Kon gusto ninyo nga makat-on og dugang mahitungod sa pag-apply og mga scholarship ug grant, mahimo ninyong basahon ug buhaton ang mosunod:
Basaha:Ang mga scholarship mao ang pinansyal nga mga tabang nga gibase kon kinsa kamo, unsay inyong nahimo, ug ang mga kinaiya nga gusto sa mga organisasyon o mga tawo nga mapasidunggan ug magantihan.
Ang mga educational grant gitanyag sa daghang mga gobyerno, mga institusyon, ug dili gobyerno nga mga organisasyon aron sa pagtabang sa mga tawo nga gagmay og kinitaan nga mapalambo ang ilang mga kinabuhi ug mahimong mas self-reliant.
Sa unsang paagi kini makatabang kanako?
Mahimo ninyong magamit ang mga kwarta sa scholarship aron ibayad sa tuition, balayranan, mga libro, ug usahay ubang galastuhan sama sa puy-anan ug transportasyon. Dili kinahanglang bayaran nimo og balik ang kwarta.
Depende sa grant, mahimo kamong makadawat og kwarta kada tuig ting-eskwela sulod sa limitado nga gidaghanon sa mga tuig o semester.
Kwalipikado ba ko?
Pangita og mga scholarship nga moganti sa inyong mga kinaiya ug mga nakab-ot.
Ang mga grant ibase sa pinansyal nga panginahanglan. Ang pipila ka mga grant ihatag lamang ngadto sa piho nga mga programa sa edukasyon.
Unsaon nako sa pag-apply?
Pang-apply sa mga scholarship nga mohaum sa inyong mga kasinatian, kahanas, ug kinaiya. Pang-apply alang sa daghan nga mga scholarship kaysa usa lang.
Makakita ug maka-apply kamo og mga scholarship ug mga grant diha sa internet, sa mga self-reliance center, ug sa mga ahensya nga pangtrabaho o mga departamento sa gobyerno nga pangtrabaho. Ang mga tawo niini nga mga ahensya makatabang kaninyo sa mga estratehiya sa pagkakuha og mga scholarship ug mga grant. Hatagi og maayong pagtagad ang mga deadline ug mga instruksyon sa application. Pagbantay sa ilad nga mga scholarship website; ang lehitimo nga mga website panagsa ra kaayo nga magpabayad.
Hatagi og maayong pagtagad ang mga petsa sa application nga nakalista sa matag grant. Daghang mga application ang dawaton lamang sa piho nga mga bulan sa tuig.
Unsaon sa Pagtandi og mga Student Loan
Aron sa pagtandi og mga student loan, pangutan-a ang mga tigpahulam sa mosunod nga mga pangutana: Pangutana sa inyong stake self-reliance specialist mahitungod sa ubang mga pangutana aron makakuha kamo sa labing maayo nga mga kondisyon sa loan—ug makalikay sa mga pagpangilad.
Unsa ang matang sa loan (variable, fixed)?
Unsa man ang nga interest rate?
Pila man ang bayranan kada bulan?
Unsa ang gidugayon sa loan?
Kanus-a man ko magsugod sa pagbayad sa loan?
Pila man ang total nga kantidad nga akong bayaran lakip ang principal ug interest?
Unsa man ang mga sangputanan kon dili ko makahimo sa pagbayad sa loan?
Unsa kaha kon magkinahanglan ko og panahon nga dili usa mobayad (sama pananglit, magmisyon o deferment)?
Mga Perpetual Education Fund Loan
Kini nga kapitulo naghisgut og lain-laing mga pamaagi sa pagbayad alang sa self-reliant nga edukasyon. Ang mga student loan gihisgutan isip katapusang solusyon aron sa pagbayad sa nahabilin [nga galastuhan] sa inyong eskwelahan human maningkamot og maayo nga makakuha og mga scholarship ug mga grant (tan-awa sa pahina 105). Kon ang inyong plano sa edukasyon naglakip gihapon og student loan ug nagpuyo kamo sa nasud nga giaprubahan, mahimo kamong makwalipikado sa pag-apply og educational loan gikan sa Perpetual Education Fund (PEF).
Ang mga PEF loan anaa ba sa akong gipuy-an?
Ang mga PEF loan anaa sa daghang mga nasud sa tibuok kalibutan. Usa ka up-to-date nga lista sa mga nasud makita sa srs.lds.org/pefcountries.
Unsaon nako nga makwalipikado?
Pinaagi sa interbyu uban sa inyong bishop o branch president, hukman ninyo kon nakatuman ba kamo sa mosunod nga mga kwalipikasyon aron makadawat sa iyang pag-endorso nga mo-apply og PEF loan:
Katakus: Kamo nagbaton ba ug nagpuyo nga takus sa magamit nga rekomend sa templo o limited-use nga rekomend?
Panginahanglan: Duna ba kamoy klarong pinansyal nga panginahanglan nga modawat og PEF loan human ninyo makonsiderar ang tanang mga opsyon sa pagtagana og kwarta nga gihisgutan niini nga kapitulo, lakip ang paggamit og inyong kaugalingon nga mga pundo, pundo gikan sa mga sakop sa pamilya, ug tanan nga posibleng mga grant o scholarship?
Determinado: Determinado ba mo nga makompleto ang inyong programa, makakita og mas maayong trabaho, makabayad sa inyong loan, ug mosunod sa mga baruganan sa self-reliance?
Aron dugang nga makat-on og mahitungod sa mga kwalipikasyon sa PEF, bisitaha ang srs.lds.org/pefqualify.
Unsaon nako sa pag-apply?
Aron sa pagtabang kaninyo sa pagkompleto sa inyong PEF application diha sa internet, gamita ang inyong plano sa self-reliance, nga naglakip sa mga plano sa trabaho, edukasyon, ug pinansyal nga inyong gihimo (tan-awa sa mga pahina 107–8). Maka-apply kamo og PEF loan ug makat-on mahitungod sa tanang mga rekisito sa pag-apply diha sa srs.lds.org/pefapply.
Unsaon nako sa paggamit ang akong PEF loan?
Ang mga PEF loan gipundohan gamit ang mga gipangbayad sa mga estudyante ingon man sa daghang mga donasyon sa mga miyembro sa Simbahan ug sa uban sa tibuok kalibutan. Kini nga mga pundo sagrado ug gigamit nga mainampingon. Gamit ang PEF Approved List sa mga trabaho ug mga programa sa edukasyon (makita sa srs.lds.org/pef), ang inyong PEF loan makatabang sa pagtagana og kwarta sa:
Teknikal, bokasyunal, o propesyunal nga edukasyon nga mga oportunidad nga mosangput ngadto sa gikinahanglan nga trabaho sa inyong lokal nga dapit.
Mga galastuhan nga may kalabutan sa inyong pagtambong sa eskwelahan. (Alang sa kompleto nga lista, bisitaha ang srs.lds.org/pefcosts.)
Unsaon nako sa pagbayad sa akong loan?
Samtang nag-eskwela, mohimo kamo og ginagmayng binulan nga pagbayad. Human kamo mogradwar, ang inyong binulan nga mga bayranan magkadako aron mabayaran ninyon ang inyong loan sa tukmang panahon. Ang PEF nagtugot kaninyo nga makaangkon og mga performance incentive (pagpaminos sa kantidad sa loan), nga makatabang ninyo sa pagbayad sa inyong loan ug nag-awhag kaninyo sa paggradwar ug mahimong self-reliant. Kining mga performance incentive mahimong maglakip sa paggradwar sa inyong programa, pagkakuha og maayong mga grado, pagkab-ot sa inyong giplano nga tumong sa panarbaho, ug pagbayad sa tukmang panahon. Aron dugang nga makat-on, bisitaha ang srs.lds.org/pefincentives.
Sa unsang paagi gamiton ang akong mga gipangbayad?
Ang matag pagbayad importante kaayo tungod kay gamiton kini sa pagmugna og bag-ong mga loan alang sa umaabut nga mga estudyante.
Kinsa ang nagdumala sa PEF?
Ang PEF gidumala sa Unang Kapangulohan, sa Presiding Bishopric, ug ubang mga General Authority ug mga lider sa auxiliary. Ang mga priesthood leader sa Area nagdumala sa lokal nga administrasyon sa loan program.
Unsa kaha kon aduna koy mga pangutana o kabalaka?
Kon nagkinahanglan mo og dugang impormasyon kabahin sa PEF sa inyong dapit, o kon naglisud kamo sa inyong application o sa bisan unsang bahin sa inyong kasinatian sa PEF loan, bisitaha ang srs.lds.org/pef o kontaka ang inyong stake self-reliance specialist.
Dugang nga impormasyon mahitungod sa ubang kapanguhaan sa self-reliance makita sa srs.lds.org.