Mamalandong—Labing Dugay nga Oras: 5 Minutos

Hunahunaa sa tagsa-tagsa ang unsay inyong nakat-unan karon ug ikonsiderar ang unsay gusto nga ipabuhat sa Ginoo kaninyo. Basaha ang kasulatan o ang kinutlo sa ubos ug pagsulat og mga tubag sa mga pangutana.

“Ang Ginoo ug ang Iyang Simbahan kanunayng nag-awhag og edukasyon aron sa pagpalambo sa atong abilidad sa pagserbisyo Kaniya ug sa mga anak sa atong Langitnong Amahan. Alang sa matag usa kanato, bisan unsa pa ang atong mga talento, Siya adunay buluhaton nga atong ikahatag. …

“… Ug magkinahanglan kita og panabang sa langit aron masayud asa niining dili maihap nga mga butang ang mahimo natong tun-an nga buot natong makat-unan sa maalamong paagi. Kita dili mahimong mag-usik-usik sa atong oras aron sa paglingaw-lingaw sa atong mga kaugalingon kon kita adunay kahigayunan sa … pagkat-on unsa ang tinuod ug magamit kaayo” (Henry B. Eyring, “Real-Life Education,” New Era, Abr. 2009, 4, 6).

Unsa ang labing makahuluganon nga mga butang nga akong nakat-unan karon?

Unsa ang akong buhaton isip resulta sa unsay akong nakat-unan karon?