Ngaahi Talanoa ʻo e Tohi ʻa Molomoná maʻá e Kau Laukonga Kei Īkí

ʻOku Papitaiso ʻe ʻAlamā ha Kakai Tokolahi

fai ʻe Kim Webb Reid

Tā fakatātaaʻi ʻe Apryl Stott

Mei he Mōsaia 16–18

Ko ʻApinetaí ko ha palōfita. Naʻá ne akoʻi ʻa e kakaí ke nau tui kia Sīsū pea taʻofi hono fai ʻo e ngaahi meʻa ʻoku koví. Naʻe houhau ha tuʻi faiangahala ko Noa ʻia ʻApinetai. Naʻe ʻikai fie fakatomala ʻa Noa.

Naʻe tui ha tangata naʻe ui ko ʻAlamā kia ʻApinetai. Naʻá ne hola ʻo toitoi mei he tuʻi ʻiteʻitá. Naʻá ne ongoʻi tautea ʻi hono fai e ngaahi meʻa halá, peá ne fakatomala, ʻo tatau tofu pē mo e meʻa ne akoʻi ʻe ʻApinetaí.

Naʻe omi ha kakai tokolahi ke fanongo ki he akonaki ʻa ʻAlamā fekauʻaki mo Sīsū Kalaisí. Naʻe akonaki ʻa ʻAlamā kapau te nau fakatomala pea muimui kia Sīsū, ʻe lava ke papitaiso ʻa kinautolu.

Naʻe pasipasi ʻa e kakaí ʻi he fiefia. Naʻa nau fuakava ke fakafiemālieʻi ʻa e niʻihi kehé. Naʻa nau fuakava ke ʻofa ki he ʻOtuá mo fakahā ki he niʻihi kehé ʻo kau kiate Ia. Naʻa nau mateuteu ke papitaiso.

Naʻe papitaiso taha taha ʻe ʻAlamā ʻa e kakaí. Naʻa nau mātuʻaki fiefia ʻaupito ke kau ki he Siasi ʻo Sīsuú.

ʻI he taimi ʻoku tau papitaiso aí, ʻoku tau fai ʻa e ngaahi fuakava ne fai ʻe he kakai ʻo ʻAlamaá. Pea ʻoku tau hoko foki ai ko e konga ʻo e Siasi ʻo Sīsuú!

Sio ki he Book of Mormon stories ʻi he lds.org/children/scripture-stories.

Peesi Valivalí

ʻOku papitaiso ʻe ʻAlamā

Ko e foʻi mafu ʻe fiha ʻoku mou lava ʻo ʻiloʻí?

Lomiʻi ʻi he fakatātaá ke download.

Tā fakatātaaʻi ʻe Apryl Stott