Ruwainene n̄an Bok In
M̧ōttan ko Rem̧m̧an jān M̧ōttan eo Kein Karuo in 192th Kweilo̧k eo Eļap
Tampeļ Square ekar pād ilo aenōm̧m̧an ilo M̧ōttan eo Kein Karuo in 192th Kweiļo̧k eo Eļap an Kabun̄ in. Anikien ekkaļ ko ilo ijo im m̧akūtkūt an laļ in bwebwenato ko an ilo Salt Lake City Tampeļ rekar pōjrak.
Ak juon aenōm̧m̧an oktak ekar kobrak m̧weo im̧ōm im būruem ilo am kapojrak anikien laļin n̄an ron̄jake rikanaan ro im rijilōk ro remour.
“Jān jikin kōnono in rainin im ilju kom̧ naaj wōnm̧aanļo̧k n̄an ron̄jake m̧ool,” President Russell M. Nelson ekar katakin kōn juon m̧wil in mej ko mejen rem̧ōņōņō. “Jar ilo kajjitōk ippān Irooj n̄an kapene ta eo kwar ron̄ em̧ool” (lale peij 29).
Ilo aolepen kweiļo̧k eo, rikōnono rekar katakin kōn kōkajoor naan in kam̧ool ko rem̧ool, ekoba kōm̧m̧an im kōjparok bujen ko rekwojarjar (lale peij ko 95 and 73), bōk make ad revelesōn (lale peij 16), im mour in rikaloor (lale page 77).
“Ilo am̧ kōm̧m̧an bwe en kajoor wōt naan in kam̧ool eo am̧ ilo Jisōs Kraist en im̧aantata,” Būreejtōn Nelson ekar ba, “lale kabwilōn̄lōn̄ ko renaaj waļo̧k ilo mour eo am” (lale peij 95).
Ālikin an jemļo̧k kweilo̧k eo eļap, jerbal ko ilo Salt Lake City Tampeļ rekar bar ijino. Jerbal ak kōppopo rekar barāinwōt jino ilo 125 tampeļ ko ipelaakin laļin rekar kōjeļļā kaki ak rej ekāl wōt. Menin ekoba kiiō 18 tampeļ ko rōkāāl Būreejtōn M. Nelson kar kōjjeļļā ilo naan in kōjjem̧ļo̧k eo an ilo kweilo̧k eo eļap (lale page 121).
“[Irooj] ej kōm̧m̧an bwe en pidodoļo̧k wōt tōpar tampeļ ko An,” Būreejtōn Nelson ekar ba. “E ej kōm̧ōkajļo̧k bun̄tōn eo me jej kalōk tampeļ ko. E ej kōļapļo̧k maron̄ eo ad n̄an jipan̄ aiintok Israel” (lale page 121).