Mau parau ’āpī nō te ’Ēkālesia

’Ua riro mai te peresideni Nelson ’ei peresideni pa’ari roa a’e o te ’Ēkālesia

’Ua fānauhia ’oia i te 9 nō Tetepa 1924, ’aita i maoro a’enei, ’ua fa’ahanahana te peresideni Russell M. Nelson i te 98ra’a o tōna mahana fānaura’a. I te 14 nō ’Ēperēra 2022, ’ua riro mai ’oia ’ei peresideni pa’ari roa a’e i roto i te ’ā’amu o te ’Ēkālesia.

I te ferurira’a nō ni’a i te tāvinira’a ’e te orara’a o te peresideni Nelson, ’ua parau te peresideni Dallin H. Oaks, tauturu hō’ē i roto i te Peresidenira’a Mātāmua : « E ti’a fa’atere fa’auruhia ’oia ’e te pa’ari, ’e e ta’ata marū roa ’ae ’e te au roa a’e ’o tā oe e nehenehe e ’āmui atu ».

’Ua fa’a’ite te peresideni Henry B. Eyring, te tauturu piti, i tōna mau mana’o nō ni’a i te ti’ara’a o te peresideni Nelson ’ei peropheta nā te Fatu : « I te mau taime ato’a e haere mātou i rāpae i te piha tōro’a, e parau māua te peresideni Oaks ē, ‘terā, ’ua tupu fa’ahou ā’. E ite noa ’oe i te heheura’a ’ia tae mai. E ’ite ’oe iāna ’ia ani i te parau a’o, ’e i muri iho e tae mai te fa’aotira’a ’e e ’ite te mau ta’ata ato’a i roto i te piha e mea tano ’e nō ’ō mai i te Atua ra. E parau marū noa ’oia : ‘Tē mana’o nei au ’o teie tā te Fatu e hina’aro ia tātou e rave.’ Mea tano i te mau taime ato’a ».