Rikaloor n̄an Indeeo
Jemaron̄ lo jetōb in lōke im aenōm̧m̧an ilo ad kajiririk imminene ko rekwojarjar im jerbal in tiljek ko remaron̄ rejtak im keidaak kijeek in tōmak ko ad.
Ilo jam̧ōr eo ļo̧k, elōn̄ļo̧k jen 200,000 in jodikdik ro ipelaakin laļ in rekar eddōkļo̧k ilo tōmak ilo juon iaan jipuki aetokan mwen̄an ko N̄an Kōkajoorļo̧k Jodikdik ro ak kweiļo̧k ko an N̄KJ (FSY). Ilo ad emakūt jān ad kar pād im jab makūtkūt jān nan̄inmej eo eaar jelōt laļ in, ekar juon jerbal in tōmak ilo Rilo̧mo̧o̧r n̄an elon̄ armej ro. Elon̄ wot iaan jodikdik ro rej bōk konaer rej ļoor lōn̄ļo̧k n̄an m̧wulal in kōnono. Im jem̧ļo̧k in wiik eo aer, ikar kōņaan kajjitōk ipper, “Ejet?”
Jet iien rej ba āinwōt in: “Ekwe, ilo Mande ikar abōņōņō ippān jinō kōnke ekkar kōmanm̧an bwe in itok im kōm̧m̧ane menin. Iaar jab jeļā kajjien jabdewōt. Im iaar jab ļōmņak ejjab n̄an n̄a. Ak eban wōr mōtta. … Ako kiiō e Bōlaide, im ikōņaan pād wōt ijin. Ikōņaan en̄jake Jetōb ilo mour eo aō. Ikōnaan mour āinwot in.”
Kajjojo ewōr make aer bwebwenato ko n̄an kwaļo̧ki ilo iien eo im menin letok ko an jetōb eaar karreoik er im n̄an eddōkļo̧k. Iaar lukkun oktak ilo summer in N̄KJ (FSY) in bwe ikar loe Jetōbin Anij ejjab jemļo̧k an uwake im̧we ko rem̧m̧an an kajjojo bōro an rein em̧m̧an rettaer eo kajjojo rekar loe peran eo n̄an lōke E ippān juōn wiik ium̧win kōjparok eo an.
Ainwot tima aen ko rōbbōl lali ilo lojet, jej mour ilo juon mejatoto eljo ilo jetob ijo tōmak ko rōbbōl rej aikuj kejparoki ilo ekkōl ak ne jaab remaron jar, innem eljolok, im pedakilkil im jako.
Ta Jet Iaan Men ko Jemaron̄ Kōm̧m̧ane n̄an Jipan̄ Kajoor in Jorāān ko Ad?
Iien ko ko āinwot kweiļo̧k ko an N̄KJ (FSY), camp ko, kwojkwoj ko, im mijen ko remaron̄ jipan̄ kōlapļo̧k kam̧ool ko, bōklo̧k kōj ilo eddōkļo̧k in jetōb ilo jikin ko raenōm̧m̧an. Bōtaab ta eo jej kōm̧m̧an n̄an pād wot im wōnmaanļo̧k n̄an “bun̄ m̧aanļo̧k kōn dim ilo Kraist” (2 Nipai 31:20) ijello̧kin am bar reilikļo̧k? Jej aikuj wōnmanļo̧k im kōm̧m̧ani men ko rej boktok kōj n̄an ijo jinoin tata, āinwōt jar aolep iien, wūtdikdik kōj kōn jeje ko rekwojarjar, im jerbal ekkar.
N̄an jet iaad, emaron̄ aikūj kammiinene lōke Irooj aaet em̧ool n̄an etal n̄an iien kwojkwoj eo. Ak n̄e jepād ijen, im̧we in kemour eo jān kwojkwoj eo an Irooj, pedped in katak ko an gospel, im kōkajiriri eo an jukjuk in pād eo an Kabun̄ in emaron̄ karool kōm n̄an moko ijo euteij.
Ia eo Kajoor in Ippān Doon ilo Armej ej Itok Jān e?
Ilo N̄KJ (FSY), jejjo bukwi taujin im lōn̄ļo̧k in jodikdik ro rar kobatok n̄an kōlapļo̧k jela kōn Rilo̧mo̧o̧r eo ilo kōm̧m̧ane waanjon̄ak eo epidodo ilo an juōn ak ruo koba ippān doon ilo Etan (lale Matu 18:20), dāpij wot gospel im jeje ko rekwojarjar, al ippān doon, jar ippān doon, im pukot aenōm̧m̧an eo ilo Kraist. En̄iin ej kajoor eo an jetōb eo emour.
Būratōr im sister ro ipelaakin laļin emōj aer kiiō rool n̄an im̧ōko m̧weer n̄an lale ta meļeļein n̄an “lōke Irooj” (Jabōn Kōnnaan Ko 3:5; 2022 youth theme) ilo aer pād ipelaakin men ko an laļin. Ej juōn men n̄an “ron̄jake E” (Joseph Smith—Bwebwenato 1:17) ilo lukkuun lin̄uri ilo juon jikin ejeļo̧k keroro kōn jeje ko rekwojarjar repelļo̧k. Ak ej bar juōn men n̄an kotak rikaļoor ro ad n̄an kamad ko an mour in kanniōk, ijo jej aikuj pukōt n̄an “ron̄jake E” men̄e ilo men ko ejjab allikar ad loi kōn kea kōn kōj make im lōke. Kōtļo̧k bwe en ejeļo̧k pere: ej ilo m̧wil ko an ro rej reiļo̧k n̄an er ke jodikdik ro ad rej jeke ilo būruer im kōlmenļo̧kjen eo aer n̄an jutak pen ņae men ko an laļin rej waanmaanļo̧k.
Ta ko Baam̧le ko Remaron̄ Kōm̧m̧ane ilo M̧weo n̄an Kōkajoorļo̧k M̧akūtkūt ko ilo Kabun̄ in?
Juon iien ikar jerbal āinwōt ļeo pālele n̄an stake būreejtōn an Doulul eo an Jiron̄ ro. Juon iien kar kōjerbal iō n̄an karōki cookies ko ilo ijo namōj ilo an kōrā eo ippa kajikiki juon fireside ilo imōn jar eo n̄an mama im baba ro im leddik ro nejier rej pojak n̄an pād ilo kaam eo an Jiron̄ ro wiik eo tok juon. Ālkin an kwaļo̧k ia eo n̄an pād ie im ta ko n̄an boktok, eba, “Kiio, Juje jibbon̄ n̄e kwonaj jolok leddik eo nejūm ilo jikin bus eo, kwōn lukkun atbokūj er. Im kwoj mejenma iki er im bar iakwe er—kōnke rejamin bar rooltok.”
Ikar ron̄ an juon ilibōk, innām kile bwe kar n̄a eo. “Jab rool tok?”
Ak ekar waanmaanļo̧k wōt: “N̄e kwonaaj joļo̧k leddik ro jibbon̄ in Juje ne, renaaj likut wōt menin kōmad ko an men ko rej jab aorōk im bōk aer iien ippān doon ilo juon wiik ekkatak im eddōklo̧k im lōke Irooj. Jenaaj jar ippān doon im al im kōmat im jerbal ippān doon im kwaļo̧k kam̧ool ko ippān doon im kōm̧m̧an men ko renaaj kōm̧m̧an bwe jen en̄jake jetōb eo an Jemedwōj Ilan̄, aolepen wiik in, n̄an n̄e enaaj tōbar dii ko diid. Im ilo Jadede, leddik ro me kom̧ naaj loe aer to jān bus eo reban ro kom̧ ekar joļo̧k er Juje eo. Renaaj armej ro rekāāl. Im n̄e kom naj wōnmanļo̧k wot im jipan̄ er jen ijo eutiej, renaaj kam̧ōņōņōik kom̧. Renaaj wōnmaanļo̧k im n̄an eddōkļo̧k. Im barāinwōt baamle eo am.”
Ilo Jadede eo, ejja āinwōt an kar ba. Ke ikar kauwe tent ko, ikar ron̄ ainikien kōrā eo ippa ijo leddik ro rej pād ie ej ba m̧okta jen an aolep rool. Ikar ron̄ an ba, “O, kom ne. Kōm lakkar lale kom aolepen wiik eo. Leddik ro nejid Jadede.”
Stalwart jodikdik ro an Zaion rej emakūt ilo iien ko rem̧m̧an. Pukōt lan̄lōn̄ ilo laļ in kanaan jorrāān ko ilo jab āinwōt po ilo laļ in, kōn kate er maanļo̧k n̄an kwojarjar, ej kōtōpar eo. Tarin juon bukwi iiō ko remootļo̧k, G. K. Chersterton eaar kōnōnō āinwōt n̄e ekar loe rilotok āinwōt juōn rilotok eo ej rejtak Kabun̄ eo ke eaar ba, “Jej aikuj en̄jake laļin āinwōt kar juon kājōl, n̄an kōto ko, ak āinwōt juōn imōn kapād, eo jemaron rool n̄e ejota” (Orthodoxy [1909], 130).
Kam̧oolol bwe, rejjab etal n̄an pata make iaer. Rej ippān doon. Im kopād ippāer. Im rej loore juon rikanaan emour, Būreejtōn Russell M. Nelson, eo ej tōl ippān jeļā kōn kōjatdikdik kōņ juon rilolo ilo kwaļo̧k bwe ej kajeon eļap ilo iien kein —aiintok an Israel—enaaj jimōr lap im aiboojoj (lale “Hope of Israel” [worldwide youth devotional, June 3, 2018], HopeofIsrael.ChurchofJesusChrist.org).
Ilo jōm̧ar in, kōra eo ippa, Kalleen, im n̄a kar jenij baļuun eo ilo Amsterdam, ijo jet iio moktaļo̧k, ikar juon mijinede kāāl. Ālikin aō kar joļo̧k jet allon̄ in ao en̄taan in katak kajin Dutch, KLM flight eaar jok, im kapen eo ekar kōm̧m̧ane juon kōjeļļā. Ālkin jet iien elur, eo m̧ōtta eaar ba, “Ij ļōmņak kajjin Dutch men eo.” Kom̧ro ej reilōn̄ļo̧k, jeļa an doon ļōmņak: Lukkuun jebwābwe.
Ak aolep raar jab jebwābwe. Ilo aō em̧ōņōņō ioon tōmak eo kom̧ ekar bōke ilo am̧ etetal ilo airport eo ilo ial eo am̧ n̄an kabulon̄lon̄ eo bwe en kar wotļak wōt ioon kom̧ āinwōt mijenede ro, ikar kaju rool tok n̄an rainin jej mour ie, emenono āinwōt juon mijenede eo ej uwe ilo baluun eo n̄an rool. Ekar kwaļo̧k wōn e im kajjitōk, “Būreejtōn, ta eo ij kōm̧m̧ane kiiō? Ta eo imaron̄ in kōm̧m̧ane kōn kōjeram̧m̧an eo aō?”
Ekwe, en̄in ejja kajitōk eo ippān jodikdik ro ke rej emakūt jen kweiļo̧k eo an N̄KJ (FSY), camp ko an jodikdik, im tūreep n̄an tampeļ im aolep iien rej en̄jake kajoor ko an lan̄: Elmen an Anij in iakwe erom̧ rikaļoor ñan indeeo?”
Ikar en̄jake iakwe n̄an mijenede in ej jerbal ilo awa ko an āliktata, im ilo iien eo elūr kōn Jetōb, eo ikar ron̄ an ainikiō ba, “Kwoj jab aikuj kanōke juon name tag n̄an kamool kōņ Etan.”
Ikar kōņaan likuti peiū ioon iaeran im ba, “En̄in ej ta eo n̄an kōm̧m̧ane. Kwon rool, im kwon kōm̧m̧ane menin. Kolukkuun em̧m̧an kwonanin ebōl ilo marok. M̧wil eo am̧ ilo mijen eo am̧ im en̄taan ko am̧ rekar kōm̧m̧an bwe kwon juon nejin Anij elukkuun em̧m̧an. Kōm̧m̧ane wot menin ilo m̧weo ta eo ekajoor an jerbal n̄an eok ijin. Emōj am katak jar im wōn kwoj jar n̄an e im kajin jar eo am. Emōj am katak naan ko an im itok im iakwe Rilo̧mo̧o̧r eo jen am̧ kajeon āinwōt E. Kwōj iakwe Jemedwoj Ilan̄ āinwōt An kar iakwe Jemān, jerbal in karejar ippān ro jet āinwōt An kar jerbal ippān ro jet, im mour um̧win kien ko āinwōt An kar mour kaki—im n̄e kwar jab, emōj am̧ ukweļo̧k. Am̧ rikaļooran ejjab juōn naan bajjōk ilo juon jiln̄ij—em̧ōj an erom̧ m̧ōttan mour eo am̧ n̄an am̧ mour kōn ro jet. Innām kwon rool n̄an m̧weo, im kōm̧m̧ane menin. Kwon āinwōt. Kotak jetōb in ilo aolepen mour eo am.”
Ijela bwe kōn lōke ilo Irooj Jisōs Kraist im ial in bujen eo An, jemaron̄ lo jetōb in lōke im aenōm̧m̧an ilo ad kajiririk imminene ko rekwojarjar im jerbal in tiljek ko remaron̄ rejtak im keidaak kijeek in tōmak ko ad. Jen kajjojo emakut epaakeļo̧k kijeek kein reokmāneen im, itok kōn ta eo, ej pād wōt. Ilo etan Jisōs Kraist, amen.