Kwa ajili ya Wazazi

Familia na Nuru ya Ulimwengu

Wapendwa Wazazi,

Familia ni sehemu muhimu ya mpango wa furaha wa Baba wa Mbinguni kwa ajili ya watoto Wake. Makala katika toleo la mwezi huu zinaweza kukusaidia kuboresha mawasiliano ndani ya familia na kusaidia kuzitatua changamoto katika mahusiano ya kifamilia. Unaweza pia kutumia toleo hili kukusaidia kuwafundisha watoto baadhi ya masomo muhimu kutoka Agano Jipya.

Majadiliano ya Injili

Yesu Kristo ni Nuru Yetu ya Kweli

Shiriki na familia yako baadhi ya mafundisho kutoka katika makala ya Rais Ballard kwenye ukurasa wa 4 kuhusu jukumu la Yesu Kristo kama Nuru ya Ulimwengu. Kama familia, tengenezeni orodha ya vyanzo mbalimbali vya nuru ndani ya nyumba yenu na jadilini mambo mbalimbali ambayo nuru inafanya kwa ajili yetu. Ni kwa njia gani Yesu Kristo, kama chanzo kikubwa zaidi cha nuru ya kiroho, anatusaidia sisi?

Mawasiliano ya Wazi katika Familia

Ni muhimu kuwa umejiandaa kiroho kwa ajili ya changamoto za maisha. Kwenye ukurasa wa 12, soma baadhi ya ushauri kutoka kwa mshauri wa afya ya akili juu ya jinsi ya kuwa na mazungumzo muhimu, na yenye kuimarisha kwa watoto wako. Ni mawazo na mapendekezo gani kati ya haya ungeweza kuyatekeleza pamoja na familia yako?

Kuiandaa Mioyo Yetu kwa ajili ya Neno

Soma makala ya Kaka Camargo kwenye ukurasa wa 38 kuhusu fumbo la mpanzi. Jadiliana na familia yako aina mbalimbali za udongo katika fumbo hili zinaashiria nini. Watoto wadogo wangeweza kuchora vitu kutoka kwenye fumbo na kuzungumza kuvihusu, na watoto wakubwa wangeweza kulisoma fumbo katika Marko 4:3–20 na kushiriki mawazo yao au maswali yao.

Njoo, Unifuate Burudani ya Familia

Kufanya Mambo Magumu kwa Msaada wa Mungu

Kama Mariamu na binamu yake Elisabeti katika Agano Jipya (ona Luka 1:5–55), wakati mwingine tunaombwa kufanya mambo magumu na tunaweza kujiuliza kama tunaweza.

1. Weka chombo kitupu, kama vile ndoo au boksi, mwisho wa chumba.

2. Mpe kila mwanafamilia unyoya.

3. Kuanzia kwenye mwisho wa chumba mkabala kutoka kwenye chombo, mtake kila mwanafamilia kujaribu kuliweka nyoya lake ndani ya chombo kwa kulipuliza hewani wanapopita chumbani.

4. Kufanya iwe ya kushindana zaidi, ruhusu sekunde 30 tu, na tumia mrija kupuliza hewa kwenye nyoya. Endelea kupunguza muda uliowekwa mpaka shughuli iwe isiyowezekana.

Majadiliano: Weka akilini kwamba baadhi ya changamoto zinaweza zisiweze kutatuliwa katika maisha haya, shiriki uzoefu ambao uliimarisha ushuhuda wako kwamba “Yasiyowezekana kwa wanadamu yawezekana kwa Mungu” (Luka 18:27) Ni hatua zipi ndogo ndogo unaweza kupiga kila siku ili kukamilisha majukumu yanayoonekana hayawezekani katika maisha yako?

Imewasilishwa na Lisa Thomas

Kutoka Gazeti la Kwa Ajili ya Nguvu kwa Vijana

Pokea Nuru ya Kristo na ishiriki

Rais M. Russell Ballard anafundisha vijana jinsi wanavyoweza kupata ziada ya Nuru ya Yesu Kristo kwenye maisha yao na jinsi wanavyoweza kuishiriki na wengine.

Msaada kwa ajili ya Walionusurika Unyanyasaji

Ona nyenzo gani na msaada vinapatikana kusaidia kuleta tumaini na uponyaji kwa wale walionusurika unyanyasaji.

Kushughulikia Maswali na Wasiwasi

Kaka Jan E. Newman anawapa vijana baadhi ya ushauri wenye msaada kwa wakati wanapohisi kuzungukwa na giza kwa sababu ya maswali magumu na wasiwasi.

Mambo Yote Yawezekana kwa Mungu

Ona jinsi Mungu anavyofanya miujiza kwa ajili yetu—siku za kale na leo.

Kutoka gazeti la Rafiki

Yesu ni Nuru Yetu

Soma ujumbe kutoka kwa Rais Dallin H. Oaks kuhusu jinsi gani Yesu ni Nuru ya Ulimwengu. Kisha kamilisha shughuli za kulinganisha‑maandiko.

Jedwali la Maandiko ya Kusoma

Tumia jedwali hili kujifunza maandiko na watoto wako mwaka mzima.

Kumfuata Yesu nchini Uingereza

Kila mwezi mwaka huu, kutana na rafiki mpya kutoka nchi tofauti na jifunze jinsi wanavyomfuata Yesu kule wanakoishi.