Magkat-on

Imahe

lightbulb-orange

Unsaon nako sa pagpangandam sa gawas sa klase?

Oras:I-set ang timer sa 60 minutos alang sa seksyon nga Magkat-on.

Basaha:Sa miaging semana, atong gihisgutan kon unsaon sa pagkat-on pinaagi sa hugot nga pagtuo ug usab kon unsaon sa pagkat-on pinaagi sa pagtuon sulod sa klase. Niining semanaha, mag-focus kita kon unsaon sa pagpangandam sa gawas sa klase.

Week 1	Week 2	Week 3	Week 4	Week 5	Week 6
Unsa nga matang sa trabaho ang makatabang nako nga mahimong self-reliant?	Unsa nga edukasyon ang maghimo nakong kwalipikado sa akong trabaho?	Unsaon man nako pagbayad ang akong pag-eskwela?	Kinahanglan ba kong mag-loan sa Perpetual Education Fund?	Unsaon man nako nga magmalampuson sa klase?	Unsaon man nako nga magmalampuson sa gawas sa klase?

Basaha:Karong semanaha, atong makit-an ang mga tubag niini nga pangutana ug kini ang atong buhaton:

Basaha:PANGUTANA SA SEMANA—Unsaon nako nga magmalampuson sa gawas sa klase?

BUHATUNON SA SEMANA—Lig-unon ang akong espirituhanong pagpangandam ug palambuon ang akong mga kahanas ug mga gawi sa pagtuon, lakip ang pakigtrabaho sa uban ug pagkompleto sa mga assignment.

Unsaon nako nga espirituhanong maandam?

Basaha:Dako kaayo ang atong bintaha kon magtinguha kita og edukasyon. Atong masunod ang Balaang Espiritu, kinsa nahibalo sa kamatuoran sa tanang butang! Bisan og busy kaayo ta, kinahanglang mogahin kita og panahon matag adlaw sa espirituhanong pagpangandam. Sa ingon ana ang Espiritu makatabang nato sa mas dali nga pagkat-on ug mas daghang mahinumduman.

Tan-awa:“Spiritually Prepared” (Walay video? Basaha ang pahina 112.)

Hisguti:Unsaon nako nga mahimong kwalipikado sa giya sa Espiritu? Unsaon sa Espiritu pagtabang nato nga makakat-on?

Basaha:Ania ang pipila ka mga paagi alang sa espirituhanong pagpangandam:

Mag-ampo buntag ug gabii; mag-ampo sa dili pa ug human kita magtuon; mangayo sa Langitnong Amahan nga panalanginan ang atong mga hunahuna ug paningkamot.
Mobasa sa mga kasulatan kada adlaw.
Mosunod sa mga sugo; mopabilin sa atong kaugalingon nga limpyo ug putli!
Moserbisyo sa uban; motabang sa uban nga magkat-on uban kanato.

Praktisa:Ang tsart sa ubos naglista sa mga baruganan nga makatabang ninyo nga maandam sa espiritwal ug molampus sa inyong mga pagtuon.

Hunahunaa kon kumusta ang inyong mga paghimo sa mosunod nga mga dapit. Magsulat og mga paagi para molambo.

Akong gibati nga gitabangan ko sa Espiritu ug nakig-uban nako sa pagtrabaho.
Ang akong tinguha sa pagkat-on, ang akong gugma sa pagkat-on, ug ang akong abilidad sa pagkat-on nagkadugang.
Akong gituman ang mga sugo sa Dios ug gi-apply ang mga baruganan sa epektibo nga pagkat-on.
Magtuon ko kada adlaw; giplano ang akong oras ug gisunod ang akong plano; gibuhat ang akong mga assignment sa hustong oras.
Nagpalambo ko og Kristohanon nga mga kinaiya ug motabang sa uban sa paghimo sa ingon.

Hisguti:Unsa nga mga commitment ang atong mahimo sa matag usa aron molambo ang atong espirituhanong pagpangandam? Unsaon nato sa pagtabang ang usag usa aron matuman kini nga mga commitment?

Unsaon man nako sa pagpangandam sa gawas sa klase?

Basaha:Aniay upat ka yawe sa kalampusan samtang mangandam kita sa gawas sa klase. Atong kat-unan ang matag usa niini.

Magkat-on pinaagi sa pagtuon: mangandam sa gawas sa klase

Magplano alang sa epektibo nga pagkat-on

Motrabaho ug magkat-on nga kauban sa lain

Mobasa aron makasabut ug mahinumdom

Mokompleto sa mga assignment sa hustong oras

Unsaon nako sa pagplano alang sa epektibo nga pagkat-on?

Hisguti:Nganong importante ang pagplano kon asa ug kanus-a mo magtuon? Nganong importante ang mabinantayong paggamit sa inyong oras?

Praktisa:Makig-uban og laing sakop sa grupo. Magtinabangay sa pagdesisyon kon kanus-a ug asa mo magtuon kon magsugod na mo sa pag-eskwela.

May makit-an ba mong dapit nga katun-an matag adlaw nga limpyo ug hilum? Asa mo magtuon?
Maplano ba ninyo ang pagtuon sa usa ka piho nga oras matag adlaw?

Lunes Martes Miyerkules

Huwebes Biyernes Sabado

Praktisa:Uban sa laing sakop sa grupo, ilista ang bisan unsang problema nga makapugong sa inyong pagtuon matag adlaw. Desisyuni karon kon unsaon ninyo pagsulbad kini nga mga problema.

UNSAY MAKAPUGONG NAKO SA PAGTUON?	UNSAON NAKO SA PAGSULBAD NIINI NGA PROBLEMA?
Mga silingan nga magsaba-saba	Palihug hangyoa sila sa paghunong gikan sa alas 3-5 sa hapon.

Unsaon man nako sa pagpangandam sa gawas sa klase?

Basaha:Ang ubang tawo dali nga makat-on kon naa sa grupo. Ang atong grupo sa self-reliance usa ka maayo kaayong ehemplo!

Hisguti:Unsay nakahimo sa atong grupo sa self-reliance nga usa ka maayo kaayong dapit sa pagkat-on? Unsaon sa atong grupo sa pagtabang ninyo aron molihok ug mahimong accountable [may tulubagon]?

Basaha:Kon kita nagkat-on sa eskwelahan, kasagaran naa ang atong mga classmate libut kanato. Naningkamot usab sila sa pagkat-on. Kon makakita kita og tukma nga mga tawo, sila makatabang nato ug kita makatabang nila.

Hisguti:Hisguti kini nga mga yawe alang sa epektibo nga pagkat-on sa grupo. Hisguti ang mahitungod sa panahon diin nakakat-on kamo og daghan sa usa ka grupo nga pagtuon. Hisguti ang mahitungod sa panahon diin wala kaayo mo makakat-on. Unsa ang kalainan?

Pangitaa ang pinakamaayong mga estudyante nga inyong ikatrabaho—ilabi na kadtong committed kaayo sama ninyo.
Pag-set og regular nga oras sa dungan nga pagtuon.
Sa pagsugod sa matag study session, magsabut mo og usa ka piho nga tumong.
Tapusa ang matag study session pinaagi sa paghimo og mga commitment—unsay buhaton ninyo matag usa ug kanus-a ninyo gusto nga humanon kini?
Maglingaw mo diha apan ayaw wad-a ang focus.
Mangandam ug buhata ang inyong bahin. Tabangi ang mga sakop sa inyong grupo nga makakat-on. Magkat-on kutob sa mahimo gikan nila.

Praktisa:Unsaon ninyo sa paggamit ang inyong mga study group aron molambo ang kaepektibo sa inyong pagtuon? Isulat ang inyong mga ideya ug buhata kini.

Unsaon nako sa pagsabut ug paghinumdom sa unsay akong gibasa?

Basaha:Maingon og daghan kaayo ta og basahunon sa eskwelahan. Adunay daghang butang nga atong mabuhat aron makasabut ug makahinumdom sa unsay atong nabasa.

Hisguti:Hisguti kining mga lakang nga makatabang ninyo sa pagsabut, paghinumdom, ug pag-apply sa unsay inyong nabasa.

Mag-ampo. Mangayo og tabang sa Espiritu aron matabangan mo nga makasabut ug makahinumdom.
Maghimo og outline. Isulat ang pinaka-ideya sa inyong gibasa. Dayon dugangi og suporta nga mga ideya, mga kamatuoran, ug mga datos. Ribyuha og usab kining mga notes nianang adlawa, pagkasunod semana, ug pagkasunod bulan.
Kon kamo ang tag-iya sa textbook, badlisi o i-highlight ang importanting mga pulong ug bag-ong mga bokabularyo; isulat ang mga depinisyon diha sa mga margin.
Himoi og mga notes diha sa mga margin; ipakita ang mga koneksyon ug mga proseso; ipuno ang bag-ong impormasyon ngadto sa daan na ninyong nahibaloan.
Hatagi og test ang inyong kaugalingon; pangita og paagi nga magamit ug ma-apply kini nga impormasyon.

Praktisa:Isip usa ka grupo, tan-awa kini nga article. Giunsa sa tigbasa sa paggamit ang tanang ideya nga naa sa ibabaw? Ribyuha ang reader’s study outline nga naa sa sunod nga pahina. Unsa ang inyong nakat-unan bahin sa epektibo nga pagbasa?

ANG TULO KA mga K SA PAGPILI

Presidente Thomas S. Monson

Naghunahuna ko bag-ohay lang kalabut sa mga pagpili ug sa mga sangputanan niini. … Samtang namalandong ko sa nagkadaiyang mga aspeto sa pagpili, ako kining ibutang sa tulo ka mga kategorya: una, ang katungod sa pagpili; ikaduha, ang kapangakohan sa pagpili; ug ikatulo, ang kapadulngan [mga resulta] sa pagpili. …

Akong gihisgutan og una ang katungod sa pagpili. Mapasalamaton kaayo ko sa usa ka mahigugmaong Langitnong Amahan alang sa Iyang gasa sa kabubut-on, o ang katungod sa pagpili. … Nasayud kita nga anaa na kanato ang atong kabubut-on sa wala pa kini nga kalibutan ug si Lucifer misulay sa pagkuha niini gikan kanato. … Kita kinsa mipili sa plano sa Manluluwas nasayud nga kita mohimo og usa ka makuyaw, lisud nga panaw, kay maglakaw man kita sa mga dalan sa kalibutan ug makasala ug madagma, nga makapahilayo kanato gikan sa atong Amahan. Apan ang Unang Natawo sa Espiritu mihalad sa Iyang kaugalingon isip usa ka sakripisyo sa pag-ula alang sa mga sala sa tanan. … Sulod sa mga limitasyon sa atong bisan unsang kahimtang, kanunay kitang adunay katungod sa pagpili..

Mag-ampo: Mibati ko nga gikinahanglan nako kini nga mensahe.

Ang “kabubut-on” mao ang katungod sa pagpili.

Ang Pag-ula makausab sa ngil-ad nga mga pagpili kon ako maghinulsol.

ANG TULO KA mga K SA PAGPILI (GIPADAYON)

Sunod, uban sa katungod sa pagpili moabut ang kapangakohan sa pagpili. … Ang atong Langitnong Amahan wala mopasugod kanato sa atong mahangturong panaw nga wala maghatag og mga pamaagi diin makadawat kita og gikan Kaniya nga hinatag sa Dios nga giya aron sa pag-abag sa atong luwas nga pagbalik sa katapusan sa mortal nga kinabuhi. Ako namulong mahitungod sa pag-ampo. Ako namulong usab mahitungod sa mga paghunghong gikan nianang ligdong, hinay nga tingog sa sulod sa matag usa kanato, ug wala nako kalimti ang balaang mga kasulatan, nga gisulat sa mga manlalawig kinsa malampusong nakalawig sa mga dagat nga kinahanglan gayud usab natong labangon. … Ang mga desisyon mao ang motino sa kapalaran. …

Sa katapusan … ako mamulong mahitungod sa kapadulngan [mga resulta] sa pagpili. Ang tanan sa atong mga pagpili adunay mga sangputanan. … Kamo adunay halangdon nga kaliwatan. Ang kinabuhing dayon sa gingharian sa atong Amahan mao ang inyong tumong. Ang ingon nga tumong dili makab-ot sa usa ka mahimayaong pagsulay apan mao ang resulta sa tibuok kinabuhi nga pagkamatarung, usa ka pagtigum sa maalamong mga pagpili. …

Unta mapuno kita sa pasalamat alang sa katungod sa pagpili, modawat sa kapangakohan sa pagpili, ug mas mahunahunaon sa kapadulngan [mga resulta] sa pagpili. … Naapil kita sa buhat ni Ginoong Jesukristo. Kita, sama niadtong sa karaang panahon, mitubag sa Iyang tawag. Nagbuhat kita sa Iyang buluhaton. Ensign o Liahona, Nob. 2010, 67–70.

Kinahanglan nga mas maminaw ko og maayo kon mag-ampo ko.

Kini akong nakat-unan sa akong pagmisyon.

Sa unsang paagi kini konektado sa akong mga tumong?

Praktisa:Sa inyong kaugalingon, paklia ngadto sa pahina 113 ug basaha ang “Paningkamot sa Pagkat-on pinaagi sa Hugot nga Pagtuo.” Paningkamot aron makasabut ug mahinumdom. Buhata ang tanang lima ka lakang nga naa sa pahina 104.

Nga walay pagbalik sa article, tubagi kini nga quiz bahin sa unsay inyong nabasa. Mibasa ba kamo aron makasabut ug mahinumdom?

Unsa ang kinahanglan natong buhaton aron maningkamot sa pagkat-on pinaagi sa hugot nga pagtuo?
Nganong importante nga kitang tanan maningkamot sa pagkat-on pinaagi sa hugot nga pagtuo?
Sa unsang paagiha gipakita ni Joseph Smith nga gusto siyang makakat-on pinaagi sa hugot nga pagtuo?

Hisguti:Unsaon man ninyo sa paggamit kining lima ka mga lakang sa pagtuon aron matabangan kamo nga mas mahinumdom sa impormasyon?

Unsaon nako sa pagkompleto ang mga assignment?

Basaha:Unsaon man nato sa pagsabut ug pagkompleto ang mga assignment sa hustong oras? Unsaon man nato sa paghimo ang atong pinakamaayo? Mga pangutana kini nga masugatan sa matag estudyante.

Hisguti:Unsay inyong gihimo aron masabtan ang mga assignment? Unsay nakatabang ninyo aron maayong pagka-kompleto ang mga assignment ug nahuman sa hustong oras?

Basaha:Nakatabang kini sa paghinumdom nga ang maayong sinugdanan kasagaran moresulta sa maayong katapusan. Kon makadawat kita og assignment, mas maayo nga planohon ug sugdan kini og sayo!

Praktisa:Susiha ang inyong kaugalingon pinaagi niini nga kalihokan. Markahi og “x” diha sa usa sa upat ka box sa matag linya aron makita kon unsay inyong nahimo niining dapita. Sublia kini sa matag pipila ka semana aron molambo.

Mangutana ko hangtud akong masabtan sa hingpit ang assignment.	Dili gyud	Usahay	Kasagaran	Kanunay
Kon makadawat ko og assignment o project, isulat nako ang due date sa kalendaryo ug planohon nako ang mga lakang aron mahuman kini.	Dili gyud	Usahay	Kasagaran	Kanunay
Akong siguroon nga nahibalo ko kon unsay paagi sa pag-grado nako, ug nagkat-on ko ug akong buhaton ang tanang gikinahanglan aron molampus.	Dili gyud	Usahay	Kasagaran	Kanunay
Naningkamot ko nga makompleto ang akong mga assignment sa walay langan. Dili ko maglangay-langay.	Dili gyud	Usahay	Kasagaran	Kanunay
Kon mahimo, ipakigbahin nako ang akong kalamboan ngadto sa akong teacher ug magpatabang kon gikinahanglan sa dili pa mo-due ang assignment.	Dili gyud	Usahay	Kasagaran	Kanunay

Commitment ug pagpadayon

Basaha:Commited ba kita sa pagkat-on “pinaagi sa pagtuon ug usab pinaagi sa hugot nga pagtuo” (D&P 88:118)? Committed ba kita nga padayong maningkamot ug dili gayud moundang?

Mituo ba kita nga ang Balaang Espiritu mopalambo kanato kon kita takus? Nagkat-on ba kita aron makapadayon kita sa pagserbisyo?

Hisguti:Unsaon nato sa pagtinabangay aron molampus?

Praktisa:Sa balay, susiha ang inyong pagpangandam aron molampus diha sa pahina 114.

Nagkaanam ba ko nga mahimong self-reliant?

Oras:I-set ang timer sa 15 minutos alang kini niini nga pahina lamang.

Basaha:Ang atong tumong mao ang ma-self-reliant, sa temporal ug sa espiritwal. Ang pag-eskwela ug pagtrabaho mga bahin lamang niana nga tumong. Ang pagpalambo sa atong pagtuo ug sa atong pagka-espirituhanon mao ang laing bahin.

Hisguti:Nahimo ba kamong mas self-reliant samtang gigamit ninyo ug gitudlo ang My Foundation nga mga baruganan?

Praktisa:Unsa ka self-reliant kamo ug ang inyong pamilya karon? Ablihi ang inyong My Path to Self-Reliance nga booklet ngadto sa usa ka blangko nga Ebalwasyon sa Self-Reliance [Self-Reliance Assessment]. Buhata ang mga lakang. Gahini og tulo ka minutos ang pagpamalandong sa mosunod:

Imahe

My Path to Self-Reliance cover

Mas nakahibalo na ba mo karon sa inyong mga galastuhan? Matubagan na ba ninyo karon og “kasagaran” o “kanunay” ang dugang pa nga mga pangutana? Mas kampante ka ba sa kantidad nga imong gitakda isip kinitaan aron matawag nga self-reliant? Hapit na ba nimo makab-ot ang imong kinitaan aron matawag nga self-reliant?

Basaha:Ang atong tumong mao ang ma-self-reliant, sa temporal ug sa espiritwal. Ang pag-eskwela usa lamang ka bahin niana nga tumong. Mamahimo usab kitang self-reliant pinaagi sa pagsunod sa mga baruganan diha sa My Foundation ug pinaagi sa pagkakuha og mas maayong trabaho.

Alang sa sunod nga unom ka miting, padayon natong i-praktis ang My Foundation nga mga baruganan. Humanon nato ang nahibilin nga mga baruganan ug kompletuhon ang katapusang project.

Praktison nato nga makakuha og mas maayong trabaho pinaagi sa paggamit sa My Job Search nga workbook.