“ʻOku Akoʻi ʻe ʻAlamā ʻa e Founga ʻo e Lotú,” Ngaahi Talanoa ʻo e Tohi ʻa Molomoná maʻá e Kau Laukonga Kei Īkí, 2018
“ʻOku Akoʻi ʻe ʻAlamā ʻa e Founga ʻo e Lotú
Ngaahi Talanoa ʻo e Tohi ʻa Molomoná maʻá e Kau Laukonga Kei Īkí
ʻOku Akoʻi ʻe ʻAlamā ʻa e Founga ʻo e Lotú
‘Alamā 31–33
Naʻe ʻalu ʻa ʻAlamā ko e Siʻí mo e niʻihi kehe ke akoʻi e kau Sōlamí. Naʻe ʻikai tui ʻa e kau Sōlamí kia Sīsū Kalaisi. Naʻe ʻikai ke nau manatuʻi ʻa e founga totonu ʻo e lotú.
Naʻe kaka tuʻo taha he uike ʻa e kau Sōlamí ʻi ha tuʻunga māʻolunga. Naʻa nau hiki honau nimá ke māʻolunga pea nau lotu. Naʻa nau pehē naʻa nau makehe ange kinautolu ʻi he kakai kehé. Naʻe fai ʻe he tokotaha kotoa pē ʻa e lotu tatau.
Naʻe toki lotu pē ʻa e kau Sōlamí ʻi he taimi naʻa nau kaka ai he tuʻungá. Naʻe ʻikai ke nau fakakaukau ki he Tamai Hēvaní pe lotu kiate Ia ʻi ʻapi pe ʻi ha toe feituʻu kehe.
Naʻe akoʻi ʻe ʻAlamā ʻa e kakaí te nau lava ʻo lotu ʻi ha faʻahinga taimi pē mo ha faʻahinga feituʻu pē. Te nau lava ʻo lotu fekauʻaki mo ha faʻahinga meʻa pē, pea ʻe tokoniʻi kinautolu ʻe he Tamai Hēvaní.
Te tau lava ʻo lotu ʻi he founga naʻe akoʻi ʻe ʻAlamaá. Te tau lava ʻo lotu ʻi ha faʻahinga taimi pē mo ha faʻahinga feituʻu pē. Te tau lava pē foki ʻo lotu fakalongolongo ʻi hotau lotó. ʻE fanongo mai maʻu pē ʻa e Tamai Hēvaní kiate kitautolu!
Sio ki he Book of Mormon stories ʻi he lds.org/children/scripture-stories.
Peesi Valivalí
Te u Lava ʻo Loto ʻApasia
Lomiʻi ʻi he fakatātaá ke download.
Tā fakatātaaʻi ʻe Apryl Stott