“Ko e Fononga ki he Fonua ‘o e Talaʻofá,” Ngaahi Talanoa ʻo e Tohi ʻa Molomoná maʻá e Kau Laukonga Kei Īkí, 2018
“Ko e Fononga ki he Fonua ʻo e Talaʻofá”
Ngaahi Talanoa ʻo e Tohi ‘a Molomoná maʻá e Kau Laukonga Kei Īkí
Ko e Fononga ki he Fonua ʻo e Talaʻofá
Mei he 1 Nīfai 1–3
Naʻe nofo ʻa Nīfai mo hono fāmilí ʻi Selusalema. Naʻe hoko ʻa ʻene tamai ko Līhaí, ko ha palōfita. Ko ʻene faʻeé ko Selaia. Ko hono ngaahi tokouá ko Leimana, Lēmiuela, mo Samu.
Naʻe folofola ange ʻa e Tamai Hēvaní ki he tamai ʻa Nīfaí naʻe fie maʻu ke mavahe hono fāmilí mei he koló kae lava ke nau hao. Naʻe faingataʻa ke nau mavahe mei honau ʻapí. Ka naʻe talangofua ʻa e fāmili ʻo Nīfaí pea naʻa nau ō ki he feituʻu maomaonganoá.
Naʻe folofola ʻa e Tamai Hēvaní naʻe fie maʻu ke foki ʻa Nīfai mo hono ngaahi tokouá ki he koló ke ʻomai ʻa e ngaahi folofolá. Naʻe hoko ʻa Nīfai ko ha faʻifaʻitakiʻanga lelei ʻi he taimi naʻe ʻikai ke fie talangofua ai hono ngaahi tokouá. Naʻá ne pehē te ne fai ʻa e meʻa naʻe kole mai ʻe he Tamai Hēvaní.
Naʻe foaki ange ʻe he Tamai Hēvaní ha kāpasa makehe naʻe ui ko e Liahoná ki he fāmili ʻo Nīfaí. ʻI he taimi naʻa nau talangofua ai ki he Tamai Hēvaní, naʻe tuhu [ʻa e kāpasá] ki he hala ke nau fononga aí. Naʻá ne fakahā kiate kinautolu ʻa e feituʻu ke maʻu ai ha meʻakaí.
Te tau lava ʻo hangē ko Nīfaí ʻi he taimi ʻoku tau talangofua ai ki he ngaahi fekaú mo muimui ki he Tamai Hēvaní!
Sio ki he Book of Mormon stories ʻi he lds.org/children/scripture-stories.
Peesi Valivalí
ʻOku ou Lava ʻo Fili ʻa e Totonú
Lomiʻi ʻi he fakatātaá ke download.
Tā fakatātaaʻi ʻe Apryl Stott