5 Samting we Oli Tru abaot Esta

Pikja

Esta i go luk king

Esta i Go Luk King, i kam long Robert T Barrett, oli no save kopi

1. Esta i wan pikinini we i no gat papa mo mama.

Esta hem i wan woman Jiu, mo taem papa mo mama blong hem i ded, Modekae we hem i wan man Jiu mo hem i kasen brata blong hem, i bin resemap hem (luk long Esta 2:7).

2. Esta i stap laef long Pesia.

Esta i stap long Susa, Pesia (we naoia hem i Iran), ova long 100 yia i pas afta we oli bin tekem ol Jiu olsem ol prisena i go long Babilon.

3. Esta i mas kipim aedentiti blong hem olsem wan woman Jiu i wan sikret.

Long rikwes blong Modekae, Esta i neva talemaot long eniwan abaot laen blong Jiu blong hem. Hem i kipim aedentiti blong hem i wan sikret, iven we hem i kam olsem kwin. (Luk long Esta 2:10, 20.)

4. Esta i bin help blong sevem ol pipol blong hem.

Long taem blong Esta, ol king oli stap long bigfala denja blong ol nara man i kilim ded olgeta. So, blong protektem king, hem i stap olsem wan kastom blong i no gat wan man i save go long king sapos hem i no gat wan invitesen blong hem. Taswe Esta i bin save ded taem hem i go luk king blong invaetem hem long wan kaekae we bambae hem i talemaot plan blong Haman blong kilim ded ol Jiu (luk long Esta 5; 7).

5. Esta i gat strong fet long God.

Esta i askem se ol Jiu long Susa blong oli livim kaekae blong tri dei bifo hem i go luk king (luk long Esta 4:16). From Esta i bin gat strong paoa long tingting mo i bin gat blesing blong Lod, Ol Jiu oli no bin ded.