“ʻOku Kolosi ʻa e Fāmili ʻo Nīfaí ʻi he Vai Lahí,” Ngaahi Talanoa ʻo e Tohi ʻa Molomoná maʻá e Kau Laukonga Kei Īkí, 2018
“ʻOku Kolosi ʻa e Fāmili ʻo Nīfaí ʻi he Vai Lahí”
Ngaahi Talanoa ʻo e Tohi ʻa Molomoná maʻá e Kau Laukonga Kei Īkí
ʻOku Kolosi ʻa e Fāmili ʻo Nīfaí ʻi he Vai Lahí
Mei he 1 Nīfai 17–18
Naʻe fononga ʻa e fāmili ʻo Nīfaí ʻi he feituʻu maomaonganoá he taʻu ʻe valu. Ne faifai pea nau aʻu ki ha feituʻu fakaʻofoʻofa. Naʻe ofi ki he tahí, pea naʻe lahi e fuaʻiʻakaú mo e huʻa honé ki he maʻu meʻatokoní. Naʻe fiefia ʻaupito ʻa e taha kotoa!
Ka naʻe teʻeki ʻosi ʻenau fonongá. Naʻe fekau ʻe he Tamai Hēvaní ʻa Nīfai ke foʻu ha vaka. Naʻá Ne fakahā kia Nīfai ʻa hono fōtunga totonú. Naʻá Ne talaʻofa ange ʻe ʻave kinautolu ʻe he vaká ki ha fonua fakaʻofoʻofa mo foʻou.
Naʻe ʻuluaki ngaohi ʻe Nīfai ha ngaahi meʻangāue. Naʻá ne toki kamata foʻu leva. Naʻe lāunga e ongo taʻokete ʻo Nīfai ko Leimana mo Lēmiuelá. Naʻe ʻikai ke na tui te ne lava ʻo foʻu ha vaka. Naʻe ʻiloʻi ʻe Nīfai ʻe lava ʻo falala honau fāmilí ki he Tamai Hēvaní.
ʻI he taimi naʻe ʻosi ai e vaká, ne tukufolau leva e fāmili ʻo Nīfaí he vai lahí. Ne ʻita ʻa Leimana mo Lēmiuela ʻia Nīfai ʻi ha ʻaho ʻe taha ʻo na haʻi ia. Ne tō ha afā lahi ʻo teketekeʻi fakaholomui ʻa e vaká. Naʻe fakatomala e ongo taʻoketé, pea naʻe lava ʻe Nīfai ʻo ʻave hao ʻa e vaká ʻi heʻenau folaú.
Ne faifai pea tūʻuta e fāmili ʻo Nīfaí ki he matāfanga ʻo ha fonua foʻou. Naʻe fiefia ʻa Nīfai mo hono fāmilí koeʻuhí naʻa nau ʻilo naʻe tataki kinautolu ʻe he Tamai Hēvaní ki he feituʻu ko iá.
ʻOku tauhi maʻu pē ʻe he Tamai Hēvaní ʻEne ngaahi talaʻofá!
Sio ki he Book of Mormon stories ʻi he lds.org/children/scripture-stories.
Peesi Valivalí
ʻOku Makehe Hotau Fāmilí
Lomiʻi ʻi he fakatātaá ke download.
Tā fakatātaaʻi ʻe Apryl Stott