learn icon

Magkat-on—Labing Dugay nga Oras: 45 Minutos

Basaha:Ang miting sa grupo sa miaging semana nakatutok sa pagpadayon diha sa giplanong direksyon ug paghuman sa inyong training. Apan bisan kon mahuman na ang inyong training, hinumdumi nga ang katuyoan sa inyong pag-eskwela mao ang makakuha og mas maayong trabaho. Pangandam nga makuha gayud ninyo ang trabaho nga inyong gipili pinaagi sa pagbuhat sa mosunod:

1. Pangandam og sayo aron mapakita nga kamo ang sakto nga pilion alang sa trabaho.

2. Pagtipig og record.

3. Pakig-network.

4. Bayari ang inyong mga student loan.

5. Padayon sa pagkat-on.

6. Pag-mentor sa uban.

1. Pangandam og Sayo aron Mapakita nga Kamo ang Sakto nga Pilion alang sa Trabaho

Hisguti:Kon kamo ang hiring manager, hain niining tulo ka mga tawo ang inyong dawaton? Ngano man?

Jessica	Anthony	Camille
Upat ka tuig nga pag-eskwela Walay kasinatian sa trabaho	Duha ka tuig nga pag-eskwela Duha ka tuig nga nagtrabaho sa dili konektado nga natad sa trabaho	Duha ka tuig nga pag-eskwela Duha ka tuig nga nagtrabaho sa inyong kompaniya samtang nag-eskwela

Basaha:Kon mas nangandam kamo alang sa trabaho nga inyong gusto, mas modako ang inyong tsansa nga makuha ang trabaho. Pagkuha og labing dako nga kasinatian kutob sa inyong mahimo sa inyong natad sa trabaho samtang nag-eskwela.

Daghang mga tuig ang aktwal nga kasinatian ni Arlene sa health care; nga nakahimo kaniya nga maayong kandidato alang sa health care administration. Walay kasinatian si Rachel isip usa ka paralegal, apan makapakita siya og daghang katuigan nga commitment isip mapahinunguron nga trabahante sa ubang mga natad sa trabaho.

Hisguti:Unsa nga kasinatian sa trabaho ang inyong maangkon samtang nag-eskwela?

Basaha:Ang inyong katuyoan sa pag-angkon og edukasyon mao nga aron makakita og mas maayong trabaho. Sa higayon nga makasugod na kamo sa inyong mga pagtuon, sugdi ang pagtuon sa gi-advertise nga mga trabaho aron mahimong pamilyar sa unsay gipangita sa mga employer. Planoha ang inyong edukasyon aron labing makakuha niadto nga mga kwalipikasyon.

Sama pananglit, si Juan nangita og mga deskripsyon sa trabaho diha sa internet ug nakig-istorya og pipila ka mga tawo. Misulat dayon siya sa mga kahanas ug kahibalo nga gikinahanglan niyang palamboon aron makwalipikado sa posisyon nga oil rig welder. Gisulat niya ang mosunod:

Mga kahanas ug kahibalo nga akong gikinahanglan:

1. Makabasa ug makasabut og mga blueprint.

2. Nasayud sa mga terminolohiya sa industriya.

3. Maayo sa daghang mga pamaagi sa pag-welding.

4. Maka-welding sa lisud nga mga kahimtang.

Nakaamgo usab si Juan nga aron makabintaha sa ubang mga aplikante sa trabaho, kinahanglan niyang makapalambo og dugang nga mga kahanas ug kahibalo. Gisulat niya ang mosunod:

Dugang nga mga kahanas o kahibalo:

• Underwater welding

• Automated welding

Kalihokan _{(10 minutos)}

Ideterminar ang piho nga mga kahanas ug kahibalo nga inyong gikinahanglan nga palamboon aron makwalipikado sa trabaho nga inyong gusto.

Step 1: Ilista ang mga kahanas, kahibalo, ug kasinatian nga kinahanglan nga aduna kamo aron makatabang kaninyo nga makakuha sa matang sa trabaho nga inyong gitinguha. Paglista og dili mominos tulo niini diha sa ubos.

Importante nga mga kahanas alang sa trabaho isip usa ka

Step 2: Unsa nga dugang nga mga kahanas ug kahibalo ang makatabang kaninyo aron makita nga maoy angay gayud nga pilion alang sa trabaho? Paghunahuna og mga klase, mga trabaho sa estudyante, mga internship, mga student club, internet o lokal nga mga komunidad, o ubang oportunidad nga makadugang sa inyong tsansa nga madawat sa trabaho.

Dugang nga mga kahanas, kahibalo, o kasinatian:

Basaha:Ribyuha matag karon ug unya ang mga kahanas ug kahibalo nga inyong gipalambo, ug itandi kini sa unsay gipangita sa mga employer.

2. Pagtipig og Record

Basaha:Ang pagtipig og rekord sa inyong mga kwalipikasyon, kalampusan, ug edukasyon dako og ikatabang kon mang-apply alang sa mga internship ug trabaho.

Pagtipig og rekord sa inyong work history ug edukasyon, lakip ang mga petsa. Siguroa nga malakip ang mga kalampusan, mga proyekto, mga award, mga recognition, ug bisan unsang butang nga makapakita nga kamo mahimong maayo sa inyong gipili nga trabaho.

Ang pipila sa mga employer mohangyo nga motan-aw og mga ehemplo sa inyong mga sinulat, inyong mga art, inyong mga kalampusan, ug ubang mga butang nga inyong nahimo sa inyong pag-eskwela. Pagtipig og portfolio sa mga ehemplo aron andam na kamo kon pangayoan kamo niini.

Ang ubang mga employer motan-aw sa inyong pagsalmot sa mga website ug mga forum aron makita kon unsa mo kamaayo nga makigtrabaho sa ubang tawo ug ang kalidad sa inyong kontribusyon sa mga diskusyon.

Hisguti:Unsa ang pipila ka mga paagi sa pagtipig og rekord o mga ehemplo sa inyong mga buhat aron makita sa mga employer kon aduna kamo sa mga kahanas ug mga kasinatian nga ilang gipangita?

3. Pakig-network

Basaha:Daghang mga tawo ang mangita og trabaho pinaagi sa pagtan-aw lamang sa mga advertisement sa trabaho, apan kadaghanan sa mga tawo makakita og trabaho pinaagi sa pakig-network, o pakig-istorya sa mga tawo nga makatabang kanila nga makakita og mga organisasyon nga nagkinahanglan sa ilang mga kahanas.

networking graphic

Basaha:Palamboa kanunay ang inyong network samtang nag-eskwela kamo ug sa pagkahuman. Ilha ang inyong mga instruktor, ang mga tawo nga nagtrabaho sa inyong natad sa trabaho, ug ubang mga sakop sa klase. Wala kamo masayud kon kinsa sa inyong network ang makatabang kaninyo nga makakita sa trabaho nga inyong gipangita. Ang pagpakig-network mao ang pagpakigrelasyon. Pangita og mga paagi sa pagkonektar ngadto sa uban ug pag-ugmad niini nga mga relasyon.

Kalihokan _{(3 minutos)}

Step 1: Basaha ang ehemplo ni Rachel sa ubos.

Si Rachel interesado nga makatrabaho sa Valley Law. Diha sa iyang klase sa paralegal, nahimamat niya si April Chang, kinsa nagtrabaho sa Valley Law. Si Rachel nakadayeg kang April sa kadali niyang makasabut sa materyal ug sa iyang kapahinunguron sa tinuoray nga pagtrabaho. Nakontak ni Rachel si John (usa ka partner sa kompaniya) pinaagi ni April, ug nainterbyu si Rachel.

networking 1

Step 2: Paghunahuna og usa ka organisasyon nga gusto ninyong trabahoan. Duna ba kamoy kaila nga mahimong mokonektar o mopaila ninyo sa tighimo og desisyon didto? Sulati karon o sulod sa semana ang blangko sa ubos.

networking 2

Step 3: Sulod sa semana, kontaka ang inyong higala ug hangyoa nga ipaila-ila kamo.

Basaha:Kon aduna kamoy access sa mga online social network, paggahin og panahon niining semanaha sa pagsiksik niadto nga mga network alang sa mga koneksyon ngadto sa mga kompaniya nga interesado kamo. Ang pipila ka mga social networking program tuyo nga gihimo aron sa pagtabang kaninyo nga makonektar ngadto sa mga kompaniya.

Bisan kon mahuman na ninyo kini nga kalihokan, tingali dili mo kakita og bisan unsang personal nga koneksyon ngadto sa mga kompaniya nga interesado kamo. Okey ra kana. Sugdi ang pag-ilaila og labing daghang tawo kutob sa mahimo sa sayo nga bahin sa inyong pag-eskwela aron ang inyong network modako ug mohatag kaninyo og mas daghang mga oportunidad.

4. Bayari ang Inyong mga Student Loan

Basaha:Kon manghulam kamo og kwarta alang sa eskwelahan, inyong responsibilidad nga bayaran kini. Si Presidente Hinckley mitudlo: “[Ang mga nakadawat] mobayad, ug kon buhaton nila kini, ilang mabatyagan ang talagsaong pagbati sa kagawasan tungod kay ilang napalambo ang ilang kinabuhi. … Ikapataas nila ang ilang mga ulo uban sa diwa sa pagkagawasnon” (“The Perpetual Education Fund,” Ensign, Mayo 2001, 53).

Ang dili pagbayad sa utang usa ka pagpangawat og kwarta, apan pipila ka mga tawo mosulay sa pagpangatarungan sa ilang mga kaugalingon tungod kay:

• Gibati nila nga dunay katungod sa kwarta ug naghunahuna nga dili importante kon bayaran ba nila kini.

• Wala sila makatrabaho, o gamay ra kaayo ang ilang sweldo sa trabaho.

• Mogasto sila og kwarta sa ubang mga butang kay sa atubangon ang ilang obligasyon nga bayaran ang loan.

Tingali aduna kamoy mga panahon nga maglisud kamo sa pagbayad sa inyong loan.

Dihang miundang sa pag-eskwela si Stefano pipila ka tuig ang milabay, kinahanglan niyang mosugod sa pagbayad og 100 kada bulan sa iyang student loan. Wala siyay igong kwarta aron makahimo sa kompleto nga bayad. Mitawag siya sa loan company ug mihangyo kon mahimo siyang mobayad og 50 kada bulan hangtud nga makakita siya og trabaho. Misugot sila. Mibayad siya og 50 sulod sa pipila ka bulan, ug dayon misugod na usab siya sa pagbayad og 100 human siya nakakita og trabaho.

Hisguti:Unsa ang pipila ka mga paagi nga makapadayon kamo sa pagbayad sa inyong loan bisan sa lisud nga mga panahon?

5. Padayon sa Pagkat-on

Basaha:Ang malampusong mga tawo padayon nga nagtinguha nga makat-on. Ang job market kalit nga mausab; aron mahimong self-reliant, kinahanglan nga kanunay kamong mangandam alang sa mas maayo nga mga oportunidad sa trabaho. Nagpasabut kini nga motabok sa taytayan sa pagkat-on sa makadaghang higayon sa inyong kinabuhi.

three bridges road

Si Presidente James E. Faust mitambag: “Pagmapahiangayon sa inyong trabaho. … Kinahanglang andam kita nga magkat-on sa bag-o, gipangita nga mga kahanas. Adunay daghan kaayo nga [mga tawo] kinsa nakakaplag og bag-ong kalipay ug katagbawan sa pag-angkon og ikaduhang trabaho nga wala gayuy koneksyon sa trabaho diin orihinal sila nga gi-train. … Ang pagpailin-ilin sa atong pamaagi kabahin sa atong mga oportunidad sa trabaho tingali makapahimong posible nga maarang-arang sa pinansyal nga paagi” (“The Blessings We Receive as We Meet the Challenges of Economic Stress,” Ensign, Nob. 1982, 90).

Hisguti:Unsaon ninyo sa pagpangandam ug pagpahiangay sa nagkausab nga job market?

Basaha:Kon hapit na kamo mahuman sa inyong training, pa-enroll sa grupo sa self-reliance nga Find a Better Job aron sa pagtabang kaninyo nga makuha ang trabaho nga inyong gitinguha.

6. Pag-mentor sa Uban

Basaha:Pwede usab kamo nga “mahimong taytayan” pinaagi sa pag-mentor sa uban. I-mentor sila pinaagi sa pagbuhat sa mosunod:

1. Higugmaa sila. Paminaw sa unsay gusto nilang buhaton. Pagmapailubon kon ang ilang pag-uswag hinay o kon sila nakasinati og kapakyasan.

2. Pangutana. Ang mga pangutana makatabang kanila sa paghunahuna mahitungod sa umaabut, makasabut sa ilang mga hagit, ug makakaplag og kaugalingon nilang mga solusyon.

3. Awhaga sila. Bisan kon lisud kini, awhaga ang inyong mga higala sa pagpakita og hugot nga pagtuo ug sa pagpadayon sa pagtrabaho. Kinahanglang andam ka nga makigtagbo kanila ug maminaw samtang mo-report sila sa ilang pag-uswag.

4. Ipaambit kini nga mga baruganan ug mga estratehiya sa self-reliance ngadto sa inyong mga higala, inyong mga anak, ug ubang mga Santos sa Ulahing mga Adlaw.

Si Presidente Thomas S. Monson mitudlo:

“Ato ang responsibilidad nga … mahimong takus sa tanang mahimayaong panalangin nga giandam sa atong Langitnong Amahan alang kanato—ug alang sa uban pinaagi kanato.

“… Hinumdumi kon si kinsa kamo ug unsay gilauman sa Dios kon unsa kamo sa umaabut. Kamo anak sa pakigsaad” (“Usa ka Sagradong Responsibilidad,” Ensign o Liahona, Mayo 2016, 85).

Hisguti:Unsa ang labing importante nga mga butang nga inyong nakat-unan sa miting sa grupo karong adlawa?