Magkat-on—Labing Dugay nga Oras: 45 Minutos

Basaha:Sa miaging semana mipili kamo og eskwelahan o program training nga sa inyong hunahuna labing maayo alang kaninyo. Sulod sa semana migahin kamo og panahon nga magkat-on pa kabahin sa eskwelahan o programa. Karon inyong susihon ang daghang mga paagi nga anaa aron makatabang sa pagbayad sa inyong training.

1. Ang edukasyon nagkinahanglan og sakripisyo.

2. Ribyuha ang inyong galastuhan sa training.

3. Ikonsiderar ang mga opsyon sa pagbayad sa inyong training.

4. Gamita ang mga student loan sa mainampingong paagi ug isip katapusang solusyon.

5. Hibaloi kinsa ang pakig-istoryahan.

6. I-update ang inyong plano sa self-reliance.

1. Ang Edukasyon Nagkinahanglan og Sakripisyo

Basaha:Giawhag kita ni Presidente Gordon B. Hinckley sa paghimo og mga sakripisyo aron mahimong posible ang atong edukasyon. Miingon siya: “Kinahanglang makakuha kamo sa tanang edukasyon kutob sa mahimo. … Isakripisyo ang bisan unsang butang nga kinahanglang isakripisyo aron mapasarang ang inyong kaugalingon sa paghimo sa buhat sa kalibutan” (“Words of the Prophet: Seek Learning,” New Era, Sept. 2007, 2–4).

Gitambagan usab kita nga dili maglangay sa ubang mga importanting butang sa atong kinabuhi samtang nagpadayon kita sa atong edukasyon. Ayaw paglangay-langay sa pagminyo, pagdawat sa mga ordinansa sa templo, ug pagbaton og mga anak samtang nag-eskwela.

Samtang ipadayon ninyo ang inyong mga prayoridad ug mosakripisyo sa dili kaayo importanting mga butang, inyong makaplagan nga ang Ginoo mopanalangin kaninyo.

Hisguti:Nganong ang edukasyon ug training angay sa sakripisyo?

2. Ribyuha ang Inyong Galastuhan sa Training

Basaha:Sa miaging duha ka semana inyong gisusi ang inyong mga opsyon sa edukasyon o training. Kabahin niana nga paningkamot mao ang pagkat-on kon pila ang galastuhan sa inyong programa. Kini nga mga galastuhan naglakip sa mga butang sama sa tuition, mga libro, mga balayranan, mga gasto sa pagpuyo, transportasyon, ug bisan unsa pa nga may kalabutan sa inyong edukasyon o training. Importante nga aduna kamoy tukma nga pagbana-bana niini nga mga galastuhan aron makaplano kamo unsaon sa pagbayad niini.

Sama pananglit, nasayran ni Juan nga ang iyang welding certificate mogasto og ingon niini:

Mga Matang sa Galastuhan sa Training	Kantidad
Welding certificate program	4,000
Mga himan, mga libro, ug mga suplay	1,000
Bayad sa eksamin	300
Bayad sa Lisensya	300
Transportasyon	400
Total	6,000

Timan-i usab ang inyong mga gasto sa pagpuyo, sama sa pagkaon, abang, sinina, galastuhan sa pamilya, ug utang.

Kalihokan _{(5 minutos)}

Step 1: Isulat ang inyong mga galastuhan sa traning o ang labing maayo ninyong pagbana-bana.

Step 2: Sulod sa semana, tan-awa ang bisan unsang nahabilin nga mga detalye.

Mga Matang sa Galastuhan sa Training	Kantidad
Total

3. Ikonsiderar ang mga Opsyon sa Pagbayad sa Inyong Training

Basaha:Adunay pipila ka mga paagi sa pagbayad sa pag-eskwela. Kutob sa mahimo, bayari ang inyong edukasyon gamit ang inyong kaugalingong tinigum o kinitaan. Pagtrabaho samtang nag-eskwela. Tingali kinahanglan nimong minosan ang paggasto ug mangita og dugang trabaho aron adunay dugang nga kinitaan.

Adunay ubang mga opsyon sa pag-finance kon dili paigo ang inyong tinigum o kinitaan. Ang pribadong mga organisasyon, mga indibidwal, ug mga gobyerno miestablisar og mga programa nga makatabang kaninyo sa pagbayad sa inyong training.

“Kay ang yuta puno ug adunay igo ug kapin pa; oo, Ako miandam sa tanan nga mga butang” (D&P 104:17).

Hisguti:Sa unsang paagi ang mga pulong nga “kay ang yuta puno” magamit ngadto sa kwarta nga ibayad alang sa inyong edukasyon?

Kalihokan _{(15 minutos)}

Step 1: I-assign ang matag sakop sa grupo sa pagbasa og hilum sa mga opsyon sa pag-finance nga naa sa ubos ug sa pahina 104.

Step 2: Pagpuli-puli sa pagpasabut sa opsyon nga inyong gibasa, lakip ang mga kalig-on ug mga kahuyang niini.

Step 3: Butangi og marka nga tsek tupad sa mga opsyon nga ingon og labing maayo alang kaninyo.

Opsyon sa Pag-finance	Kahulugan	Mga Kalig-on	Mga Kahuyang	Labing Maayo alang Kanako
Kinitaan ug mga Tinigum	Kwarta nga kinitaan sa pagtrabaho samtang nag-eskwela, o kwarta nga gigamit gikan sa tinigum. Mahimong gamiton alang sa bisan unsang galastuhan sa eskwelahan.	Walay utang o interest. Makakat-on og mga kahanas ug mohimo og importante nga mga kontak samtang nagtrabaho.	Tingali lisud nga motrabaho ug moeskwela. Tingali dugay mahuman sa pag-eskwela.
Scholarship	Gihatag nga kwarta nga gibase kon si kinsa kamo ug unsay inyong nabuhat. Sagad gigamit alang sa certification o degree.	Walay utang o interest. Mahimong maminosan ang panginahanglan nga motrabaho samtang nag-eskwela.	Tingali magkinahanglan nga magplano daan ug dakong paningkamot sa pag-apply. Magkinahanglan tingali nga makigtigi.
Grant	Usa ka paghatag og kwarta nga kasagaran gibase sa pinansyal nga panginahanglan ug gamiton alang sa usa ka degree.	Walay utang o interest. Mahimong maminosan ang panginahanglan nga motrabaho samtang nag-eskwela.	Tingali magkinahanglan nga magplano daan ug dakong paningkamot sa pag-apply. Magkinahanglan tingali nga makigtigi.
Apprenticeship	Usa ka trabaho diin ang usa ka tawo nagtrabaho alang sa employer samtang nagkat-on og usa ka panginabuhian o kahanas. Kasagaran alang sa mga sertipiko o lisensya.	Makat-on og mga kahanas nga haum sa trabaho. Tingali masweldohan sa pagkat-on. Tingali mosangput ngadto sa usa ka trabaho.	Magkinahanglan og paningkamot sa pagpangita og andam nga employer. Tingali lisud ang pag-eskwela ug pagtrabaho.
Pag-reimburse sa Tuition	Usa ka paghatag og kwarta sa employer ngadto sa mga empleyado aron sa pagpalambo sa ilang mga kahanas. Mahimong alang sa mga degree, sertipiko, lisensya, o piho nga mga klase.	Pabilin nga nagtrabaho samtang nagpauswag sa edukasyon. Naminosan ang inyong galastuhan.	Kinahanglang makatuman sa mga rekisito sa employer. Tingali lisud ang pag-eskwela ug pagtrabaho. Ang employer tingali magkinahanglan kaninyo nga magpabilin sa kompaniya o bayaran ang kwarta kon mobiya mo.
Kwarta nga Gihulam gikan sa Pamilya	Kwarta gikan sa pamilya nga aduna o walay ekspektasyon nga bayaran sila. Magamit alang sa kadaghanan nga mga galastuhan sa edukasyon.	Tingali mas sayon nga makuha kay sa mag-loan sa bangko.	Mahimong makaapekto sa mga relasyon sa pamilya. Tingali lisud kon dunay emerhensya nga mahitabo sa pamilya.
Mga Loan (mga bangko, gobyerno, dili gobyerno nga mga organisasyon, Perpetual Education Fund [PEF] kon anaa)	Kwarta gikan sa tigpahulam nga mga institusyon nga dunay ekspektasyon nga bayaran ninyo og balik ang kwarta, kasagaran nga adunay interest. Magamit alang sa kadaghanan nga mga galastuhan sa edukasyon.	Daghan nga mga opsyon sa loan.	Kinahanglang bayaran ang utang apil ang interest. Mahimong dunay utang sulod sa dugay nga panahon. Mahimong dili makakita og trabaho; niana ang mga pagbayad mahimong lisud buhaton.

Basaha:Sa inyong kaugalingon niini nga semana, mahimo usab ninyong basahon ang pahina 111–16 alang sa dugang nga impormasyon mahitungod sa mga scholarship ug grant, mga student loan, ug mga loan sa Perpetual Education Fund.

4. Gamita ang mga Student Loan sa Mainampingong Paagi ug isip Katapusang Solusyon

Basaha:“Daghang [mga tawo] sa kalibutan ang nangutang aron makaeskwela, aron lang makaamgo nga ang gasto sa eskwelahan mas dako pa kay sa ilang mabayaran. Pangita og mga scholarship ug mga grant. Pangita og part-time nga trabaho, kon posible, aron makatabang sa pagbayad sa inyong pag-eskwela. Magkinahanglan kini og sakripisyo, apan makatabang kini aron molampus kamo” (Robert D. Hales, “Pagdawat ug Pagbuntog sa mga Hagit sa Kalibutan Karon,” Ensign o Liahona, Nob. 2015, 45).

Ang mga [student loan] utang. Dili sama sa mga grant ug mga scholarship, kinahanglan kining bayaran ug kasagaran mobayad kamo og interest. Kon dili kamo makahimo sa pagbayad, madaot ang inyong kredibilidad o ang inyong abilidad sa pag-uswag sa kinabuhi.

Hisguti:Nganong kinahanglan man nga ang mga student loan gamiton isip katapusang solusyon?

Basaha:Ang “upat ka mga sakto nga opsyon” makatabang kaninyo sa pagdesisyon kon ang student loan husto ba alang kaninyo.

1. Sakto nga rason: Nagtrabaho kamo samtang nag-eskwela, naningkamot kamo og maayo aron makakuha og mga scholarship ug grant, ug ang loan alang lamang ibayad sa nahabilin (dili sa tibuok nga galastuhan) sa inyong edukasyon.

2. Sakto nga mga ekspektasyon: Inyong natino nga daghan ang napahimutang sa trabaho diha sa inyong dapit alang sa trabaho nga inyong gitun-an, ug masaligon kamo nga makakuha og trabaho nga igo ang gidak-on sa sweldo aron makabayad sa loan sa igong gidugayon sa panahon.

3. Sakto nga termino: Gitandi ninyo ang lain-laing mga loan ug nakakita sa labing maayong balayran ug termino sa pagbayad gikan sa kasaligan nga tigpautang.

4. Sakto nga kantidad: Ang kantidad sa inyong loan gamay ra aron mabayaran sa igong gidugayon sa panahon.

Hisguti:Sa unsang paagi ang pagsunod sa “upat ka mga sakto nga opsyon” mopanalipod kaninyo sa pagbayad sa inyong edukasyon?

Basaha:Pangutana sa inyong stake self-reliance specialist mahitungod sa magamit nga mga website sa pagpangita ug pagtandi sa mga student loan sa inyong nasud o dapit. Sa inyong kaugalingon niini nga semana, mahimo usab ninyong basahon ang pahina 113 aron dugang nga makat-on unsaon sa pagtandi og mga student loan.

Usab, kon anaa sa inyong nasud, ang loan sa Perpetual Education Fund (PEF) mahimong angay alang kaninyo. Aron makat-on kon ang mga PEF loan anaa sa inyong nasud, unsaon nga mahimong kwalipikado, ug unsaon sa pag-apply, tan-awa sa pahina 114–15 o adto sa srs.lds.org/pef.

5. Hibaloi Kinsa ang Pakig-istoryahan

Basaha:Kabahin sa inyong mga commitment niining semanaha mao ang pagsusi sa pinakamaayong mga opsyon sa pagbayad alang sa inyong gipili nga edukasyon o training program. Buhata ang inyong pagsiksik ug pakig-istorya sa mga tawo nga makahimo sa pagtabang kaninyo. Daghang mga eskwelahan ang adunay tawo nga makatabang ninyo. Paningkamot nga makontak ang opisina sa pinansyal nga tabang, o kontaka ang eskwelahan, tigsangkap sa training, o negosyo ug hangyoa nga makigsulti sa tawo nga makatubag sa inyong mga pangutana mahitungod sa pagbayad alang sa inyong training.

Kalihokan _{(5 minutos)}

Step 1: Isip grupo, ilista ang mga tawo ug mga organisasyon nga inyong makaistorya kabahin sa mga scholarship, grant, apprenticeship, ug reimbursement sa tuition.

Step 2: Isip grupo, pagsugyot og mga pangutana nga angay ninyong ipangutana niining mga tawhana mahitungod sa pinansyal nga tabang. Pagsulat og dili mominos tulo nga inyong ipangutana niining semanaha.

6. I-update ang Inyong Plano sa Self-Reliance

Basaha:Sa sunod nga miting sa grupo, ang matag usa kaninyo mohimo og usa ka mubo nga presentasyon ngadto sa grupo kabahin sa inyong plano sa self-reliance. Inyong ihulagway ang inyong mga plano, ug ang grupo mohatag ninyo og feedback ug mga sugyot.

Kalihokan _{(10 minutos)}

I-update ang inyong plano sa self-reliance kon gikinahanglan. Karong semanaha, pakig-istorya sa uban ug buhata ang inyong pagsiksik aron makompleto ang seksyon nga “Ang Akong Plano sa Pinansyal” sa pahina 108.

Ang Akong Tumong sa Self-Reliance (kapitulo 1)

Ako

aron ako .

Ang Akong Plano sa Trabaho (kapitulo 2 ug 3)

Akong gitandi kining tulo ka mga trabaho:

Ang trabaho nga akong gipili alang kanako mao ang tungod sa mosunod nga mga butang nga akong nakat-unan gikan sa mga employer ug sa uban mahitungod sa mga reyalidad sa trabaho sa akong dapit:

.

Gipadayon sa sunod pahina.

Ang Akong Plano sa Edukasyon (kapitulo 4 ug 5)

Akong gitandi ang tulo ka mga opsyon sa training:

Ang opsyon sa training nga akong gipili mao ang tungod sa kantidad, kalidad, gipaspason nga makatrabaho, ug ubang mga butang nga importante kanako (isulat ang mga rason sa ubos):

.

Molungtad og (mga adlaw, semana, bulan, tuig) aron makompleto kini nga training.

Ang Akong Plano sa Pinansyal

Akong nasayran nga makagasto ko sa akong training og , o matag bulan.

Human makumpara ang lain-laing mga opsyon alang sa akong training ug matan-aw ang kaugalingon nakong panalapi, akong nakita nga ako (makahimo / dili makahimo) sa pagbayad sa akong training nga ako ra. Nagkinahanglan ko og dugang nga .

Aron makabayad sa akong training, mangita ko og (trabaho, pag-apprentice, mga scholarship, mga grant, tuition reimbursement, mga loan)

.

Basaha:Sunod semana inyong ipresentar ang inyong plano sa self-reliance ngadto sa grupo (pahina 107–8). Mahimo kamong magpraktis sa paghatag sa inyong presentasyon ngadto sa mga sakop sa inyong pamilya o mga higala. Anhi sunod semana nga andam nga mopaambit sa inyong presentasyon.

Hisguti:Unsa ang labing importante nga mga butang nga inyong nakat-unan sa miting sa grupo karong adlawa?