Naʻe Fakahaofi ʻe Molonai ʻa e Ngaahi Folofolá Maʻatautolu

Laukonga fekauʻaki mo e meʻá ni ʻi he Molomona 8 mo e Talateu ki he Tohi ʻa Molomoná.

Naʻe fakatahaʻi ʻe he palōfita ko Molomoná ha tohi fekauʻaki mo Sīsū. Naʻá ne tohi ia ʻi ha ʻū lauʻi peleti koula. Kimuʻa peá ne mālōloó, naʻá ne kole ki hono foha ko Molonaí ke ne tokangaʻi ʻa e tohí.

Naʻe fai ʻe Molonai e meʻa naʻe kole ange ʻe heʻene tamaí. Naʻá ne maluʻi ʻa e ʻū lauʻi peletí. Ko e taimi ʻe niʻihi naʻe pau ke ne toitoi mei he kakai angakoví. Naʻá ne faʻa ongoʻi taʻelata. Ka naʻá ne ʻiloʻi naʻe fuʻu mahuʻinga ʻaupito ʻa e tohí.

Ne ʻaʻahi ʻa Sīsū kia Molonai! Naʻá Ne fakahā kia Molonai ʻa e founga ʻe tokoni ai ʻa e tohí ki ha kakai tokolahi ʻo hangē ko koe mo aú. Naʻe tānaki ʻe Molonai ʻa ʻene fakamoʻoní ki he ʻū lauʻi peletí. Naʻá ne tohi mai kiate kitautolu ʻo hangē pē ne tau ʻi ai mo iá.

Naʻe fakahā ʻe he ʻOtuá kia Molonai ke tanu ʻa e ʻū lauʻi peletí ke nau malu. ʻI ha ngaahi taʻu lahi mei ai, ne liliu ia ʻe Siosefa Sāmita. ʻI he taimi ní kuo paaki ia ko e Tohi ʻa Molomoná.

Naʻe hiki e Tohi ʻa Molomoná maʻaku! ʻE lava ke ne tokoniʻi au ʻi ha faʻahinga palopalema pē. Ko ha meʻaʻofa ia mei he ʻOtuá.