“Faaleleia o Tomai o le Aoaoina ma Talanoaga ma Aoaoga laiti,” Taliina o A‘u Fesili o le Talalelei Anomea a le Faiaoga (2022)
“Faaleleia o Tomai o le Aoaoina ma talanoaga ma Aoaoga laiti,” Taliina o A‘u Fesili o le Talalelei Anomea a le Faiaoga
Faaleleia o Tomai o le Aoaoina ma Talanoaga ma Aoaoga laiti
O lenei kosi e aofia ai le iva o aoaoga laiti ua mamanuina e faaleleia atili ai le tomai o tagata aoga e aoao ai ma talanoaina aoaoga faavae, aoaoga, aiaiga faavae, ma le talafaasolopito o le Ekalesia.
E tatau i faiaoga ona faamasani i mea uma e faaaoga i aoaoga laiti ona filifili lea o aoaoga latou te lagona e sili ona talafeagai ma fetaui le taimi mo a latou tagata aoga. Ua fautuaina ia faaaoga aoaoga laiti i le amataga o le vasega. E mafai e faiaoga ona fuafua i le taimi o vasega e faaauai ai tagata aoga i se aoaoga laitiiti. O aoaoga laiti ua mamanuina e alu ai pe tusa ma le 15 minute.
E faaaoga e le aoaoga laiti le mamanu lenei:
-
Faamatalatala. Fesoasoani i tagata aoga ia malamalama i le mataupu faavae o le a latou faaaogaina po o le tomai o le a latou faataitaia. O lenei gaoioiga e tatau ona puupuu ma pe tusa ma le 2–3 minute.
-
Faataitaiga. Faaali atu i tagata aoga pe mafai faapefea ona faaaoga le mataupu faavae po o le tomai. O lenei gaoioiga e tatau ona pe a ma le 3-5 minute.
-
Faaaoga. Tuu atu i tagata aoga se avanoa e faataitai ai le faaaogaina o le mataupu faavae po o le tomai. Ia mautinoa ia le itiiti ifo ma le afa le taimi na faaalu i le aoaoga laitiiti (pe tusa ma le 7-8 minute) e mafai ona tuuto e faataitai ai.