Mosugod—Labing Dugay nga Oras: 15 Minutos

Mopahigayon og pangbukas nga pag-ampo.

Ipaila ang inyong kaugalingon. Ang matag usa kaninyo mogahin og usa ka minuto sa pagpaambit sa inyong ngalan ug usa ka butang mahitungod ninyo.

Welcome sa Atong Grupo sa Self-Reliance!

Basaha:Kini nga grupo makatabang kaninyo sa pagsunod sa tambag nga gihatag sa mga sulugoon sa Ginoo mahitungod sa pagtinguha og dugang nga edukasyon o training aron makakuha og trabaho nga makatabang ninyo nga mahimong self-reliant. Sa piho nga paagi, mohimo kamo og tumong sa self-reliance, mopili og trabaho nga makahatag sa kinitaan nga inyong gikinahanglan aron makab-ot kana nga tumong, mopili og edukasyon o training nga inyong gikinahanglan aron makuha ang trabaho, mopili og unsaon sa pagbayad sa inyong edukasyon o training, ug mangandam aron magmalampuson sa inyong edukasyon ug propesyon. Ang kada miting sa grupo molungtad og mga duha ka oras.

Unsay Paagi Niini?

Basaha:Ang mga grupo sa self-reliance naglihok sama sa usa ka konseho. Walay magtutudlo o eksperto. Hinoon, sundon ninyo ang mga materyal sumala sa pagkasulat niini. Uban sa giya sa Espiritu, makatabang kamo sa usag usa sama sa mosunod:

• Parehong makatampo sa mga diskusyon ug mga kalihokan. Walay usa, labi na ang facilitator, nga angayng modominar sa panag-istorya.

• Mohigugma ug mosuporta sa usag usa. Mopakita og interes, mangutana, ug magkat-on mahitungod sa usag usa.

• Mopaambit og positibo ug angay nga mga komentaryo.

• Mohimo ug motuman og mga pakigsaad.

Si Elder M. Russell Ballard mitudlo, “Walay problema sa pamilya, ward, o stake nga dili nato masulbad kon mangita kita og mga solusyon sumala sa paagi sa Ginoo pinaagi sa pagtinambagay—tinuoray nga magtinambagay—sa usag usa” (Counseling with Our Councils, rev. ed. [2012], 4).

Tan-awa:“My Self-Reliance Group [Ang Akong Grupo sa Self-Reliance],” anaa sa srs.lds.org/videos. (Walay video? Balhin ngadto sa “Kon Walay Magtutudlo, Unsaon Namo Pagkasayud Unsay Buhaton?” sa pahina 3.)

Hisguti:Unsa ang nakahimo sa grupo diha sa video nga malampuson kaayo? Unsay inyong buhaton isip grupo aron makabaton og kasinatian nga makapausab sa kinabuhi?

Kon Walay Magtutudlo, Unsaon Namo Pagkasayud Unsay Buhaton?

Basaha:Sayon ra kini. Sunda lamang ang mga materyal. Ang matag kapitulo sa workbook adunay unom ka bahin:

• Mo-report: Maghisgut sa pag-uswag nga inyong nahimo kabahin sa inyong mga commitment niana nga semana.

• Foundation: Moribyu og baruganan sa ebanghelyo nga mosangput ngadto sa mas maayo nga espiritwal nga self-reliance.

• Magkat-on: Magkat-on og praktikal nga mga kahanas nga mosangput ngadto sa mas maayo nga temporal nga self-reliance.

• Mamalandong: Maminaw sa Espiritu Santo nga motanyag og inspirasyon.

• Mo-commit: Mosaad sa pagsunod sa mga commitment niana nga semana nga makatabang kaninyo sa pag-uswag.

• Mobuhat: Sulod sa semana, mobuhat sa unsay inyong nakat-unan.

Unsaon sa Paggamit Niini nga Workbook

Kon makita ninyo kini nga mga prompt, sunda kining mga direksyon:
Basaha	Tan-awa	Hisguti	Mamalandong	Kalihokan
Usa ka tawo ang mobasa og kusog para sa tibuok grupo.	Ang tibuok grupo manan-aw sa video.	Ang mga sakop sa grupo mopaambit og mga hunahuna sulod sa duha ngadto sa upat ka minuto.	Ang mga indibidwal hilum nga mokonsiderar, mamalandong, ug mosulat sulod sa duha o tulo ka minuto.	Ang mga sakop motrabaho nga magtinagsa o dunay kauban sulod sa piho nga panahon.

Certificate of Completion

Basaha:Ang mga miyembro sa grupo kinsa mitambong ug mituman sa ilang mga commitment mahimong makadawat og self-reliance certificate gikan sa LDS Business College. Tan-awa sa pahina 209.