Mo-report

Gituman ba nako ang akong mga commitment?

Oras:I-set ang timer sa 10 minutos alang niining pahina lamang (dili ang kinatibuk-ang seksyon nga Mo-report).

Hisguti:Basaha ang kinutlo nga naa sa tuo. Sa unsang paagi nga magamit kini sa atong grupo?

“Kon ang pagbuhat [performance] sukdon, ang pagbuhat molambo. Kon ang pagbuhat sukdon ug i-report, mas paspas ang paglambo.”

Thomas S. Monson, sa Conference Report, Okt. 1970, 107

Praktisa:Atong i-report ang atong mga commitment. Kadtong mituman sa tanan nilang commitment, palihug barug. (Pakpaki kadtong mituman sa tanan nilang commitment.)

Basaha:Karon, mobarug ang tanan. Kinahanglang paningkamutan nato ang pagtuman sa tanan natong mga commitment. Kana ang usa ka importanting gawi [habit] sa mga tawo nga self-reliant.

Samtang nagbarug pa ta, atong sublion og dungan ang atong theme statement. Kining pamahayag nagpahinumdom nato bahin sa katuyoan sa atong grupo:

“Ug mao kini ang akong katuyoan sa paghatag sa akong mga santos, kay ang tanan nga mga butang akò.”

Doktrina ug mga Pakigsaad 104:15

Uban sa hugot nga pagtuo diha sa Ginoo, nagtinabangay kita nga mahimong self-reliant.

Basaha:Manglingkod na ta.

Karon magtinambagay ta ug magtinabangay sa atong mga plano sa edukasyon ug sa maayong trabaho. Kini ang pinaka-importanting panaghisgutan niining miting!

Hisguti:Unsa ang inyong nakat-unan samtang gituman ninyo ang inyong mga commitment niining semanaha? Nagkinahanglan ba mo og tabang gikan sa grupo?

Unsay akong nakat-unan pinaagi sa pag-andam sa akong plano sa trabaho?

Oras:I-set ang timer sa 40 minutos alang niini nga pahina lamang.

Basaha:Tan-awon nato kining video aron mapahinumduman kita kon unsaon sa paghimo ang atong mga presentasyon.

Tan-awa:“My Work Plan in Three Minutes.” (Walay video? Basaha ang pahina 22.)

Praktisa:Ang matag sakop sa grupo kinahanglang mogamit og minus sa tulo ka minutos sa pagpresentar sa iyang plano sa trabaho ngadto sa grupo.

Pagkahuman sa inyong presentasyon, pangayo og feedback. Isulat ang feedback nga inyong nadawat. Gamita ang luna sa ubos aron masulatan.

Pamub-i gyud ang feedback aron ang tanan dunay higayon nga maka-report sulod sa gi-limit nga oras.

Hisguti:Unsa ang mga ideya nga inyong nakuha gikan sa mga report nga makatabang ninyo sa inyong mga desisyon? Isulat ang inyong mga hunahuna.