Aoaoga laiti 1

Auala e Le Ioe ai e aunoa ma le Faatuiese

Faamatalatala

Faaali atu ma faitau le saunoaga lenei a Elder Quentin L. Cook o le Korama a Aposetolo e Toasefululua:

O le toatele o tagata o lenei lalolagi ua fefefe ma ita le tasi i le isi. E ui ina tatou malamalama i nei lagona, e tatau ona tatou faaaloalo i a tatou aoaoga ma migao i a tatou fegalegaleaiga. E moni lava lenei mea pe a tatou feeseeseai. Na aoao mai le Faaola ia tatou alolofa atu e oo lava i o tatou fili. … Ou te valaaulia i tatou uma taitoatasi, ia iloa o lo tatou feeseeseai o se fuafaatatau moni lea o ituaiga tagata tatou te i ai ma pe o tatou mulimuli moni i le Faaola. E le afaina pe a e lē ioe i se mea, ae e lē talafeagai le feeseeseai. … Afai tatou te faaali atu le alofa ma le faaaloalo e oo lava i tulaga faigata, o le a avea atili ai i tatou e faapei o Keriso. (Quentin L. Cook, “Tatou te Mulimuli ia Iesu Keriso,” Liahona, Me 2010, 84–85)

Faamalamalama atu o se tasi o auala e mafai ai ona tatou le ioe e aunoa ma le faatuiese o le tuuina atu lea o tali e uunaia ai le faaaloalo nai lo finauga.

Ituaiga

Faaali atu le siata lenei, ma talanoaina o se vasega ia eseesega i le va o koluma e lua.

O Tali e Valaaulia ai Finauga	O Tali e Valaaulia ai le Faaaloalo
O Tali e Valaaulia ai Finauga Ou te le ioe ia te oe ona ua e sese lava.	O Tali e Valaaulia ai le Faaaloalo Faafetai atu mo le faasoaina mai o ou manatu. E ui ina eseese o ta talitonuga, ou te faafetai ua ta lagona uma le lagolelei e faasoa atu …
O Tali e Valaaulia ai Finauga O loo e taumafai tautala poto e ufiufi ai e te le iloa le mea o loo e talanoa i ai.	O Tali e Valaaulia ai le Faaaloalo E mafai ona e fesoasoani mai ia ou malamalama lelei i lou manatu …
O Tali e Valaaulia ai Finauga O loo ia te a’u lemea moni. O le mea ou te talitonu i ai e sa‘o.	O Tali e Valaaulia ai le Faaaloalo Ou te faaaloalo i o ou talitonuga ma e mafai ona vaaia lo latou taua ia te oe. Sei ou faasoa atu le pogai e taua ai o‘u talitonuga ia te a’u.
O Tali e Valaaulia ai Finauga O oe o se tagata le talitonu.	O Tali e Valaaulia ai le Faaaloalo Ou te le o lagolelei i lau tala na fai mai nei. Pe o sao lo‘u malamalama o le uiga o lau tala lenei, e …

Faaaoga

Valaaulia tagata aoga e galulue faatasi ma se paga ma faataitai ona feauauai i le fatuina o tali faaaloalo i tulaga nei:

1. O Afono o loo i luga o se vaalele o loo faitauina le Tusi a Mamona. O le tagata o loo i ona autafa ua matauina le tusi a Afono o loo faitauina ma faapea atu, “Ou te faamoemoe e te iloa o le Tusi a Mamona e mai le tiapolo. E na o le tasi lava le tusi moni o tusitusiga paia—o le Tusi Paia!” Ua tali atu Afono …

2. O le vasega inisitituti a Siuli o loo talanoa e uiga i matafaioi a alii ma tamaitai. O se tasi o alii talavou, e igoa ia Lokeni, ua faapea mai i se leo leotele ma le fiapule, “Talu ai o se alii e umia le perisitua, o ia e i ai le upu faaiu i mea e tutupu i lona aiga.” Ua lagona e Siuli o le manatu faaalia a Lokeni e faailoga itupa ma lē manaia. Ua sii lona lima ma fai atu, …

3. O le tagata e potu faatasi ma Mata sa faitio i tulaga faatonuina o le Ekalesia. Ua iloa e Mata le malie o le manatu a lana uo, talu ai o lana uo e tele ona faafitauli o se taunuuga o ana filifiliga o ituaiga sitaili [o lona] olaga. I se tasi aso na fai mai ai le uo a Mata, “O lau lotu ua taofiofia oe mai le fiafia. Ua pei oe o se pagota i manatu ua le toe aoga.” Ua tali atu Mata, …

Faaiu i le fai atu i ni tagata aoga se toalua e faasoa mai mea ua la aoaoina mai lenei gaoioiga.