“Aoaoga laiti 4: Auala e Toefaaupu ai Autu Faigata pe Maaleale mai se Vaaiga e Faavavau,” Taliina o A‘u Fesili o le Talalelei Anomea a le Faiaoga (2022)
“Auala e Toefaaupu ai Autu Faigata pe Maaleale mai se Vaaiga e Faavavau,” Taliina o A‘u Fesili o le Talalelei Anomea a le Faiaoga
Aoaoga laiti 4
Auala e Toefaaupu ai Autu Faigata pe Maaleale mai se Vaaiga e Faavavau
Faamatalatala
Faaali atu ma faitau le faamatalaga lenei:
Ina ia iloiloina manatu faaleaoaoga faavae, fesili, ma tulaga faaagafesootai ma se vaaiga e faavavau, tatou te mafaufau i ai o ni tusiga o le fuafuaga o le faaolataga ma aoaoga a le Faaola. Tatou te saili le fesoasoani a le Agaga Paia ina ia vaai ai i mea e pei ona silasila i ai le Alii. O lenei mea e faatagaina i tatou e toe faatulaga le fesili (e vaai i le fesili i se isi ala) ma vaai i manatu e tusa ai ma le tulaga faatonuina o le upumoni a le Alii nai lo le taliaina o manatu ma masalosaloga a le lalolagi (tagai 1 Korinito 2:5, 9–11]. (Pepa Autu o le Atamai i Aoaoga Faavae [2022], 3)
Tuu atu i tagata aoga le pepa e tufa atu lenei:
O Fesili e Fesoasoani e Toefaaupu se Autu Faigata pe Maaleale mai se Vaaiga e Faavavau
Taliina o A‘u Fesili o le Talalelei—Aoaoga laiti 4: Auala e Toefaaupu ai Autu Faigata pe Maaleale mai se Vaaiga e Faavavau
-
O a nisi o malamalama sese po o ni manatu sese e ono i ai i se tasi e uiga i lenei autu?
-
O le a se mea ua tatou iloa e uiga i le Tama Faalelagi, Lana fuafuaga, ma aoaoga a le Faaola a o latou fesootai i lenei autu? E mafai faapefea e lenei malamalama ona fesoasoani ia i tatou e toe faatulaga ai o tatou mafaufauga ma se vaaiga e faavavau?
© 2022 Puletaofia e le Intellectual Reserve, Inc. Ua taofia aia tatau uma.
O Fesili e Fesoasoani e Toefaaupu se Autu Faigata pe Maaleale mai se Vaaiga e Faavavau
Ituaiga
Fesoasoani i tagata aoga ia iloa pe mafai faapefea ona latou amata toe faatulaga manatu faaleaoaoga faavae, fesili, ma faafitauli faaagafesootai mai se vaaiga e faavavau e ala i le matamata i le vitio “Examining Questions with an Eternal Perspective” (2:55).
Faaaoga
Faaali atu fesili nei: Aisea e tetee ai le Ekalesia i le faapau pepe ina ia talafeagai ma tulaga faaletagata lava ia pe faaleagafesootai? Pe le o se mataupu ea lenei o le filifiliga faaletagata lava ia?
Valaaulia tagata aoga e toe iloilo ia fesili o loo i le vaega o le “Faamatala”. Ona fai atu lea ia i latou e galulue ma se paga ma faataitai le toe faaupuina o fesili i le faapau pepe mai se vaaiga e faavavau.
Fautuaina le vasega e tuu atu i le tasi ma le isi ni manatu faaalia i a latou tali. Afai e lava le taimi, filifili se isi fesili e faataitai ai le toefaaupuina.