“Koi Au”
Na loloma i Karisito—e ivakadinadinataki ena taucoko ni yalodina kina loma ni kalou—sa ia tikoga ka na ia tikoga.
Ena Siga ni Vakacecegu, eda soqoni vata meda tukuni Karisito kei na Nona vakoti ena kauveilatai. Au sa kila ni bula tu.
Vakasamataka mada na iyaloyalo oqo na iotioti ni Nona macawa ena bula oqo o Jisu. Era soqoni vata mai e lewevuqa, wili kina o ira na sotia ni Roma vakaiyaragi ena sitavi ka vauci vei ira na iseleiwau. Liutaki ira oira na turaganivalu mai vei ira na bete iliuliu ka ra taura tu na bukawaqa, na kabani oqo e sega ni la’i valuta e dua na koro levu. Ena bogi oqo era vakasaqara voli e dua ga na tamata, na tamata oqo e kilai ni sega ni dau kau iyaragi, sega ni vuli ivalu, se bau veivala ena dua na gauna ni Nona bula taucoko.
Nira yaco yani na sotia, ena Nona sasaga ko Jisu me taqomaki ira na Nona tisaipeli, a lako mai ka kaya, “Dou sa vakasaqarai cei?” Era sa kaya vua, “ko Jisu na kai Nasareci.” Sa kaya vei ira ko Jisu, “Koi au. Ena gauna ga e kaya kina vei ira, koi au, era dui suka vakanadaku ka bale sobu ki na qele.”
Vei au, oqori e dua vei ira na iyatuvosa veiyavalati duadua ena ivolanikalou. Ena loma ni veika tale eso, e tukuna vakadodonu vei au ni noda tiko walega ena iserau ni Luve ni Kalou—na Jiova ni Veiyalayalati Makawa kei na iVakatawa Vinaka ena Veiyalayati Vou, ka sega ni kauta voli e dua na iyaragi—ni kena rogoci walega na domona o koya na iVakaruru mai na Cava oqo, na Tui ni Sautu kei na Bete Levu ni Veika Vinaka era na veidrigidrigi lesu kina na meca ena druka ka ra kalobi ena dua na binibini, ka diva kina na ilawalawa taucoko oqo me ra a vakaitavi ga e valenikuro ena bogi oya.
Ena vica ga na siga e liu, ni curuma yani ena qaqa na koro levu, “sa yavala kecega na lewenikoro,” ka kaya, “Ko cei li oqo?” Au rawa ni raitayaloyalotaka “Ko cei li oqo?” era se taroga tiko ga oqo na sotia veilecayaki oya!
Na isaunitaro oya ena sega beka ni tu ena Kena irairai, ni parofisaitaka o Aisea ena vitu na senijiuri e liu “sa sega ni vinaka na matana, ka sa sega ni vatuka vinaka na yagona; ia nida raici Koya sa sega ni matavinaka ko koya meda qoroi koya kina.” E dina sara ni sega ena Nona kovate ni isulu se ena Nona iyau, ka ni sega ruarua Vua. E sega na vuli ni kenadau mai na dua na valenilotu ena vanua oya baleta ni sega ni dua na ivakadinadina ni vuli mai kina, e dina ni ena Nona gauna vakaitabagone a rawa me vakamadualaki ira na vunivola kei na loya vuli vinaka, ka vakurabuitaki ira ena Nona ivunau “vaka e dua e tu Vua na lewa.”
Mai na veivakatavulici ena valetabu kina Nona curu vakatui i Jerusalemi kei na otioti, gauna voravora, a biu o Jisu ena dua na vanua dredre, vakavuqa na gauna dredree e rawata vakavinaka o Koya—qaqa eda sega ni vakamacalataka rawa vakavo na dra tabu.
Ia ena volatukutuku ni gauna e levu era tukuna, sega ni vakabibitaka na keda irairai baleti Koya kei na Nona ivakadinadina baleta ocei o Koya. Era vakalailaitaka na Nona ivalavala dodonu me bula vakaivakarau walega, na Nona lewa dodonu me nona cudru ga, se na Nona loloma cecere me veivakadonui walega. Meda kua ni rawai ena ivakarau rawarawa me baleti Koya ka vakacala na vinaka ni nona ivakavuvuli. “Na buturaki sobu” e dina ena vuqa na gauna baleta na Nona bula savasava, na Nona loloma.
Ena Nona veiqaravi ena bula oqo, a vakavuvulitaka o Jisu ni rua na ivunau cecere. E dau vakatavulici ena koniferedi oqo ka na dau vakatavulici tu ga: “Lomana na Turaga na nomu Kalou [ka] lomana na wekamu me vakataki iko.” Kevaka meda muria na iVakabula ena yalodina ena rua na lawa bibi sega ni tawasei rawa oqo, sa dodonu me da taura matua na ka a tukuna taumada o Koya. Na ka e tukuna dina o Koya oya, “Kevaka dou lomani au, dou talairawarawa k na noqu ivunau.” Ena yakavi vata oya, a kaya kina o Koya “dou veilomani; me vaka au sa lomani kemudou.”
Ena ivolanikalou oqori, na malanivosa dina oqori, na loloma dina Vakarisito—so na gauna e dau tukuni me loloma cecere—e rui bibi.
Na cava era vakamacalataka? E vakacava na loloma i Jisu?
Taumada, e loloma o Koya ena “yalona taucoko, igu, vakasama kei na kaukauwa,” e rawa kina Vua me vakabula na mosi titobu ka tukuna na dina dredre. Vakalekaleka ga, o Koya e dua e rawa ni solia na loloma soliwale ka cikevaka na dina ena gauna vata ga. Me vaka na nona vakalougatataki Jekope na luvena o Liai, “Sa yaco na veivueti ena vukui Koya na Mesaia Tabu; ni sa sinai tu ena loloma soli wale kei na dina.” Na Nona loloma e rawa kina na imoko ni loloma veivakayaloqaqataki ena gauna e gadrevi kina kei na bilo wiwi ena gauna me tilomi kina. O koya eda sa tovolea kina meda veilomani—ena yaloda taucoko, noda igu, noda vakasama kei na kaukauwa baleta oqo na sala e lomani keda kina o Koya.
Na ikarua ni ivakarau ni loloma vakalou nei Jisu na nona talairawarawa kina vosa kecega sa lako mai na gusu ni Kalou, sa dau vakataudonutaka na Lomana kina Lomai Tamana Vakalomalagi.
Ena nona yaco mai kina iwase ni vuravura oqo ni oti Nona Tucake tale, a kaya na Karisito vei ira na Nifaiti: “Raica, koi Au ko Jisu Karisito. Au gunu oti mai na bilo wiwi ka a solia vei au na Tamada, ia au sa vakayacora na lomai Tamada ena veika kecega mai na ivakatekivu.”
Ena levu tu ni sala e rawa ni vakamacalataki Koya kina, a vakayacora ko Jisu ena Nona tukuna na Nona talairawarawa ki na lomai Tamana—veitalia ni sega soti ni dede mai na Nona gauna ni gagadre levu duadua, a vakila na Luvena e Duabau ga na Kalou oqo ni sa laivi Koya ko Tamana. Na loloma cecere i Karisito—e vakadinadinataki ena nona soli Koya vakadua kina loma ni kalou—sa ia tikoga ka ia tikoga, sega walega ena veisiga rawarawa ka logaloga vinaka ia ena gauna butobuto ka dredre duadua talega.
Ko Jisu na “tamata e daurarawa na lomana” e kaya na ivolanikalou. E lako curuma na veika rarawa, oca, yalorarawa, kei na galili mosimosi. Ena gauna oqo kei na veigauna kecega, sa sega ni mudu na loloma nei Jisu ka sega vakakina na nei Tamana. Ena loloma yalomatua oya—na kena bulataki, vaqaqacotaki, ka wasei—na noda ena sega talega ni mudu.
O koya, kevaka eona tovolea vakaukauwa, ena dredre mo rawata; kevaka, ena gauna sara ga o tovolea kina mo cakacakataka na nomu malumalumu kei na dredre, ona kunea e dua na tamata se dua na ka ena vakatovolea me nomu vakabauta, kevaka, nio cakacaka vagumatua, o se vakila ga eso na gauna ni curumi iko na rere, nanuma ni vakakina vei ira eso na tamata uasivi sara ka vakasakiti na nodra yalodina ena veitabagauna kece. Nanuma talega ni tiko e dua na kaukauwa ena lomalagi kei na vuravura kecega ka nona inaki me vorata na veika vinaka kece o via cakava.
O koya, ena gauna ni sautu vakakina ena dravudravua, ena veivakacaucautaki vuni se na veivakacacani e matanalevu, mai na veitiki vakalou ni Veivakalesui mai kei na malumalumu lalai vakatamata ena dau yaco vata, eda na toso tikoga ena noda tauyavutaka ka tiko ga ena Lotu dina i Karisito Baleta na cava? Baleta eda sainitaka kei na noda Dauveivueti na lewenivuli taucoko—sega ni dua walega na veitarotarogi lekaleka ni veivakilaitaki ia me yaco sara ki na veitarogi vakayabaki. Na ka marautaki eke o Qasenivuli Liu sa solia tu na isaunitaro kece mai na ivola ni se bera ni tekivu na vuli. Kena ikuri, era tu na dauvakasala vakavuli era vakananumi keda na veisaunitaro oqori ena gauna ni cegu ena loma ni ilakolako. Ia na ka dina, ena sega ni yaga vakavinaka oqori kevaka eda vakalutu vuli.
“O cei dou sa vakasaqara?” Mai vu ni yaloda eda sauma, “Ko Jisu na kai Nasareci.” Ni kaya o Koya, “Koi Au,” eda na tekiduru ka vakatusa e yameda ni o Koya na Karisito bula, ni o Koya duadua ga a sorovaka na noda ivalavala ca, ni a kauti keda voli ena gauna mada ga eda nanuma kina ni sa biuti keda o Koya. Nida tu vata kei Koya ka raica na mavoa e Ligana, kei na yavana, kei na sarisarina, sa na tekivu meda kila na kena ibalebale Vua me colata noda ivalavala ca ka dau kila ka rarawa ka talairawarawa vakavinaka kina lomai Tamanataucoko ena vuku ni Nona lomani keda. Meda vakaveikilaitaka e dua kina vakabauta, veivutuni, papitaiso ena tabadromuci ciqoma na isolisoli ni Yalo Tabu ka ciqoma na veivakalougatataki cecere ena vale ni Turaga—oqori na “ivakavuvuli kei na cakacaka vakalotu tabu” ka vakavotua na noda lomana na Kalou kei na kainoda ka marautaka na Lotu dina i Karisito.
Taciqu kei na ganequ, au vakadinadinataka ni Lotu i Jisu Karisito ni Yalododonu Edaidai sai koya na idewadewa e vakarautaka na Kalou me baleta na noda bula vakacerecerei. Na kosipeli e vakavuvulitaka na dina, kei na dina ni matabete e sega ni veisau. Au vakadinadinataka nio Russell M. Nelson e dua na parofita ni noda Kalou, me vakataki ira era e liu vua kei ira era na qai muri mai. Ena dua na siga na veiliutaki vakaparofita oqori ena liutaka e dua na itabatamata me raica na noda iTalatala ni Veivakabulai ni siro mai me vaka na “tibiniliva mai natuicake,” ka da na qai kailavaka, “Ko Jisu na kai Nasareci.” Ena liga sa dodo me tawamudu, ena qai sauma mai o Koya, “Koi Au.” Au yalataka ena kaukauwa vakaiapositolo kei na lewa ni Yacana tabu, o Jisu Karisito, emeni.