“Ko e Fononga ki he Fonua ʻo e Talaʻofá,” Ngaahi Talanoa ʻo e Tohi ʻa Molomoná maʻá e Kau Laukonga Kei Īkí, 2018
“Ko e Fononga ki he Fonua ʻo e Talaʻofá”
Ngaahi Talanoa ʻo e Tohi ʻa Molomoná maʻá e Kau Laukonga Kei Īkí
Ko e Fononga ki he Fonua ʻo e Talaʻofá
Naʻe nofo ʻa Sēleti mo hono tokouá ʻi ha teleʻa fakataha mo honau ngaahi fāmilí mo e ngaahi kaungāmeʻá. Naʻe ʻaʻahi ʻa Sīsū Kalaisi ki he tokoua ʻo Sēletí. Naʻá Ne tala ki ai ke ne foʻu ha ngaahi vaka ke fetuku ai hono kakaí ʻi he ngaahi vaí ki he fonua ʻo e talaʻofá.
Naʻe foʻu ʻe he kakaí ha ngaahi vaka naʻe ʻikai ke ʻi ai ha ngaahi matapā. Naʻe hohaʻa ʻa e tokoua ʻo Sēletí pe te nau mānava mo sio fēfē. Naʻe fakahā ange ʻe Sīsū ʻoku totonu ke nau ʻai ha fanga kiʻi ava he vaká ke hū atu ai e ʻeá.
Kae fēfē nai ha maama? Naʻe ngaohi ʻe he tokoua ʻo Sēletí ha ngaahi foʻi maka ʻasinisini ʻe 16. Naʻá ne kole kia Sīsū ke Ne ala muʻa ki ai ʻaki Hono toʻukupú kae ulo.
Naʻe mamata ʻa e tokoua ʻo Sēletí ki he ala ʻa Sīsū ki he foʻi maka takitaha. Naʻe ulo ngingila ʻa e ngaahi foʻi maká. Koeʻuhí ko e lahi e tui ʻa e tokoua ʻo Sēletí, naʻá ne mamata kia Sīsū Kalaisi!
Naʻe tuku mai ʻe he ʻEikí ha ngaahi matangi ʻo ne ʻave ʻa e ʻū vaká ki he tafaʻaki ʻe taha ʻo e ngaahi vaí. ʻI heʻenau tūʻuta ki he fonua ʻo e talaʻofá, naʻe lotu ʻa e kau Sēletí ʻo fakamālō ki he ʻOtuá ʻi hono maluʻi kinautolú.
ʻE lava pē ke tau hangē ko e tokoua ʻo Sēletí ʻi he taimi ʻoku tau falala ai ki he ʻOtuá mo tui kia Sīsū Kalaisí.
Sio ki he Book of Mormon stories ʻi he lds.org/children/scripture-stories.
Peesi Valivalí
ʻOku Ngaohi Au ʻe he Mūsiká ke u Fiefia
Lomiʻi ʻi he fakatātaá ke download.
Tā fakatātaaʻi ʻe Apryl Stott