Njoo, Unifuate

Mathayo 3; Marko 1; Luka 3

Jinsi Gani Ubatizo Unaonesha Utiifu?

Mwokozi wetu ni mfano mkamilifu wa utiifu kwa Baba wa Mbinguni, alitamka, “Siyatafuti mapenzi yangu Mimi, bali mapenzi yake aliyenipeleka” (Yohana 5:30).

Mwokozi alibatizwa kuonesha utii kamili kwa Baba wa Mbinguni. Vivyo hivyo, wakati tunapoonesha utiifu wetu kwa kubatizwa, tunaingia kwenye agano na Mungu la kuwa wafuasi waliojitoa, watiifu wa Yesu Kristo. (Ona 2 Nefi 31:5–13.)

Kielelezo kimoja cha utiifu wa Mwokozi kinapatikana katika hadithi ya ubatizo Wake.

“Wakati huo akaja Yesu kutoka Galilaya mpaka Yordani kwa Yohana, ili abatizwe.

“Lakini Yohana alitaka kumzuia, akisema, Mimi nahitaji kubatizwa na wewe, nawe waja kwangu?

“Yesu akajibu akamwambia, Kubali hivi sasa, kwa kuwa ndiyo itupasavyo kuitimiza haki yote”.(Mathayo 3:13–15).

Yohana Akimbatiza Yesu, na Harry Anderson

Jaza nafasi zilizo wazi

Jinsi gani ungekamilisha taarifa ifuatayo? Ubatizo ni _____________. Kwa ajili ya mawazo, ona 2 Nefi 31:17–18.); ona pia J. Devn Cornish “Mlango Unaoitwa Ubatizo,” Liahona, Feb. 2015, 17.

Mjadala

Kama familia au wewe peke yako, rejelea agano uliloliweka wakati wa ubatizo (ona Mosia 18:8–10; Mafundisho na Maagano 20:37). Je, ni vitu gani unaweza kufanya ili kulishika agano hili katika maisha yako ya kila siku?