Ngaahi Talanoa ʻo e Tohi ʻa Molomoná maʻá e Kau Laukonga Kei Īkí

ʻOku Akoʻi ʻe he Tuʻi ko Penisimaní Hono Kakaí

fai ʻe Kim Webb Reid

Tā fakatātaaʻi ʻe Apryl Stott

Mei he Mōsaia 2–5

Ko e tō folofola ʻa e Tuʻi ko Penisimaní ki he kakaí

Pehē tokua naʻe ʻi ai ha tuʻi lelei naʻe ui ko e Tuʻi ko Penisimaní. Naʻá ne akoʻi hono kakaí ke nau muimui ki he ʻOtuá kae lava ke nau maʻu ʻa e melinó.

Tuʻi ko Penisimaní mo Mōsaia

Naʻe fakaʻau ke motuʻa ʻa e Tuʻi ko Penisimaní. Naʻá ne foaki ki hono foha ko Mōsaiá ʻa e folofolá mo e kāpasa ne ʻiloa ko e Liahoná. Naʻá ne fie maʻu ke ne tokangaʻi lelei e ngaahi meʻa mahuʻingá ni.

fokotuʻu ʻe he kakaí ha fale fehikitaki

Naʻe fie maʻu ʻe he Tuʻi ko Penisimaní ke tō folofola ki hono kakaí, kimuʻa peá ne pekiá. Naʻá ne kole ange ke nau omi ki he temipalé.

Naʻe omi ʻa e kakaí mei he tapa kotoa pē ʻo e fonuá. Naʻa nau fokotuʻu mo honau ngaahi fāmilí honau ngaahi fale fehikitakí. Ko e hā nai ʻe fakahā ange ʻe he tuʻí kiate kinautolú?

Ko e Tuʻi ko Penisimaní ʻoku tuʻu he funga tauá

Naʻe sio hake e kakaí ʻo vakai ki he tuʻí ʻoku tuʻu he funga tauá. Naʻe kamata leva ke tō folofola mai e tuʻí.

Ko e Tuʻi ko Penisimaní ʻoku tō folofola ki he kakaí

Naʻe fakahā ʻe he Tuʻi ko Penisimaní ki he kakaí ʻa e meʻa ʻoku finangalo ʻa e Tamai Hēvaní ke nau ʻiloʻí. Naʻá ne fakahā kiate kinautolu fekauʻaki mo Sīsū Kalaisi. Naʻá ne fakahā ange ke nau tauhi e ngaahi fekaú pea tokoniʻi e kakai kehé. Pea ʻe ui leva ʻa kinautolu ko e kau muimui ʻo Kalaisí. Pea te nau lava ke toe nofo fakataha mo e Tamai Hēvaní!

ʻI he ʻahó ni ʻoku akoʻi kitautolu ʻe hotau palōfitá ʻi he konifelenisi lahí ki he meʻa ʻoku finangalo ʻa e Tamai Hēvaní ke tau ʻiló koeʻuhí ke tau lava ʻo toe nofo fakataha mo Ia.

Sio ki he Book of Mormon stories ʻi he lds.org/children/scripture-stories.

Peesi Valivalí

ʻOku Tau Fakafanongo ki Hotau Palōfita ʻo e ʻAho Ní

ko e fāmili ʻoku nau mamata he konifelenisi lahí

Lomiʻi ʻi he fakatātaá ke download.

Tā fakatātaaʻi ʻe Apryl Stott