bildim Saeon taem mifala i stap mekem wan envaeromen blong lav mo seves we i kam long hat.
Mifala evri misinari i tekpat blong stadi long skripja evri dei, tijim ol lesen, go atendem ol lesen mo distrik kaonsel, mo mekem wanwan long mifala i kam moa strong mo leftemap wanwan long mifala mo evriwan raon long mifala, sapos hem i pat o no pat blong asaenmen blong mifala.
Wan long samting we i moa impoten we i no long wanem asaenmen blong mi talem wetem ol yang adalt blong ol samting we i stap insaed tim blong Jos magasin mo wetem hemia blong givim seves wetem ol misinari long grup blong mi long Tempol Skwea. Mi givim seves taem mi meksua se ol filim se oli luk, harem mo save se mi kea long olgeta blong oli filim se oli welkam.
?I no wanem ol misinari oli stap mekem? ? no ol misinari we oli stap letem evriwan raon lon wol i save se, long kingdom blong God, i gat wan impoten ples blong wanwan long ol pikinini blong Hem? Ol misinari we oli stap serem gospel oli help blong tijim tok blong God long kingdom blong Hem long wol ia, mo ol seves misinari i help blong olsem wanem bae kingdom i stap long taem blong Seken Kaming blong Sevya—wan ples we hat blong yumi i taem i long ol narafalawan, taem yumi givim seves fultaem, mo yumi helpem ol narafalawan i save se oli gat ples i stap.
Givim Seves Olsem we Sevya Bae i Givim— Taem Yu Helpem Wan.
Be taem yumi givim seves mo weaples yumi givim seves, i gat wan samting we evri misinari i mekem—givim seves olsem we Jisas Kraes i mekem, taem oli givhan long wan.
I moa blong mekem ol asaenmen blong mifala, “stamba tingting blong mifala i blong helpem ol narafalawan blong kam long Kraes taem oli givim seves olsem we Sevya bae i mekem. Yumi volontia long ol jareti oganaesesen, aktiviti blong Jos, mo insaed long komuniti. Bae yumi givhan long nem blong Hem, olsem we Hem i mekem, soem kaen fasin blong Hem.”1
Mifala ol seves misinari i laekem ol toktok long stamba wok blong mifala from se mifala i save se Sevya i givhan long yumi wanwan mo yumi filim kaen fasin blong Hem we i gat lav. Mi filim kaen fasin blong Sevya long misin blong taem mi kam blong save hem moa gud, taem ol hadtaem blong mi oli kam laet, testemoni blong mi i kam moa strong, mo olsem ol misinari raon long mi oli lavem mo leftemap mi.
Ol seves misinari oli lukaotem blong serem kaen fasin blong Kraes wetem evriwan raon long olgeta, mo yumi we i dediketem laef blong yumi blong mekem wanem i stret long taem blong misin blong yumi—mo long ful laef blong mi.