Kaufana Motu ʻa Nīfaí

Tā fakatātaaʻi ʻe Apryl Stott

Lau ʻa e talanoá ni ʻi he 1 Nīfai 16.

Naʻe motu e kaufana tuli manu ʻa Nīfaí ‘i ha ʻaho ʻe taha ʻi he feituʻu maomaonganoá. Naʻe hohaʻa hono fāmilí. Naʻe ʻikai ke nau ʻilo e founga te nau maʻu ai ha meʻakaí.

Naʻe maʻu ʻe Nīfai ha tui. Naʻá ne ngaohi ha kaufana mo e ngahau foʻou. Naʻe lotua ʻe Līhai ko ʻene tamaí ha tokoni.

Naʻa nau vakai ki he Liahoná. Ko ha foʻi pulu makehe ia naʻe foaki ange ʻe he ʻEikí kiate kinautolu. ‘I he taimi naʻa nau tauhi ai e ngaahi fekaú, naʻe fakahā ange ʻe he Liahoná ʻa e feituʻu ke nau ʻalu ki aí.

Naʻe lava ʻe Nīfai ʻo mau ha meʻakai maʻa hono fāmilí!

‘I he taimi ʻe hoko ai e ngaahi meʻa ʻoku ʻikai lelei pe fakamamahí, he ʻikai ke u holomui! ʻE tokoniʻi au ʻe he Tamai Hēvaní ke u fakaleleiʻi ʻa e ngaahi palopalemá. ●