Magkat-on—Labing Dugay nga Oras: 45 Minutos

1. Ipresentar ang Inyong Plano sa Self-Reliance ug Pagkat-on gikan sa Usag Usa

Basaha:“Ang pasalig usa ka importante nga bahin sa [kausaban]. Mao kini ang buhat sa pagpugos sa kaugalingon ngadto sa usa ka paagi sa paglihok ug unya sa makugihong paagi mosunod pinaagi niana nga desisyon. Kon ang mga tawo tinud-anay nga mipasalig, sila adunay tinud-anay nga tinguha, nagpasabut nga andam gyud sila sa pagbuhat kon unsay ilang gipasalig nga buhaton. Naghimo sila og dili matarug ug tinud-anay nga desisyon aron mag-usab” (Isangyaw ang Akong Ebanghelyo: Usa Ka Giya sa Misyonaryo nga Pangalagad [2004], 238).

Karon inyong ipresentar ang inyong plano sa self-reliance ngadto sa grupo. Gamita ang inyong nakompleto nga plano sa self-reliance gikan sa mga pahina 107–8. Ang mga sakop sa grupo maminaw, mangutana, ug mohatag og makatabang nga feedback.

Kalihokan _{(40 minutos)}

Ang pagpaambit sa inyong plano sa self-reliance sa uban makatabang ninyo nga mas mapasaligon nga mobuhat sa inyong plano.

Step 1: Pagpili og usa ka timekeeper—usa ka tawo nga motabang sa mga presentasyon ug feedback nga magpabiling nakatutok sa tumong ug iskedyul. Paggahin og tulo ka minuto alang sa matag presentasyon. Ang timekeeper mopahibalo sa tigpresentar kon aduna na lang siyay usa ka minuto nga nahabilin ug dayon 30 segundos nga nahabilin.

Step 2: Desisyuni ang han-ay sa pagpresentar.

Step 3: Pagpuli-puli sa pagpresentar (sulod sa tulo ka minuto o ubos pa) ug paghatag og feedback (sulod sa duha ka minuto o ubos pa).

Ang mosunod nga mga sugyot mahimong makatabang samtang mohatag kamo sa inyong presentasyon ug samtang mohatag kamo og feedback sa usag usa.

Tigpresentar	Mga sakop sa grupo	Timekeeper
Pagpabilin nga kalma ug relaks. Pagpakita og pagsalig sa inyong mga plano. Klaroha pagsulti ug ayaw dali-dalia ang inyong presentasyon. Gamita ang inyong plano sa self-reliance sa mga pahina 107–8. Tan-aw sa audience kutob sa mahimo.	Paminaw sa mga tigpresentar. Paghunahuna og mga sugyot o mga pangutana nga mahimo nimong ipangutana nga makatabang (ug dili makapasakit) sa tigpresentar. Paghimo og notes kon gusto ninyo. Gamita ang mga pangutana sa pahina 124 ug ang luna alang sa paghimo og notes kon makatabang kini kaninyo.	Bantayi ang oras ug ayaw ipalangay-langay, ilabi na kon adunay daghang mga tigpresentar. Pahibaloa ang mga tawo kon hapit na mahurot ang oras. Gamit og maayong paghukom; kon adunay nahitabo nga makahuluganong diskusyon, tugoti kini og kadiyot sa dili pa mobalik sa gimbuhaton sa tukma nga panahon.

Mga pangutana nga mahimong ipangutana sa mga sakop sa grupo ngadto sa tigpresentar:

1. Naghinam-hinam ka ba nga makuha ang trabaho nga imong gipili? Haum ba kini kanimo?

2. Nasuta ba nimo kon ang mga tawo nakakuha og trabaho human sa ilang training?

3. Nakakita ka ba og mga paagi sa pagbayad alang sa imong edukasyon nga dili mohimo og student loan?

4. Kinsa o unsa nga organisasyon ang labing maayo nimo nga kapanguhaan aron makakuha og mga tubag sa imong mga pangutana?

Hisguti:Unsa ang labing importante nga mga butang nga inyong nakat-unan sa miting sa grupo karong adlawa?