My Foundation: Ang Self-Reliance Usa ka Baruganan sa Kaluwasan—Labing Dugay nga Oras: 20 Minutos

Pamalandungi:Juan 10:10 (naa sa tuo)

“Ako mianhi aron sila makabaton og kinabuhi, ug sa pagkabaton niini sa madagayaon gayud.”

Juan 10:10

Hisguti:Unsa ang abunda [madagayaon] nga kinabuhi?

Tan-awa:“He Polished My Toe [Gipaituman Niya ang Tudlo sa Akong Tiil],” anaa sa srs.lds.org/videos. (Walay video? Basaha ang pahina 5.)

Iyang Gitrapohan ang Tudlo sa Akong Tiil

Kon dili mo makatan-aw sa video, basaha kini nga script.

Elder Enrique R. Falabella: Sa nagtubo pa ko, naglisud mi. Nahinumdom ko usa ka adlaw nga miduol ko ni papa ug miingon niya, “Pa, nagkinahanglan ko og bag-ong sapatos. Kini guba na.” Mihunong siya ug gitan-aw ang akong sapatos ug nakita nga guba na gyud. Miingon siya, “Siguro mahimo ra nato ning ayuhon.” Mikuha siya og gamay nga itom nga pangpasinaw sa sapatos ug gipasinawan ang akong sapatos, sinaw na kini og nindot. Giingnan ko niya, “Karon anak, maayo na kini.” Mitubag ko, “Wala pa. Makita gihapon ang akong tudlo sa tiil nga milapos sa sapatos.” Miingon siya, “Ok, ayuhon pud nato kana!” Mikuha siya og gamay nga itom nga pangpasinaw ug gipaituman ang akong mga tudlo sa tiil!

Nianang adlawa akong nakat-unan nga dunay solusyon sa matag problema. Kumbinsido ako nga kining baruganan sa self-reliance ug inisyatibo maoy paagi sa pagpadali sa buhat sa Ginoo. Usa kini ka bahin sa buhat sa kaluwasan. Kitang tanan mas momaayo kay sa unsa kita karon. Wagtanga ang inyong kakulang sa kadasig. Daghang higayon nga kontento ra kaayo ta, ug kini moguba sa atong paglambo. Ang matag adlaw mao ang adlaw nga makahimo ko og kalamboan kon mohukom ko nga mohimo og lahi sa pagpalambo sa kulang nga akong nahimo. Kon buhaton ninyo uban sa pagtuo, gamit ang pagtuo ug paglaum kang Kristo nga naa Siya nga motabang nimo, makit-an nimo ang paagi nga molambo sa mga butang nga temporal ug espiritwal. Kini gumikan kay buhi ang Dios ug kamo Iyang anak.”

Balik sa pahina 4.

Hisguti:Nagtuo ba kamo nga dunay solusyon ang inyong mga problema? Unsaon nato nga mahimong takus sa gahum sa Ginoo nga motabang kanato?

Basaha:Ang Handbook 2 nga reference ug ang kinutlo gikan ni Elder Dallin H. Oaks (naa sa tuo). Ang pagkahimong self-reliant wala magpasabut nga atong mabuhat o makab-ot ang bisan unsa nga atong mahunahunaan. Hinoon, kini mao ang pagtuo nga pinaagi sa grasya, o sa makaabag nga gahum, ni Jesukristo ug sa atong kaugalingong paningkamot, kita makahimo sa pag-angkon sa tanang espiritwal ug temporal nga mga panginahanglan sa kinabuhi nga atong gikinahanglan alang sa atong kaugalingon ug sa atong mga pamilya. Ang self-reliance mao ang ebidensya sa atong pagsalig o pagtuo diha sa gahum sa Dios nga makapabalhin sa mga bukid sa atong kinabuhi ug sa paghatag kanato og kalig-on aron modaug bato sa mga pagsulay ug mga kasakit.

“Ang self-reliance mao ang abilidad, pasalig, ug paningkamot sa pagsangkap sa espiritwal ug temporal nga mga kinahanglanon sa kinabuhi alang sa kaugalingon ug sa pamilya. Samtang ang mga miyembro mahimong self-reliant, sila usab mas makahimo sa pagserbisyo ug pag-atiman sa uban.”

Handbook 2: Administering the Church (2010), 6.1.1

“Bisan unsa pay hinungdan sa atong pagsalig sa uban sa mga desisyon o mga kapanguhaan nga atong mahimo sa atong mga kaugalingon kini makapaluya kanato sa espirituhanong paagi ug makapahinay sa atong pag-uswag sa unsay gitinguha sa plano sa ebanghelyo kanato.”

Dallin H. Oaks, “Paghinulsol ug Kausaban,” Ensign o Liahona, Nob. 2003, 40

Hisguti:Sa unsang paagi nga natabangan kamo sa grasya ni Kristo sa pag-angkon og espiritwal ug temporal nga mga kinahanglanon sa kinabuhi?

Kalihokan

Step 1: Pagpili og usa ka partner ug basaha ang matag baruganan sa ubos.

Step 2: Hisguti ngano nga ang pagtuo niini nga mga kamatuoran makatabang kaninyo nga mahimong mas self-reliant.

Mga Baruganan sa Doktrina sa Self-Reliance
Ang self-reliance usa ka sugo.	“Ang Simbahan ug ang mga miyembro niini gisugo sa Ginoo nga mahimong mapaningkamuton sa kaugalingon [self-reliant] ug dili magsalig” (Mga Pagtulun-an sa mga Presidente sa Simbahan: Spencer W. Kimball [2006], 146).
Ang Dios makahimo ug mohatag og paagi alang sa Iyang matarung nga mga anak nga mahimong self-reliant.	“Ug mao kini ang akong katuyoan sa paghatag sa akong mga santos, kay ang tanan nga mga butang akò” (D&P 104:15).
Ang temporal ug espiritwal usa ra ngadto sa Dios.	“Busa, sa pagkatinuod Ako moingon nganha kaninyo nga ang tanan nga mga butang ngari kanako mga espirituhanon” (D&P 29:34).

Hisguti:Basaha ang kinutlo gikan ni Presidente Marion G. Romney (naa sa tuo). Unsaon ninyo pagkahibalo nga nahimo na kamong mas self-reliant?

“Kon ang tawo dili self-reliant dili siya makagamit niining kinaiyanhong mga tinguha sa pagserbisyo. Unsaon nato sa paghatag kon walay ikahatag ? Ang pagkaon alang sa gigutom dili magagikan sa walay sulod nga mga estante. Ang kwarta aron sa pagtabang sa nanginahanglan dili maggikan sa walay sulod nga pitaka. Ang pagsuporta ug pagpasabut dili maggikan sa mga tawong naglisud sa emosyonal nga paagi. Ang panudlo dili maggikan sa tawo nga walay kahibalo. Ug ang labing importante sa tanan, ang espirituhanong paggiya dili makuha gikan sa huyang sa espirituhanong paagi.”

Marion G. Romney, “The Celestial Nature of Self-Reliance,” Ensign, Nob. 1982, 93

I-commit [Ipasalig]:I-commit nga himoon ang mosunod nga mga buluhaton sulod sa semana. I-tsek ang box kon makompleto ninyo ang matag commitment [pasalig]:

• Basaha ang sulat sa Unang Kapangulohan sa sulod sa atubangang hapin, ug badlisi ang gisaad nga mga panalangin. Unsa ang kinahanglan ninyong buhaton aron maangkon kini? Isulat ang inyong mga hunahuna diha sa ubos.

• Ipaambit ang inyong nakat-unan karon mahitungod sa self-reliance ngadto sa inyong pamilya o mga higala.