My Foundation: Tinguhaa ang Pagkat-on—Labing Dugay nga Oras: 20 Minutos

Pamalandungi:Sa unsang paagi nga ang pagkat-on makamugna og oportunidad?

Tan-awa:“Education for a Better Life [Edukasyon alang sa Mas Maayo nga Kinabuhi],” anaa sa srs.lds.org/videos. (Walay video? Basaha ang pahina 61.)

EDUKASYON ALANG SA MAS MAAYO NGA KINABUHI

Kon dili mo makatan-aw sa video, basaha kini nga script.

Elder Joseph W. Sitati: Sa edad nga 13 nagpuyo ko sa usa ka rural nga bahin sa Kenya. Ang mga tawo diyutay ra kaayo og kabtangan. Apan kadtong daw makapalit sa mga butang nga ganahan sa uban mao kadtong adunay maayo nga edukasyon. Akong nakita nga ang edukasyon importante aron makaangkon og mas maayong kinabuhi.

Misulod kanunay sa akong hunahuna nga moadto ug makigsulti sa prinsipal sa usa sa mga eskwelahan nga gusto kaayo nakong tambungan. Nagkinahanglan ko sa bisikleta sa akong amahan aron mohimo niini nga panaw nga miabut og tunga sa adlaw. Wala pa gayud ako makagawas sa among baranggay. Dili ko kaayo makasulti og Iningles, ug kini nga prinsipal puti nga tawo. Wala pa gayud ako sukad makahimamat o direkta nga makigsulti sa usa ka puti nga tawo, mao nga makahadlok kini nga panghunahuna.

Adunay nagsige og aghat sa sulod kanako ug nagsulti nga kinahanglan nako kining buhaton, busa miadto ko sa pagbisita sa prinsipal. Samtang mitan-aw ko kaniya akong nakita nga daw nakalitan siya nga makita kining batan-ong lalaki nga nagbarug sama sa usa ka sundalo diha sa iyang atubangan. Mabination ang iyang mga mata, ug nakahatag kana kanako og kaisug. Giingnan nako siya nga gusto gyud nakong makasulod sa iyang eskwelahan ug malipay gyud ko pag-ayo kon iya kong dawaton. Dayon miingon siya, “Nan, atong tan-awon kon kon mogawas na ang resulta sa test.” Miingon ko, “Salamat, sir.” Sa wala pay upat ka minuto migawas na ko sa opisina.

Kadtong upat ka minuto nga gigahin nako niana nga opisina mao ang nakapausab nga punto sa akong kinabuhi. Ako lamang ang estudyante gikan sa akong eskwelahan sa primary nga napili ngadto sa usa sa pinakamaayong eskwelahan sa among dapit. Mapasalamaton ako sa kamatuoran nga kining buotan nga tawo mihatag kanako niini nga oportunidad, ug midasig kini kanako nga maningkamot nga mahimong labing maayo nga estudyante sa akong klase.

Mihatag kana kanako og bag-ong mga oportunidad nga makaadto og laing maayo nga eskwelahan ug dayon mangandam alang sa unibersidad. Ang akong edukasyon nakapahimo nako nga makita ang akong asawa sa unibersidad. Nakapahimo kini nako nga makakita og trabaho sa siyudad. Samtang nagpuyo sa Nairobi, nakasugat kami og magtiayon nga misyonaryo nga midapit kanamo sa ilang panimalay, diin mipahigayon sila og mga miting uban sa mga miyembro sa Simbahan. Kon wala pa ko sa Nairobi nianang higayuna, dili unta nako makaplagan ang ebanghelyo. Ang kamatuoran nga aduna akoy sigurado nga trabaho nakatugot nako sa pagserbisyo sa Simbahan.

Mopamatuod ko nga ang edukasyon importante aron makaangkon og self-reliance. Moabli kini og daghang mga oportunidad aron makahimo kamo sa pagsangkap alang sa inyong kaugalingon sa temporal nga paagi ug mahimong self-reliant usab sa espirituhanong paagi.

Balik sa pahina 58.

Hisguti:Unsa ang gusto ni Elder Joseph W. Sitati dihang 13 anyos siya? Unsay iyang gibuhat mahitungod niini?

Basaha:Doktrina ug mga Pakigsaad 88:118–19 ug ang kinutlo gikan ni Presidente Gordon B. Hinckley (naa sa tuo)

“Pangitaa ninyo nga makugihon ug magtudlo sa usag usa sa mga pulong sa kaalam; oo, pangitaa ninyo gikan sa labing maayo nga mga basahon ang mga pulong sa kaalam; pangitaa ang pagtulun-an, gani pinaagi sa pagtuon ug usab pinaagi sa hugot nga pagtuo. … Pagtukod og usa ka balay … sa pagtulun-an.”

Doktrina ug mga Pakigsaad 88:118–19

“Duna kitay responsibilidad ug hagit nga mabutang ang atong kaugalingon diha sa natad sa negosyo, siyensya, gobyerno, medisina, edukasyon, ug sa tanang maayo ug makatabang nga bokasyon. Duna kitay obligasyon sa pagbansay sa atong mga kamot ug mga hunahuna sa pag-excel diha sa buhat sa kalibutan alang sa pagpanalangin sa tanang katawhan.”

Gordon B. Hinckley, “A City upon a Hill,” Ensign, Hulyo 1990, 5

Pamalandungi:Unsa nga mga hunahuna ug mga impresyon ang inyong nadawat gikan sa Espiritu Santo mahitungod sa pagpalambo sa inyong kinabuhi?

Kalihokan—Paghimo og “Misyon sa Kinabuhi”

Step 1: Basaha ang kinutlo gikan ni Presidente Henry B. Eyring (sa pahina 59). Ang Ginoo adunay plano alang kaninyo. Gipanalanginan kamo Niya og espesyal nga mga gasa ug talento nga magtugot kaninyo nga mamahimo nga bisan unsa nga gusto Niya nga kamo mamahimo. Matuman nimo ang imong misyon dinhi sa kalibutan kon magkugi ka sa pagpangita ug pagsabut ug pagtuman sa Iyang kabubut-on para kanimo.

“Pangaliyupo nga ang Espiritu mopakita kaninyo kon unsay gusto sa Ginoo nga ipabuhat kaninyo. Planoha ang paghimo niini. Saari Siya nga motuman kamo. Buhata uban sa determinasyon hangtud inyong mabuhat ang Iyang ipabuhat. Ug dayon pag-ampo … [nga masayud] kon unsay sunod ninyong angay nga buhaton. ”

Henry B. Eyring, “Pagbuhat diha sa Tanan nga Kakugi,” Ensign o Liahona, Mayo 2010, 63

Step 2: Tubaga ang mga pangutana sa ubos aron sa pagsugod og himo sa imong panglantaw o “misyon sa kinabuhi.”

Ang Akong Misyon sa Kinabuhi
Asa man ko gusto lima ka tuig gikan karon?
Ngano man?
Unsa nga mga kahanas, kahibalo, o kasinatian ang akong gikinahanglan aron makaabut didto?

I-commit [Ipasalig]:I-commit nga himoon ang mosunod nga mga buluhaton karong semanaha. I-tsek ang box kon makompleto ninyo ang matag buluhaton.

• Kompletuha ang mosunod nga mga tumong ug mga kalihokan sa mentor.

• Humana sa pagsulat ang inyong plano sa “misyon sa kinabuhi” ug hisguti kini uban sa inyong pamilya.

• Hangyoa ang usa ka tawo nga mahimo nimong mentor ug pag-iskedyul og panahon nga mag-abut.

Kalihokan—Paghimo og mga Tumong

Step 1: Basaha ang kinutlo gikan ni Presidente Howard W. Hunter (naa sa tuo). Pinaagi sa mga tumong, ang atong mga paglaum mausab ngadto sa paglihok.

“Ebanghelyo kini sa paghinulsol, ug kinahanglan kita nga maghinulsol ug maningkamot [nga mahimong maayo]. Sa pagkatinuod, ang proseso sa paghinulsol, paghimo og mga commitment, ug paghimo og mga tumong kinahanglan nga usa ka padayon nga proseso. … Irekomendar ko kana nga buhat kaninyo.”

Howard W. Hunter, “The Dauntless Spirit of Resolution” (debosyonal sa Brigham Young University, Ene. 5, 1992), 2, speeches.byu.edu

Ang mga tumong kinahanglang:

1. Piho ug masukod.

2. Isulat ug ibutang diin inyo kining makita kada adlaw.

3. Adunay gitakda nga mga panahon sa pagkompleto.

4. Adunay piho nga mga buluhaton aron makab-ot ang tumong.

5. Kanunay ribyuhon, gireport, ug gi-update.

Step 2: Sa lahi nga piraso nga papel, pagsulat og duha o tulo ka mga tumong nga makatabang kaninyo nga makab-ot ang misyon sa inyong kinabuhi. Sunda ang ehemplo sa ubos. Ibutang ang papel diin imo kining makita kanunay.

Tumong	Ngano man?	Mga Piho nga Lakang sa Pagkab-ot sa Tumong	Timeline	Kang Kinsa man Ko Mo-report sa Akong Pag-uswag?
EHEMPLO: Mobasa sa Basahon ni Mormon 30 minutos matag adlaw.	Aron makadawat ko inadlaw nga direksyon gikan sa Espiritu Santo.	1. Mobangon alas 6:30 sa buntag matag adlaw. 2. Mobasa sa dili pa mamahaw. 3. Morekord sa akong pag-uswag diha sa tsart.	Akong i-evaluate ang akong pag-uswag matag gabii sa dili pa ko matulog.	Akong ipaambit ang akong progress chart ngadto sa usa ka sakop sa pamilya matag Dominggo.

Kalihokan—Pagpangita og Mentor

Step 1: Basaha ang kinutlo gikan ni Elder Robert D. Hales (naa sa tuo). Adunay lain-laing matang sa mga mentor. Mahimong magkinahanglan kamo og tawo nga adunay daghang kasinatian aron matubag ang inyong mga pangutana—usa ka tawo nga nakabuhat na sa unsay gusto ninyong buhaton. Ang uban nga mga mentor mahimong gikan sa matarung nga mga higala o mga sakop sa pamilya. Kini ang mga tawo nga andam mogahin og dugang nga panahon sa pag-awhag kaninyo sa paghimo og mga kausaban sa inyong kinabuhi ug sa paghimo kaninyo nga responsable sa inyong pag-uswag.

“Sa akong katuigan isip young adult, nangayo ko og tambag sa akong mga ginikanan ug sa matinud-anon, kasaligan nga mga tigtambag. Ang usa gikan sa lider sa priesthood; ang lain gikan sa magtutudlo nga mituo kanako. … Mainampuong mopili og mga tigtudlo kinsa naghunahuna sa inyong espirituhanong kaayohan.

Robert D. Hales, “Pagdawat ug Pagbuntog sa mga Hagit sa Kalibutan Karon,” Ensign o Liahona, Nob. 2015, 46

Step 2: Paghunahuna mahitungod sa matang sa tabang nga inyong gikinahanglan. Paglista og mga tawo nga mahimo ninyong mga mentor. Pamalandong ug pag-ampo mahitungod sa inyong lista sa mga ngalan.

Step 3: Tubaga ang mga pangutana sa ubos aron makasugod og relasyon ngadto sa mentor. Aron sa pagdapit og usa ka tawo nga mahimo ninyong mentor, yano lang kamo nga mohangyo, “Naningkamot ko nga makahimo og kausaban sa akong kinabuhi. Mahimo ka bang motabang nako?”

Ang Akong Mentor
Kinsa man ang gusto nimong mahimong mentor?
Kanus-a nimo siya hangyoon nga mahimo nimong mentor?
Kanus-a kamo mahimong mag-abut aron mapaambit ang imong “misyon sa kinabuhi” ug mga tumong?
Unsa mo kasagad nga mag-abut sa imong mentor?

Step 4: Hinumdumi nga ikaw ang responsable alang sa imong “misyon sa kinabuhi.” Kon mag-abut kamo sa imong mentor:

• Ribyuha ang imong pag-uswag.

• Ribyuha ang mga babag sa imong pag-uswag ug unsay imong gibuhat sa pagbuntog niini.

• Ribyuha sa piho kon unsa ang imong plano nga buhaton sa dili pa kamo magkita pag-usab sa imong mentor.