Yu Neva Stap Yuwan

?Yu eva filim se yu stap yuwan o fraet long wanem we bae i kam? Wokman blong profet Elisa i bin filim olsem ia tu taem hem i luk ol ami blong ol hos mo ol haos wetem kat blong Siria i raonem Dotan, hom siti blong Elisa.

Pikja

ol soldia oli poenem ol aro long wol

Ol pikja droing oli kam long Denis Freitas

“Man blong wok blong hem i talem long Elisa: ‘!Profet! !Naoia yumi lus finis! ?Bambae yumi mekem olsem wanem?’” (2 King 6:15).

Pikja

Ol hos wetem kat we faea i laet long olgeta

“Be profet i talem se, ‘Yu no fraet. Olgeta long saed blong yumi oli plante moa, i winim olgeta ya.” (ves 16). Afta Elisa i bin prea blong Lod i openem ap ae blong wokman blong hem, wokman i bin luk “ol hos we i gat haos blong faea i raonem Elisa” (ves 17).

Maet bae i gat ol taem we yu, semmak olsem wokman ia, yu faenem se yu stap traehad blong luk olsem wanem God i stap wok insaed long laef blong yu—ol taem we yu filim se i tumas—taem ol hadtaem blong laef ia i karem yu kamdaon long ol ni blong yu. Wet mo trastem God mo taem blong Hem, from se yu save trastem hat blong Hem wetem ful hat blong yu. Yu tu, yu save prea blong Lod i openem ae blong yu blong luk ol samting we bae yu neva luk” (Michelle D, Craig, “Ol Ae blong Luksave,” Liahona, Nov 2020, 15).

Maet bae yumi no luk olgeta, be Lod wetem ol ami blong enjel blong Hem oli stap raon long yumi (luk long Doktrin mo Ol Kavenan 84:88). “Sapos God i stap wetem yumi, bambae huia i save agensem long yumi?” (Rom 8:31).