Naʻe Lotu ʻa ʻĪnosi

Tā fakatātaaʻi ʻe Apryl Stott

Lau fekauʻaki mo e talanoa ko ʻení ʻi he tohi ʻa ʻĪnosí.

Naʻe tuli manu ʻa ʻĪnosi ʻi he vaotaá. Naʻe kamata ke ne fakakaukau fekauʻaki mo e ʻOtuá.

Naʻá ne fie maʻu ke ʻilo lahi ange ki he ʻOtuá. Pea naʻá ne lotu leva. Naʻá ne fanongo ki he leʻo ʻo e ʻOtuá!

Naʻe folofola mai ʻa e ʻOtuá naʻe fakamolemoleʻi ʻene ngaahi angahalá he naʻe maʻu ʻe ʻĪnosi ha tui kia Sīsū. Naʻe fiefia ʻa ʻĪnosi. Ka naʻe ʻikai taʻofi ai ʻene lotú.

Naʻe lotua ʻe ʻĪnosi hono ngaahi kaungāmeʻá. Naʻá ne lotua hono ngaahi filí. Naʻá ne lotua e folofolá. Naʻe hokohoko atu ʻene lotú ʻo fuoloa ʻaupito!

Te u lava ʻo lotu ki he ʻOtuá ʻi ha faʻahinga taimi pe feituʻu pē. Te u lava ʻo tokoni ki he kakai kehé ʻaki ʻeku lotua kinautolu. ●