Nuuj ko an Kabun̄ in

Tōl eo Ekāāl an Kōkajoorļo̧k n̄an Jodikdik Ro

Kabun̄ in emōj an bar etale tōl eo an n̄an jodikdik ro Rekwojarjar ilo Raan Ko Āliktata. N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kālet ko ej karuwainene jodikdik n̄an kōm̧m̧ane kālet ko aer im kapukōt im̧we n̄an mour kōn katak ko an gospel in.

“Tōl eo em̧m̧an tata komaron̄ bōke n̄an kōm̧m̧ani kāālet ko ej Jisōs Kraist. Jisōs Kraist ej kajoor eo n̄an kōkajoor jodikdik ro,” Elder Dieter F. Uchtdorf ekar katakin jān Doulul eo an Jon̄oulruo Rijilōk ro ilo m̧wen̄an eo an Jādede jibbon̄ ilo kweilo̧k eo eļap. “Un eo N̄an Kōkajoorļo̧k Jodikdik Ro ej n̄an kareiļo̧k kwe n̄an E. Ej katakin eok m̧ool ko indeeo an gospel eo An me em̧ōj an jepļaaktok—m̧ool ko kōn wōn kwe, wōn E, im ta eo kwomaron̄ kōm̧m̧ane kōn kajoor eo An” (“Jisōs Kraist Ej Kajoor Eo n̄an Jodikdik ro,” Liaona, Nob. 2022, 10–11).

Jodikdik ro kar rōjan̄ er n̄an kōjerbale pedped ko an tōl in n̄an kōm̧m̧ani kālet ko rem̧m̧an ilo aolepen mour ko aer. Pāāren ro, ritōl ro, im jodikdik ro remaron̄ ekkatak im kwaļo̧k tōl ilo m̧ōko, kweiļo̧k ko an Jabōt, im makūtkūt ko, ekoba camp ko im kweiļo̧k ko an jodikdik. Ritōl ro an Likao ro im Jiron̄ ro remaron̄ ekkā aer kwaļo̧k katak ko raorōk ilo tōl in. Katak in pedped ko remaron̄ barāinwōt pedped in standard night ko kajjojo iiō n̄an jodikdik ro im pāāren ro aer.

Tōl eo ekāāl epād ilo digital ilo 50 kajin ko ilo jekjōn eo an Jodikdik ilo Gospel Library im ilo youth.ChurchofJesusChrist.org. Kape ko būrini enaaj jilkinļo̧k m̧ōttan jidik n̄an ward ko im branch ko aolepen laļin.