Ngaahi Talanoa ʻo e Tohi ‘a Molomoná maʻá e Kau Laukonga Kei Īkí
Ko e Kau Tau kei Talavoú
Ngaahi Talanoa ʻo e Tohi ‘a Molomoná maʻá e Kau Laukonga Kei Īkí
Ko e Kau Tau kei Talavoú
Lau fekauʻaki mo e talanoá ni ʻi he ʻAlamā 56–57.
ʻOku talanoa e Tohi ʻa Molomoná kau ki ha kau talavou naʻa nau ʻalu ʻo tau ke maluʻi honau kakaí mo honau ngaahi fāmilí. ʻOku ui kinautolu ko e kau tau kei talavoú. ʻOku ʻuhinga ʻení he naʻa nau kei siʻi.
Ko e kau sōtia kei talavou ko ʻení naʻe teʻeki ke nau ʻalu tuʻo taha ʻi ha tau. Ka naʻe ʻi ai haʻanau ʻeikitau lelei ke tataki kinautolu. Pea naʻa nau manatuʻi ʻa e meʻa naʻe akoʻi ange heʻenau ngaahi faʻeé.
Naʻe akoʻi ange heʻenau ngaahi faʻeé ke nau falala ki he ʻOtuá. Ko ia ai naʻe kole leva ʻe he kau talavoú ki he ʻOtuá ke tokoniʻi kinautolu. Naʻa nau talangofua ki heʻenau ʻeikitaú. Pea naʻa nau tau leva ʻi he loto-toʻa.
Naʻa nau ikunaʻi ʻa e taú! Naʻe lavea ha niʻihi ʻiate kinautolu. Ka naʻa nau moʻui kotoa pē. Ko ha mana ia!
Te u lava ʻo fakafanongo ki he ngaahi meʻa lelei ʻoku akoʻi mai heʻeku ongomātuʻá mo e kau takí. ʻE tokoniʻi au ʻe he ʻOtuá ke u poupouʻi ʻa e meʻa ʻoku totonú. ●