Bwe Aō Ine Ej Eṃṃan, im Men eo Ij Ineke E Mera
Jen keememej bwe kajjojo armej ioon laļin ej nejin Anij im E ej iakwe aolep.
Bwebwenato in ej kōn juon em̧m̧aan etan Jack eo ekar wōr juon nejin kidu etan Cassie. Jack eaar m̧ōņōņō kōn Cassie im ekkā an kōnbar kōn kapeel eo an kidu eo. N̄an kam̧ool menin, Jack eaar kūrtok ro m̧ōttan n̄an alooje an Cassie kalojooj. Ālkin aō tōparļo̧k ilo hunting club, Jack eaar kōtļo̧k Cassie bwe en ettōr bajjōk bwe ej deļo̧n̄ļo̧k n̄an je etan.
Ke ej iien ijjino eo, Jack eaar kijōrjōr in kwaļo̧k kapeel ko an Cassie. Ijoke, Cassie ekar nana tam̧m̧win. Ekar jab pokake naan ko an Jack āinwōt an kijon̄ kar kōm̧m̧ane. Ekar ikūn̄ wōt iturin.
Jack eaar inepata im jook im illu ippān Cassie, im eaar ba ren ro̧o̧l. Cassie eaar jab maron̄ kelōn̄ļo̧k ioon wa eo, Jack ekar kaju kotake im kar likūt ilo nien kidu eo. Eaar illu kōn an ro kōm̧m̧an kōjak kōn kidu eo nejin ilo aer ro̧o̧l. Jack eaar jab meļeļe etke Cassie ekar nana tam̧m̧win. Ekar lukkuun ekkatak, im kōņaan eo an m̧okta ekar kajoor kam̧ōņōņōiki im jipan̄ e.
Ālkin tōparļo̧k m̧weeo, Jack eaar jino lale n̄e elōn̄ kinej ippān Cassie, mao, ak kijkij, āinwōt an ekkā an kōm̧m̧ane. Ke ej likūt pein ioon ubōn, ekar en̄jake jet men etutu im kar lo an bōtōktōk pein. Eaar jook im būrom̧ōj, eaar lo juon kinej aitok, edepakpak turin wot dri in ubōn Cassie. Eaar bar lo juon kinej ilo anbwijmaroan̄ in pein, im bar ilo dii.
Jack eaar atbokwoje Cassie ilo pein im jino jan̄. An jook ilo wāween an kōm̧m̧an im lale eaar nana. Cassie ekar nana tam̧m̧win ilo raan eo kōnke ekar wōr jikin emetak ippān. Tam̧m̧win eaar waļo̧k kōn an metak, an en̄taan, im an kinejnej. Eaar jab bwe en jab kōņaan pokake Jack ak jab iakwe e.1
Iaar ron̄ bwebwenato in iiō ko remootļo̧k im ban meļokļo̧k e. Ewōr jete armej ekinejnej ilubwiljid? Ewi emakijkij in ad ekajet ro jet pedped ioon kōm̧m̧an im jerbal ko aer, ak ejjeļo̧k jerbal, n̄e, jej lukkuun meļeļe, jen kar em̧m̧akūt kōn tiriam̧o im wōr ikdeleel n̄an jipan̄ ijelo̧kin likūt bar eddo iooer jen ad ekajet?
Iaar bōd ilo menin elōn̄ alen ilo mour eo aō, ak Irooj eaar katakin eō ilo en̄jake ko aō make im ke iaar ron̄jake en̄jake kōn mour an elōn̄ ro jet. Eaar ļap aō lukkuun kam̧m̧oolol kōn waanjon̄ak eo an ad Rilo̧mo̧o̧r ejitenbōro ke Eaar joļo̧k eļap An iien n̄an jerbal in karejar n̄an ro jet kōn iakwe.
Leddik eo nejū ediktata eaar ioon apan̄ in nan̄inmej jān ke ekar juon leddik jidikdik. Ekar lōn̄ iien ko ilo aolepen mour eo an me ekar en̄jake ke eban mour. Kōm naaj aolep iien kam̧m̧oolol n̄an armej ro raar letok jipan̄ ilo iien ko reppen: jijōt ippān, ron̄jake e, jan̄ ippān, im barāinwōt jeeri ippān doon menin letok ko raorōk, meļeļe ko ilo jetōb, im iien jemdo̧o̧n ko ilo iakwe. Ilo iakwe rot in, eddodo ko raar makunļo̧k jen jim̧or jait ko ruo
Elder Joseph B. Wirthlin, eaar kenono 1 Korint, eaar ba, “Eļan̄n̄e ij kōnono kōn lo ko an armej im enjeļ, a yokwe e jab ippa, em̧ōj aō erom kōba ettōn̄tōn̄, ak simbal e aen̄wān̄wā.”2
Ekar wōnm̧aanļo̧k wōt:
Ennaan eo an Paul n̄an rein rekāāl ro Rekwojarjar ekar pidodo im kajju: Ejjeļo̧k men komaron̄ kōm̧m̧an n̄an kōmman oktak n̄e ejjeļo̧k am̧ iakwe. Kwomaron̄ kōnono kōn lo ko, bōk menin letok eo an kanaan, meļeļe aolep men ko rettinno, im aolep jeļāļo̧kjeņ; men̄e ewōr am tōmak n̄an kōm̧akūt toļ ko, ak ñe ejelok iakwe in em̧ool ibbam koban jeraam̧m̧an.
“‘Iakwe emol ej iakwe eo erreo an Kraist’ [Moronai 7:47]. Rilo̧mo̧o̧r eaar kwaļo̧k iakwe in.”3
Ilo Jon jej riit, “Ilo men in armej otemjej renaaj jeļā bwe kom̧ij rū kaļora, eļan̄n̄e kom̧i yokwe doon.”4
Elōn̄ kōnono ko kar litok jān ritōl ro an Kabun̄ in kōn iakwe em̧ool, juon wōt, iakwe, jouj, tiriam̧o, jeo̧rļo̧k bōd, im jouj. Ij tōmak Rilo̧mo̧o̧r ej kūr kōj n̄an mour kōn juon wāween eutiejļo̧k, ekwojarjarļo̧k5—An wāween iakwe ijo aolep remaron̄ en̄jake aer lukkuun kobatok im aikuj.
Kar kakien kōj n̄an iakwe doon,6 jab ekajet er.7 Jen joļo̧k eddodo ko; ejjab ad n̄an ineeki.8 Ijoke, jemaron̄ bōk ine eo an Rilo̧mo̧o̧r kōn iakwe im tiriam̧o.
‟Kom̧in itok n̄an ippa, kom̧ otemjej rej jerbal im ban, im Inaaj kakkijeik kom̧.
‟Kom̧win bōk aō ine im likūti i aerami, im katak Ippa; …
“Bwe Aō ine ej emman, im men eo Ij ineke e mera.9
Rilo̧mo̧o̧r ejjab liaakeļo̧k jerawiwi ak ej letok n̄an kōj An iakwe im letok jeo̧rļo̧k bōd n̄e jej ukweļo̧k. N̄an kōrā eo ekar ļōn̄, E eaar ba, “N̄a I jab liaakeļo̧k eok: kwōn ilo̧k, im jab bar jerawiwi.”10 Ro Ekar jibwe er rekar en̄jake iakwe eo An, im bwe iakwe ekar kōmour im ukōt er. An iakwe ekar im̧we er n̄an kōņaan ukōt mour ko aer. Mour kōn katak ko An ej bōktok m̧ōņōņō im aenōm̧m̧an, im Eaar karuwainene jet n̄an mour kōn ettā, jouj, im iakwe.
Elder Gary E. Stevenson eaar ba, “N̄e jej ioon lan̄ im anjiwiwi ko an mour in, nan̄inmej im jorrāān, Irooj—ej ad Seperd, ad Rikōjparok—enaaj naajdik kōj kōn iakwe im jouj. E enaaj kōmour būruwōd im kōro̧o̧ltok jetōb ko ad.”11 Āinwōt rikaļoor ro an Jisōs Kraist, jejjab ke kōm̧m̧an ejja men kein wōt?
Rilo̧mo̧o̧r eo ej kajjitōk ippān n̄an katak Ippan12 im kōm̧m̧ani men ko jaar lo An kōm̧m̧ani.13 Ej ej waanjon̄ak eo kōn iakwe eo em̧ool, eo iakwe eo erreo. Ilo ad ekkatak n̄an kōm̧m̧ane ta eo Ej kajjitōk ippād—jaab ilo jerbal ak em̧ool kōn kōjeraam̧m̧an ko jemaron̄ būki ak ejjeļo̧k iakwe em̧ool n̄an E im Jemedwōj Ilan̄14—An iakwe enaaj lutōktok ilo kōj im kōm̧m̧an bwe aolep men eo Ej kajjitōk eban pidodo ak enaaj lukkuun pidodo im mera15 n̄an kōļapļo̧k m̧ōņōņō eo jejjab maron̄ kōtmene. Enaaj bōk kaminene; emaron̄ bōk iiō, āinwōt kar n̄an n̄a, ak ilo ad kōņaan bōk iakwe bwe en m̧weiied, E emaron̄ bōk kōņaan in,16 ine in, im em̧ool ukōt bween juon wōjke eaiboojoj, eobrak kōn leen ko renno.17
Jaar al juon iaan al in jar ko rem̧m̧an ippād: “Who am I to judge another when I walk imperfectly? In the quiet heart is hidden sorrow that the eye can’t see.”18 Wōn ilubwiljid ewōr būrom̧ōj ko jej ņooji? Rūm̧m̧an ded ro ak ajri ro relukkun bōt, m̧am̧a ak baba eo ejjeļo̧k pāleen, ro ewōr aer nan̄inmej in kōmālij, ro rej pere tōmak ko aer, ro rej kalijōkļo̧k kōn kwe ria ak manit, ro rej en̄jake ajimakeke, ro rej jan̄nuwaad n̄an m̧are, ro rej an̄ūrlepi men ko rejjab aikuji, im elōn̄ men ko jet ilo mour in idajon̄jon̄ in—ekkā an waļo̧k n̄an ro kajjieon̄ mour jim̧we.
Ejjeļo̧k iaad ewānōk mour ko ad ak baam̧le ko ad rōwānōk; ijeļā bar n̄a. Ilo ad kappukot n̄an meļeļe ro jet ro raar bar ioon apan̄ ko im jab wānōk ko, emaron̄ jipan̄ er en̄jake bwe rejjab make ļo̧k ilo apan̄ ko aer. Kajjojo raikuj en̄jake ke rej lukkuun kōm̧m̧an kobatok im rej aikuj ilo ānbwin Kraist.19 Kōņaan eo an Setan eļap ej n̄an kōjepelļo̧k ro nejin Anij, im eļap an tōprak, ak ewōr kajoor eļap ilo bōro kuk.20 Im elmen ad aikuj etetal jibwe pein doon ilo iaļ in eapan̄ ilo mour in!
Rikanaan eo ad, Būreejtōn Russell M. Nelson: eaar ba, “Jabdewōt kakkure ak jum̧ae ņae jabdewōt kōn laļ, armej, m̧wiļ, m̧aan ak kōrā, māletlet, m̧anit, ak kadkad ko raorōk enana ippān Rikōm̧anm̧an eo ad! Kain kōm̧m̧an rot in enana ej kōm̧m̧an bwe jen mour ium̧win bōd ko ad āinwōt ļaddik im leddik in bujen ro Nejin!”21
Ke Būreejtōn Nelson ekar kūr kōj aolep n̄an deļon̄e im pād ilo iaļan bujen in me ej tōļļo̧k kōj n̄an Jemedwōj Ilan̄ ilo lan̄, eaar bar letok kapilōk in: “N̄e ro m̧ōttad ak baam̧le … rej etal jen Kabun̄ in, iakwe wōt er. Ejjab am̧ pepe n̄an ekajete kālet eo an ro jet āinwōt am̧ jab kōņaan bwe ren ekajet eok kōn am̧ pād wōt ilo tiljek jen jum̧ae.”22
Ro m̧ōtta, jen keememej bwe kajjojo armej ioon laļin ej nejin Anij23 im E ej iakwe aolep.24 Ewōr ke armej kwoj ioone er ro me kwolukkun kōņaan ekajete er? N̄e ewōr, keememej bwe rein ewōr iien em̧m̧an n̄an ad kamminene kwaļo̧k iakwe āinwōt iakwe eo an Rilo̧mo̧o̧r.25 Ilo ad ļoor waanjon̄ak eo An, jemaron̄ inene Ippān im jipan̄ leļo̧k en̄jake in iakwe im kobatok n̄an būruwōd aolep ro nejin Jemād.
“Jej yokwe e, bwe Ear yokwe kōj m̧okta.”26 Ilo ad obrak kōn iakwe eo an Rilo̧mo̧o̧r, An ine emaron̄ pidodo, im An eddodo emaron̄ mera.27 Jān menin ij kam̧ool ilo etan Jisōs Kraist, amen.