E mafai faapefea ona ou lagolagosua i suiga?

O loo i epikopo le tiutetauave paia e avea ma faamasino i Isaraelu, ia fesoasoani i tagata o le au paia e faamalolosia a latou sootaga ma le Atua, ma galulue o ni faiaoga faaleagaga. O tagata taitoatasi o loo i ai le tiute mo le faamalolosia o a latou sootaga ma le Atua e ala atu i le salamo ma le faamagaloga. O tagata taitoatasi, a e le o taitai o le Ekalesia, o loo i ai le tiutetauave e saili ia maua le mea e manaomia ina ia suia ai a latou amioga e le manaomia. Tagai i le “Faailoa ma Malamalama i Aafiaga” i luga o le “Foiaina o Ponokalafi” vaega o le ChurchofJesusChrist.org.) Atonu o le a manaomia e lenei mea ia faaaliga patino e maua e ala i le suesue ma le tatalo. O tagata foi o le au paia o loo i ai le tiutetauave ia malamalama ma foia tiga o lo latou faaaogaina o ponokalafi o loo aafia ai latou ma isi.

A o e fesoasoani atu i le au paia e tinou mo le faamagaloga, taulai atu i aoaoga ma faamamafaina:

Aoaoga Faavae
Faitalia ma le Tali Atu Mo Oe Lava Ia
Faia pea le Faatinoina o le Faatuatua
Tumau ai

Aoaoga Faavae

O le mataupu faavae o le Togiola a Iesu Keriso e totonugalemu i le malamalama i le ala e salamo ma faamagaloina ai. O le fesoasoani i le au paia ia malamalama ia Iesu Keriso ma Lana matafaioi i o latou olaga e taua lea i le suia. O le a taialaina oe i le ala sili e aoao atu ai nei mea ma isi upumoni. O nei mataupu e tasi e totonugalemu foi i le auauna atu i taitoalua ma isi o e ua faamanualia i lea amioga. Mafaufau e iloilo itulau nei i totonu o Autu o le Talalelei:

Faitalia ma le Tali Atu Mo Oe Lava Ia

Uunai le tagata e tali atu mo ana filifiliga. E manaomia e le tagata ona malamalama i le taimi e manaomia ai le tautau atu [o agasala]. O le tautau atu i lona toalua, matua (pe afai o se tamaitiiti o loo nofo i le aiga), po o le epikopo e masani lava ona fesoasoani i le agai i le lumanai. Atonu e manaomia ni nai taumafaiga o le faasoa atu a o le’i saunia le tagata e faasoa sao mai ma le faamaoni atoa e uiga i amioga ua tuanai. Ia faatinoina le onosai i lenei faagasologa , ma faaalia le faautautaga, alofa ma le mafanafana ina ia musuia ma uunaia tagata ina ia faamaoni atoatoa. Aua ne’i faalumaina pe faamalosi se tasi e tautau atu a o le’i saunia o ia.

E tatau i epikopo ma peresitene o paranesi ona iloilo le Tusitaulima Aoao, 32.8.2, mo nisi fesoasoaniga. Fesoasoani i le tagata ia malamalama o ia o se atalii po o se afafine o le Atua ma o le matamataina o ponokalafi e le lalago faatasi ma le na faasinomaga paia.

Faatinoina o le Faatuatua

O le tatalo ma suesue i tusitusiga paia e le aunoa e moomia mo le atiina a‘e o le faatuatua i le Tama Faalelagi ma Iesu Keriso. O le faatinoina o le faatuatua ia Iesu Kerisa e manaomia ina ia maua ai le se suiga tele o le loto. O tatalo e ofoina atu ma le naunautaiga moni e mafai ona taitai atu ai le tagata e saili le faamagaloga mai le Atua ma mai ia i latou ua ia faamanualia. E mafai foi e tagata ona maua le malosiaga tele e ala i le suesue i faatonuga mai konafesi aoao ma tusiga i mekasini a le Ekalesia o loo talanoaina ai nei autu.

E tatau i le tagata ona talitonu e mafai ona sui o ia. Ia mataitu le lelei ma iloilo mataupu faavae o le faatuatua i le Tama Faalelagi ma Iesu Keriso. Uunaia le tapuai i le Sapati, auauna atu i isi, ma isi amioga ia e ogatusa ma uiga o Keriso.

Tumau ai

E tatau i le tagata ona saili faaaliga patino i le atiina a’e o fuafuaga mo le taulimaina o le faaaogaina o ponokalafi. E tatau i tagata taitoatasi ona manatunatu i ona manaoga tulagaese, i le faamautuina lea o tali ma le ala o faatinoga e mulimuli ai. E ui o le taofia o le faaaogaina o ponokalafi o se sini taua, ae ia uunai le tagata ina ia taulai i le saili atu i uiga faaKeriso ma le avea ai ma se soo ua liua o Iesu Keriso. O itulau nei i luga o le uepisaite o le Taulimaina o Ponokalafi e mafai ona fesoasoani i le au paia i le faagasologa lenei:

Ia faaauau pea ona faamanatu atu i le au paia o le suia o se faagasologa lea e alu ai se taimi umi. Atonu e manaomia foi ona e faailoa atu e faapea, o le tauaveina o le tiutetauave patino, o le tuuina atu i ai o se taumafaiga faifaipea, ma le iloaina o le tiga e fatuina e le faaaogaina o ponokalafi, o ni vaega uma o le toefaavaeina o le faatuatuaina i lona toalua, matua, po o isi tagata o le aiga. E le o se mea e lē tupu le i ai o se aafiaga o le faatuatuai. Uunai le tagata ina ia faamaoni i le lipotiina o nei tulaga faatuatuai i o latou taitoalua po o matua, ina ia aoao mai ai, ma ia vave ona toe foi atu i uiga masani lelei .