Hunahunaa sa tagsa-tagsa ang unsay inyong nakat-unan karon ug ikonsiderar ang unsay gusto nga ipabuhat sa Ginoo kaninyo. Basaha ang kasulatan o ang kinutlo sa ubos ug pagsulat og mga tubag sa mga pangutana.
Kamo nag-atubang og mga hagit nga anaa sa umaabut. Naglihok kamo sa kalibutan nga hilabihan ang kompetisyon. Kinahanglan makakuha kamo sa tanang edukasyon kutob sa inyong mahimo. Ang Ginoo nagtudlo kanato kabahin sa kaimportante sa edukasyon. Makapakwalipay kini ninyo alang sa mas nindot nga mga oportunidad. Makasangkap kini kaninyo sa pagbuhat og mapuslanong butang diha sa talagsaong kalibutan sa oportunidad nga anaa sa umaabut. Kon makahimo ka sa pag-eskwela sa koliheyo ug kana ang inyong tinguha, nan buhata kana. Kon wala kamoy tinguha sa pagtungha sa kolehiyo, nan pag-eskwela og bokasyunal o patigayon aron sa pagbaid sa inyong mga kahanas ug sa pagpalambo sa inyong kapasidad” (Gordon B. Hinckley, “Converts and Young Men,” Ensign, Mayo 1997, 49–50).
Unsa ang labing makahuluganon nga mga butang nga akong nakat-unan karon?
Unsa ang akong buhaton isip resulta sa unsay akong nakat-unan karon?