“ʻAʻahi ʻa Sīsū ki he kau Nīfaí,” Ngaahi Talanoa ʻo e Tohi ʻa Molomoná maʻá e Kau Laukonga Kei Īkí, 2018
“ʻAʻahi ʻa Sīsū ki he Kau Nīfaí”
Ngaahi Talanoa ʻo e Tohi ʻa Molomoná maʻá e Kau Laukonga Kei Īkí
ʻAʻahi ʻa Sīsū ki he Kau Nīfaí
Mei he 3 Nīfai 11–18
ʻI he moʻui ʻa Sīsū ʻi he māmaní, naʻá Ne fakamoʻui ʻa e kakai naʻe puké pe laveá. Naʻá Ne akoʻi e kakaí ki he founga ʻo e lotú. Naʻá Ne tāpuakiʻi ʻa e fānaú.
Naʻá Ne ui e kau ʻAposetolo ʻe toko 12 peá Ne ʻoange kiate kinautolu ʻa e sākalamēnití ke tokoniʻi kinautolu ke nau manatu kiate Ia. Pea naʻe toki pekia ʻa Sīsū pea toetuʻu.
Hili e toetuʻu ʻa Sīsuú, naʻá Ne ʻaʻahi ki he kau Nīfaí, ʻa ia naʻa nau nofo he potutahi ʻe tahá.
Naʻá Ne ui ʻa e kau ākonga ʻe toko 12 pea foaki kiate kinautolu ʻa e lakanga fakataulaʻeikí. Naʻá Ne fakamoʻui ʻa e kakai naʻa nau mahamahakí pe laveá. Naʻá Ne akoʻi e kakaí ki he founga ʻo e lotú. Naʻe punou hifo ʻa e tokotaha kotoa pē ʻo hū kiate Ia.
Naʻe fekau ʻe Sīsū ki he kau Nīfaí ke ʻomi ʻenau fānaú kiate Ia. Naʻá Ne lotu, peá Ne toki tāpuakiʻi e kiʻi tamasiʻi takitaha. Naʻe ʻaʻahi mai ʻa e kau ʻāngeló kiate kinautolu.
Naʻe ʻoange ʻe Sīsū ʻa e sākalamēnití ki he kau Nīfaí koeʻuhí ke nau manatu maʻu pē kiate Ia.
Sio ki he Book of Mormon stories ʻi he lds.org/children/scripture-stories.
Peesi Valivalí
Te u Lava ʻo Tokoni Ki Hoku Fāmilí
Lomiʻi ʻi he fakatātaá ke download.
Tā fakatātaaʻi ʻe Apryl Stott