Te buka iti Nō te Pūai o te Feiā ’Āpī, tei fa’a’āpīhia

’Ua hi’opo’a fa’ahou te ’Ēkālesia i tāna buka iti nō te feiā ’āpī, feiā mo’a i te mau mahana hope’a nei. Tē ani manihini nei te Nō te Pūai o te Feiā ’Āpī : E arata’i nō te rave i te mau mā’itira’a i te feiā ’āpī ’ia fa’a’ohipa i tō rātou ti’amāra’a ’ia mā’iti ’e ’ia ’imi i te fa’aurura’a nō te ora i te mau tītaura’a o te ’evanelia.

« Te arata’i maita’i roa a’e e ti’a e roa’a ia ’outou nō te rave i te mau mā’itira’a, ’o Iesu Mesia ïa. ’O Iesu Mesia te pūai o te feiā āpī », tā Elder Dieter F. Uchtdorf nō te pupu nō te Tino ’Ahuru ma Piti ’āpōsetolo i ha’api’i, i roto i te tuha’a purera’a nō te po’ipo’i mahana mā’a nō te ’āmuira’a rahi. « Te ’ōpuara’a o te Nō te Pūai o te Feiā ’Āpī, ’o te arata’i atu ia ’outou iāna ra. E ha’api’i te reira ia ’outou i te mau parau mau mure ’ore o tāna ’evanelia tei fa’aho’ihia mai, te mau parau mau nō ni’a i te mau uira’a ’o vai ’outou, ’o vai ’oia, ’e e aha tā ’outou e nehenehe e rave fa’aoti ma tōna pūai » (« ’O Iesu Mesia te pūai o te feiā ’āpī », Liahona, Novema 2022, 10–11).

Tē fa’aitoitohia nei te feiā ’āpī ’ia fa’a’ohipa i te mau parau tumu i roto i te arata’i, nō te rave i te mau mā’itira’a parauti’a i roto i te mau tuha’a ato’a o tō rātou orara’a. E hina’aro paha te mau metua, te feiā fa’atere ’e te feiā ’āpī e tuatāpapa ’e e fa’a’ite i teie buka iti i te fare, i roto i te mau rurura’a i te sābati, ’e i roto i te mau ’ātivite, mai te mau pūhapara’a ’e te mau ’āmuira’a feiā ’āpī. E hina’aro paha te feiā fa’atere o te Feiā ’Āpī Tamāroa ’e te Feiā ’Āpī Tamāhine e onoono tāmau i ni’a i te mau parau tumu i roto i teie buka iti. E nehenehe ato’a e rave i teie mau parau tumu ’ei ’āru’i matahiti nō te fa’atumu i ni’a i te mau fa’aturera’a, nō te feiā ’āpī ’e tō rātou mau metua.

E roa’a teie buka iti ’āpī nā roto e 50 reo i roto i te tuha’a Feiā ’Āpī o te Vaira’a buka ’evanelia, ’e i ni’a youth.ChurchofJesusChrist.org. E hāponohia atu, i muri nei te mau buka nene’ihia i roto i te mau pāroita ’e te mau ’āma’a nā te ao ato’a nei.