Je, Misheni na Huduma ya Kristo Ilikuwa ni Nini?

Picha

Yesu akifundisha

Mahubiri ya Mlimani, na James Tissot © Brooklyn Museum of Art / Bridgeman Images

Yesu Kristo alifanya agano kwenye maisha ya kabla ya haya la kuja Duniani na kuwa Mwokozi wetu (ona Musa 4:2; Ibrahim 3:27). Kama Mwokozi wetu, Yeye alikamilisha vyote misheni na huduma Yake.

Rais Russell M. Nelson alieleza: “Misheni ya Bwana hapa duniani ilikuwa ni kukamilisha Upatanisho … [na] kufanya uzima wa milele uwezekane kwa kila mtu ambaye ataustahili. … Huduma Yake ilikuwa kila kitu chochote ambacho alifanya—miujiza Yake, mafundisho Yake, upendo Wake, fokasi Yake kwenye ibada takatifu, mafundisho Yake kwetu ya jinsi ya kusali.”¹

Vipengele vya misheni na huduma ya Kristo vimeelezwa kwenye sehemu nyingi katika maandiko. Angalia maelezo yaliyotolewa na mama yake, Mariamu, katika Luka 1:46–55. Hana, pia ni mfano wa unyenyekevu, alitoa sala kama hiyo kuhusu huduma ya Bwana katika 1 Samweli 2:1–10.

Kama kitabu cha kiada cha Njoo,Unifuate kinavyopendekeza, unaweza kulinganisha haya na Mahubiri ya Mlimani katika Mathayo 5:3–12.²

Fikiria kuorodhesha baadhi ya vipengele vya huduma ya Kristo ambavyo maandiko haya yanavielezea; kipengele kimoja kimeorodheshwa kama mfano:

Kristo alikuja kusaidia kushibisha njaa yetu ya kiroho (ona 1 Samweli 2:5; Luka 1:53; Mathayo 5:6).