“ʻOku Tohi ʻa Molomona ʻi he ʻŪ Lauʻi Peleti Koulá,” Ngaahi Talanoa ʻo e Tohi ʻa Molomoná maʻá e Kau Laukonga Kei Īkí, 2018
“ʻOku Tohi ʻa Molomona ʻi he ʻŪ Lauʻi Peleti Koulá”
Ngaahi Talanoa ʻo e Tohi ʻa Molomoná maʻá e Kau Laukonga Kei Īkí
ʻOku Tohi ʻa Molomona ʻi he ʻŪ Lauʻi Peleti Koulá
Mei he Molomona 1, 9
Naʻe tohi ha kau palōfita tokolahi ʻi he ʻū lauʻi peleti koulá. Naʻa nau hiki ʻo fekauʻaki mo Sīsū Kalaisi pea mo e founga ke tauhi ai e ngaahi fekaú. Ka naʻe ngalo ʻi he kakai tokolahi ʻa Sīsū Kalaisi pea naʻe ʻikai ke nau toe muimui ʻiate Ia.
Naʻe fufuuʻi ʻe ha tangata anga māʻoniʻoni ko ʻEmaloni hono hingoá ʻa e ʻū lauʻi peleti koulá koeʻuhí ke nau malu. Naʻá ne fakahā ki ha kiʻi tamasiʻi ko Molomona ʻa e feituʻu naʻe fufuuʻi ai ʻa e ʻū lauʻi peletí. Naʻá ne talaange kia Molomona ke ne tohi ʻi he ʻū lauʻi peletí ʻi haʻane matuʻotuʻa ange.
ʻI he taimi naʻe taʻu 15 ai ʻa Molomoná, naʻe ʻaʻahi kiate ia ʻa Sīsū Kalaisi ʻo akoʻi ia fekauʻaki mo e ongoongoleleí. Naʻe feinga ʻa Molomona ke ne akoʻi e kakaí fekauʻaki mo Sīsū Kalaisi, ka naʻe ʻikai ke nau fakafanongo.
ʻI he taimi naʻe matuʻotuʻa ange ai ʻa Molomoná, naʻá ne ʻomi ʻa e ʻū lauʻi peletí. Naʻá ne tohi ʻo fekauʻaki mo Sīsū Kalaisi. Naʻá ne tohi ʻo pehē ʻe lava ke tau fakatomala, papitaiso, pea maʻu ʻa e Laumālie Māʻoniʻoní.
Naʻe ʻi ai ha foha ʻo Molomona naʻe ui ko Molonai. Naʻe fakahā ʻe Molomona ki hono fohá ke manatu maʻu pē ki he lahi e ʻofa ʻa Sīsū Kalaisi ʻiate kitautolú. ʻE lava ke tau manatu ki he lahi e ʻofa ʻa Sīsū ʻiate kitautolú foki!
Sio ki he Book of Mormon stories ʻi he lds.org/children/scripture-stories.
Peesi Valivalí
Te u Lava ʻo Fakahaaʻi ha ʻOfa ki he Fanga Monumanú
Lomiʻi ʻi he fakatātaá ke download.
Tā fakatātaaʻi ʻe Apryl Stott