“Ko e Talaʻofa Makehe ʻa Molonaí,” Ngaahi Talanoa ʻo e Tohi ʻa Molomoná maʻá e Kau Laukonga Kei Īkí, 2018
“Talaʻofa Makehe ʻa Molonaí”
Ngaahi Talanoa ʻo e Tohi ʻa Molomoná maʻá e Kau Laukonga Kei Īkí
Talaʻofa Makehe ʻa Molonaí
Ko Molonaí ko e foha ia ʻo Molomona. Naʻe ʻoange ʻe heʻene tamaí kiate ia ʻa e ʻū lauʻi peleti koulá ke tohi ai.
Naʻe hiki ʻe Molonai ʻa e lotu tāpuakiʻi ʻo e sākalamēnití. Naʻá ne hiki ʻo pehē ʻoku mei he ʻOtuá ʻa e meʻa lelei kotoa pē.
Naʻe tohi ʻe Molonai ʻo pehē ʻoku ʻofa ʻa Sīsū ʻi he fānaú kotoa. Naʻá ne pehē te tau lava ʻo lotu ke nofoʻia ʻe he ʻofá hotau lotó.
Naʻe fai ʻe Molonai ha talaʻofa makehe. Naʻá ne tohi ʻo pehē kapau te tau lau ʻa e Tohi ʻa Molomoná ʻo fehuʻi ki he ʻOtuá, ʻe fakahā mai kiate kitautolu ʻe he Laumālie Māʻoniʻoní ʻoku moʻoni ia. Pea toki tanu ʻe Molonai ʻa e ʻū lauʻi peletí ʻi he Moʻunga ko Komolá ke maluʻi kinautolu.
Hili ha ngaahi taʻu lahi mei ai naʻe foki mai ʻa Molonai ki māmani ko ha ʻāngelo. Naʻá ne fakahinohino kia Siosefa Sāmita ʻa e feituʻu naʻe tanu ai e ʻū lauʻi peleti koulá. Naʻe tāpuakiʻi ʻe he ʻOtuá ʻa Siosefa ʻaki e mālohi ke liliu e ngaahi lea ʻi he ʻū lauʻi peletí. Te tau lava he ʻahó ni ʻo lau e lea ʻa Molonaí ʻi he Tohi ʻa Molomoná!
Sio ki he Book of Mormon stories ʻi he lds.org/children/scripture-stories.
Peesi Valivalí
ʻOku Ou ʻOfa ʻi Hoku Fāmilí
Lomiʻi ʻi he fakatātaá ke download.
Tā fakatātaaʻi ʻe Apryl Stott