Punaoa Faufautua

“O le a se mea e tatau ona ou malamalama ai e uiga i le tele o le faaaogaina o ponokalafi?

O le faaaogaina o ponokalafi e tele ona vaega, ma o le faagasologa o le salamo o le a eseese mo tagata taitoatasi. Faalogo atu i tagata i le faailoa mai pe o fea o latou i ai, e aofia ai o latou uiga (pe ua maua/iloa e se tasi i latou po o latou saili ina ia suia?), le tele o le faaaogaina, ma so latou manao i le agai ai i luma.

Amata i le faailoa atu o le alofa ma faafetai i tagata mo le mauaina o le lototele e sau ai i luma e saili se fesoasoani. Taumafai e fesoasoani ia i latou ia malamalama o loo i ai le faamoemoe. E mafai ona latou talanoaina lenei tulaga ma agai ai i luma o ni soo o Iesu Keriso. Faamautinoa atu ia i latou lo latou faasinomaga paia o ni fanau a le Atua. O se lagona faamalosiauina pe o ai moni i latou e mafai ai ona latou aloese mai le maasiasi ma faaaoga lenei tulaga mo lo latou lava tulaga tuputupua’e patino ma le suia.

O loo i epikopo le faatuatuaina paia e fesoasoani i tagata i a latou faagasologa o le salamo. I le avea ai ma faamasino i Isaraelu, e latou te faatino i lalo o musumusuga ina ia fesoasoani i tagata ia malamalama o lo tatou tiutetauave ma le avanoa le saili atu o faaaliga patino ma le mauaina o tali e tatau ai ina ia faatoilaloina o latou luitau.

E tatau i taitai ona taulai atu i le faamalosiauina o tagata i le avea ai ma soo ma le faatuatua e ala i le aoao atu: “O le avea ai ma taitai i le Ekalesia a Iesu Keriso, e te lagolagoina tagata ma aiga i le faataunuuina o le galuega a le Atua o le faaolataga ma le faaeaga ” (Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai [2020], 2.0). (Tagai i le “O le a se aoaoga faavae e mafai ona fesoasoani i tagata e faatoilaloina faafitauli faaponokalafi?”)

Iloiloina o le Auai Ai

E ui o le salamo mo le faaaogaina o ponokalafi,i lona tulaga ma‘oti, e le manaomia ai a‘oa‘iga aloa‘ia a le Ekalesia, manatua e “e tausalaina e le Ekalesia ponokalafi o soo se ituaiga. O le faaaogaina o ponokalafi o soo se ituaiga e faatamaiaina ai olaga o tagata taitoatasi, aiga, ma malo. E na te aveesea ai foi le Agaga o le Alii” (Tusitaulima Aoao, 38.6.13). O lou faamoemoe o le fesoasoani lea i tagata ina ia o’o atu ai lava i se “suiga tele o le loto” (tagai i le Alema 5:12--14) ma ia opogi atoa le matafaioi a Iesu Keriso i o latou olaga, aemaise lava le mana o Lana Togiola. O lo latou avea ai ma so’o o le a tupuola a o latou o’o ane i lo latou iloa o Lona mana i o latou olaga e ala atu i se faagasologa o se suiga lea e manaomia ai Lana taitaiga ma malosiaga e mafai ai.

A o e uunaia tagata ia malamalama o lo latou faaaogaina o ponokalafi o se mea e sili atu nai lo na’o se faailo o lo latou vaivaiga o le amiosa’o, e mafai ona latou faamautu po o le a, pe a i ai, nisi punaoa faaopoopo e latou te manaomia. Mo se faataitaiga, o le faaaogaina o ponokalafi e masani lava ona i ai ona tulaga e uunaia ai (e pei o tulaga faaletino natura, faalemafaufau, faaagafesootai, ma faaleagaga). O punaoa e manaomia o le a faalagolago i le ogaoga o le amio a le tagata ma le pe faapefea ona ia taulimaina le faafitauli.

Mafaufau i auala nei a o e saili atu e fesoasoani i tagata ma o latou taitoalua ia malamalama i le tele o lo latou aofia ai i ponokalafi ma lona aafiaga i o latou olaga.

Tiutetauave Patino

Taumafai e fesoasoani i tagata ina ia tauaveina matafaioi patino mo a latou faaiuga, filifiliga, ma suiga o loo fotuai mai i le lumanai. Aua lava nei galo le mea moni e faapea o faaiuga e uiga i le lumanai o le tiutetauave lea o le tagata o loo tauivi e faapea foi i lona toalua. O lau matafaioi o le fesoasoani ia i laua a o laua saili atu i faaaliga.

Fua Aotele o Ponokalafi

A o e tuuina atu fesili musuia, o le a mafai ona e fesoasoani ia i latou o loo aofia ai (tagata, o matua, i tulaga o talavou; ma taitoalua) e iloatino ai pe o latou o loo faaaogaina ponokalafi o ni tagata e va va ona faaaoga, po o ni e e malosi ona faaaoga, pe o ni e ua avea ma vaisu. O le malamalama ai faapea, atonu o le a fesoasoani ia te oe ina ia lagolago latou e ala atu i le faagasologa o le salamo faapea foi ma le iloa o le ala e auauna atu ai i le toalua po o matua. Fai atu foi fesili e uiga i le natura o le ponokalafi o loo faaaoga—e mafai ona eseese le malosi o ponokalafi ma e mafai foi ona fesootai atu i isi amioga.

Ia faaeteete i le laulauina o tagata e i ai ni mausa po o vaisu; o le toatele o tagata o e faaaogaina anomea o ponokalafi e le tatau ona mafaufau o latou o ni tagata e iai ni mausa po o vaisu, aemaise lava latou e talavou. O le laulauina o i latou lava o ni tagata ua fai ma vaisu ia po o mausa ia ponokalafi e ono faavaivaia ai i latou i a latou taumafaiga ina ia suia. Mo nisi faamatalaga i lenei autu, tagai i le Dallin H. Oaks, “Faamaloloina mai le Mailei o Ponokalafi,” Ensign, Oket. 2015, 32–38.

O Le Faaaogaina o Ponokalafi e Masani ona ‘Ese Mai Nai Lo Na‘o se Vaivaiga o Le Iloa o Le Sa’o Mai le Sese

O le aofia ai o se tagata i ponokalafi e tele ina lavelave, ma e taua le faailoa faapea o le matamataina o ponokalafi e masani lava ona tele ona faapogai nai lo na’o se lagona faaosofia o le faalefeusuaiga. I le tele o taimi, o le faaaogaina o ponokalafi e fesootai ma tulaga faaletino natura, faalemafaufau, faaleagafesootai, ma luitau faaleagaga e iloga i tagata taitoatasi.

O luitau mo soo se tasi po o tuufaatasiga o nei vaega e fa atonu e ono faavaivaia ai tagata ma faafaigata ai mo latou ona momotu le faaaogaina o ponokalafi. A o latou saili ina ia malamalama i le lavelave o o latou faafitauli faaponokalafi, atonu e latou te ono amata ona faailoa isi aafiaga lea o loo maua ai latou. E ui e taua le malosi faaleagaga, e tele ina fesoasoani mo tagata le talanoaina foi o tulagafaaletino natura, faalemafaufau, ma faaleagafesootai o ni vaega o o latou olaga. Uunai tagata ina ia suesue atu foi i vaega ia ma o latou aafiaga e ono oo i ai. O lenei tulaga e ono taitai atu ai latou i le manuia sili i le le toe faaaogaina o ponokalafi.

Vaega e Fa Ia Utagia

E fa faailo e ono fesoasoani i tagata e suesue ai po o le a le loloto ua latou aafia ai i ponokalafi: faafia ona fai, o le umi, matuia, ma le lilifa atu i tulaga lamatia. O le malamalama i nei faailo e ono fesoasoani ia te oe, o tagata, ma e latou te latalata i ai ia iloa le lavelave o i latou luitau.

E Faafia Ona Fai.

O le faafia ona fai e faatatau i le pe o le a le tele e faia ai e se tagata lea amioga. O le va va o le matamataina o ponokalafi e faailoa mai ai se faafitauli feoloolo, e ui o lenei amioga e manino lava e le talafeagai. O le tele o taimi e matamata ai i ponokalafi se tagata, o le ogaoga atili foi lena o le faafitauli.

O le umi

O le umi e faaatau i le po o le a le umi na faia ai e se tagata lea amioga. Afai sa le mafai e le tagata ona taofi le matamata i ponokalafi mo nai tausaga, o le a sili ona faigata mo ia ona faatoilalo le amioga nai lo pe afai faatoa ia faaaogaina ponokalafi mo se taimii pu’upu’u.

Matuia

O le matuia e faatatau i le natura o anomea na matamata. E ui o ata ponokalafi uma ma anomea e le talafeagai, ae o nisi ituaiga o anomea e matuai sili atu le mataga. A o e aoao e uiga i se faafitauli a se tagata, e taua le faamauina o le ituaiga ponokalafi o loo ia matamata ai.

Mo se faataitaiga, o se faasalalauga lea e faaali mai ai faatinoga o feusuaiga e sili atu le matuia ma manino nai lo ata o tagata e laiti ni ofu pe leai foi ni lavalava o ofuina. I nisi anomea faaponokalafi e saua pe aofia ai tamaiti. Afai e te silafia soo se matamataga, faatauina, po o le faasalalauina o ponokalafi e faaaoga ai tamaiti, ia faafesootai pulega a le malo. O loo i ai foi se laina fesoasoani o loo avanoa mo le epikopo i le taulimaina o lenei faafitauli.

Tauave le Lamatiaga

O faananau e tauave le lamatiaga po o amioga e fesootai ma le faaaogaina o ponokalafi o isi ia o faailo o le faigata o le luitau atonu o loo i ai. O le tele o le lamatiaga e naunau le tagata e faatino e matamata ai i ponokalafi, o le tele foi lea o le faigata mo ia e tuu lona faaaogaina. O gaoioiga e tauave le lamatiaga e ono aofia ai le tiai aoga, galuega, po o isi tuutooga; auai i amioga e solitulafono, faanana, po o le le faamaoni; po o faatinoga talitutusa faapena. O amioga tauave le lamatiaga i tagata matutua e ono taitai atu ai i le tuli ma le galuega, tatala o le faaipoipoga, faaletonu i le aiga, po o gaoioiga faasolitulafono.