Magkat-on

Imahe

lightbulb-blue

Kon maka-eskwela na ko, unsaon nako nga molampus?

Oras:I-set ang timer sa 45 minutos alang sa seksyon nga Magkat-on.

Basaha:Nakahimo kita og dakong kalamboan sa pagplano sa atong edukasyon. Apan kon naa na ta sa eskwelahan, unsa gyud ang angay buhaton aron molampus?

Week 1	Week 2	Week 3	Week 4	Week 5	Week 6
Unsa nga matang sa trabaho ang makatabang nako nga mahimong self-reliant?	Unsa nga edukasyon ang maghimo nakong kwalipikado sa akong trabaho?	Unsaon man nako pagbayad ang akong pag-eskwela?	Kinahanglan ba kong mag-loan sa Perpetual Education Fund?	Unsaon man nako nga magmalampuson sa klase?	Unsaon man nako nga magmalampuson sa gawas sa klase?

Basaha:Karong semanaha, atong makit-an ang mga tubag niini nga pangutana ug kini ang atong buhaton:

Basaha:PANGUTANA SA SEMANA—Unsaon man nako nga magmalampuson sa klase?

BUHATUNON SA SEMANA—Palig-unon ang akong kamasulundon sa espirituhanong mga baruganan ug palamboon ang akong mga kahanas sa pagkat-on ug ang mga gawi.

Ngano nga ang Ginoo mitambag nato sa pagkat-on?

Basaha:Ang Ginoo ug ang Iyang mga propeta mitambag nato nga tinguhaon ang edukasyon ug training, mag-angkon og mga kahanas aron makakuha og maayong trabaho, ug maningkamot.

Tan-awa:“Education Is the Key to Opportunity” (Walay video? Basaha ang pahina 93.)

Hisguti:Magpundok ngadto sa tulo ka grupo. Gahini og pipila ka minutos sa paghisgot niini nga mga pangutana. Dayon i-summarize ang unsay inyong nakat-unan isip grupo.

Ngano nga ang Ginoo gusto nga kita makabaton og edukasyon ug training? Makatabang ba Siya nato nga molampus?
Sa unsang paagi ang edukasyon ug training makatabang nato sa atong “pagpalambo [magnify] sa calling” nga gihatag sa Dios kanato?

Unsaon nga ako makakat-on pinaagi sa hugot nga pagtuo?

Basaha:Basaha ang kasulatan nga naa sa tuo.

Praktisa:Pagpili og usa ka baruganan diha sa table ug basaha kini nga ikaw ra. Pangutan-a ang imong kaugalingon: “Sa unsang paagiha kini makausab sa paagi sa akong pagkat-on?”

MGA BARUGANAN SA HUGOT NGA PAGTUO
Magpabiling takus. “Kong kamo mobuot ug magmasinugtanon, ang maayo sa yuta inyong pagakan-on” (Isaias1:19); “Kon kita makadawat og bisan unsa nga panalangin … kini tungod sa pagsunod niana nga balaod diin diha kini gipasikad” (D&P 130:21).
Tinguhaa ang Espiritu. “Ang Manlalaban [Maghuhupay]… magatudlo kaninyo sa tanang butang, ug magapahinumdom kaninyo” (Juan 14:26); “Pangita nga makugihon, pag-ampo sa kanunay, ug pagmatuohon” (D&P 90:24).
Paminawa, pamalandungi, tuohi. “Paminaw ngadto sa tingog ni Jesukristo, nga inyong Manunubos” (D&P 29:1); “Sa ingon miingon ang ligdong nga hinagawhaw nga tingog” (D&P 85:6); “Ayaw kahibulong … ayaw pagduha-duha, apan pagmatinuohon.” (Mormon 9:27).
Buhata; moapil. “Kon tuyoon ni bisan kinsa ang pagbuhat sa kabubut-on sa Dios, nan, iyang mahibaloan” (Juan 7:17); “Ako moadto ug mobuhat sa mga butang nga ang Ginoo nagsugo” (1 Nephi 3:7); “Ang mga tawo kinahanglan nga matinguhaon nga moapil … ug magpahinabo sa daghan nga pagkamatarung” (D&P 58:27).

Isip usa ka grupo, hisguti ang inyong nakat-unan. Unsaon ninyo sa paggamit niining upat ka mga baruganan sa inyong kinabuhi? Unsaon ninyo sa pagtudlo niini sa inyong mga pamilya?

Basaha:Makakat-on kita pinaagi sa hugot nga pagtuo tungod kay kita nahibalo sa kamatuoran! Ang Dios mao ang atong Amahan ug kita Iyang mga anak. Gusto Siya nga kita mahisama Kaniya. Makahimo ang Manluluwas niini kanato uban sa Iyang gahum. Ang Balaang Espiritu mopalambo sa atong panabut ug motabang nato sa paghinumdom. Tungod kay nahibalo kita niining mga kamatuoran, makabaton kita sa pagtuo nga mahimong talagsaong tigkat-on!

Unsaon nako nga makakat-on pinaagi sa pagtuon?

Basaha:Agig dugang sa pagkat-on pinaagi sa pagtuo, kinahanglan nga kita usab magkat-on pinaagi sa pagtuon. Ang pagtuon naglakip sa unsay atong gihimo sa sulod sa klase ug kon unsaon nato nga maandam sa gawas sa klase. Hangtud mahuman kining atong miting mag-focus kita niining mga yawe sa kalampusan sa sulod sa klase. Sa sunod semana maghisgot kita bahin sa pagpangandam sa gawas sa klase.

Magkat-on pinaagi sa pagtuon: sulod sa klase

Timan-an ug hinumduman ang akong nakat-unan

Aktibo nga moapil, mosalmot sa klase

Magkat-on ug kab-uton ang mga gilauman

Magkat-on sa pagkuha og mga test sa epektibong paagi

Unsaon nako sa paghimo og mga notes aron matiman-an ang akong nakat-unan?

Basaha:Maghimo kita og mga notes aron matiman-an ang atong nakita ug nadungog sa klase. Moribyu kita niana nga mga notes sa paghinumdom sa atong mga nakat-unan.

Praktisa:Pagpili og usa ka tawo nga mobasa sa “Real-Life Education” nga naa sa pahina 94. Ang uban sa grupo kinahanglang maminaw ug motan-aw sa mga notes nga naa sa ubos. Kini nga mga notes may lista ba sa unsay giingon ni Presidente Eyring?

2. Samtang mamulong sila, isulat ang mahinungdanong mga punto dinhi sa lapad nga luna; himoa kini nga sayon.

3. Diha-diha dayon pagkahuman sa klase, i-summarize ang inyong notes dinhi sa luna.

4. Desisyuni ang pinaka-importanting butang nga hinumduman ug buhaton.

EDUKASYON SA TINUOD NGA KINABUHI: HENRY B. EYRING
Gusto sa Ginoo nga makakat-on ko; ang Iyang grasya makatabang	Ang pagkakabig magdala og tinguha sa pagkat-on
	Gusto sa Ginoo nga makakat-on kita ug moalagad
	Ang Iyang grasya makatabang nato sa mas dali, mas maayo nga pagkat-on
Ang pagkat-on naghimo nakong makaserbisyo	Ang unang prayoridad mao ang espirituhanong pagkat-on
Ang tinuod nga kinabuhi mao ang kinabuhing dayon!!	Nahibalo ang Ginoo unsay angay natong buhaton
	Ang tinuod nga kinabuhi mao ang kinabuhing dayon
	Unsay atong makat-unan magpabilin kanato
	Gusto sa Dios nga makakat-on kita, moalagad
	Dugangi ang pag-ampo bahin sa pag-eskwela, salig sa Balaang Espiritu

Hisguti:Unsa ang inyong nakat-unan mahitungod sa paghimo og maayong mga notes?

Praktisa:Karon, pagpili og usa ka tawo nga mobasa sa “Ang Pagtuon ug ang mga Santos sa Ulahing mga Adlaw” diha sa pahina 95. Paminawa ug paghimo og notes diha sa luna sa ubos:

Sa ibabaw, isulat ang ulohan, namulong, ug ang petsa.
Samtang maminaw mo, i-rekord ang importanting mga punto diha sa tuo (sa mas lapad nga luna).
Human sa pagbasa, gahini og duha ka minutos sa pag-summarize diha sa wala.
Sa kinaubsan, isulat ang mga butang nga gusto nimong usbon o himoong mas maayo.

Hisguti:Ikumpara ang imong notes ngadto sa ubang sakop sa grupo. Maayo ba ang imong nabutang sa notes? Unsa may imong buhaton aron mabatasan kini?

Basaha:Atong hinumduman kining mga butanga aron matabangan kita sa pagtimaan sa atong nakat-unan:

Badlisi ang tunga sa atong note nga papel aron mabahin kini; sunda ang mga lakang.
Timan-i ang pinaka-ideya; isulat ang mga detalye unya.
Diha sa inyong hunahuna, ikonektar ang bag-ong impormasyon sa butang nga inyo nang nahibaloan.

Unsaon nako sa paghinumdom ang akong nakat-unan?

Basaha:Kon takus kita, ang Espiritu Santo makatabang sa pag- “pahinumdom [kanato] sa tanan.” (Juan 14:26). Ato usab nga mapalambo ang atong paghinumdom og mga butang pinaagi sa pagribyu sa piho nga mga interval. Ang mga scientist mipakita nga mahinumduman nato ang hapit tanan nga atong nakat-unan kon atong sundon ang pattern sa ubos:

Bag-o nga impormasyon	1 ka oras ang milabay	1 ka adlaw ang milabay	1 ka semana ang milabay	1 ka bulan ang milabay
Mobasa o magkat-on og butang sulod sa klase ug maghimo og mga notes	Gahini og 10 ka minutos sa pagribyu sa imong notes	Gahini og 10 ka minutos sa pagribyu og usab; i-summarize ang imong notes	Gahini og 10 ka minutos sa pagribyu og usab	Gahini og 10 ka minutos sa pagribyu og usab; kinahanglang dili ka makalimot niini!

Hisguti:Unsaon man ninyo sa pag-usab ang inyong mga study habit ug iskedyul aron malakip kini nga mga pagribyu? Buhaton ba ninyo?

Unsaon man nako nga aktibong makaapil sa klase?

Hisguti:Nganong importante kaayo nga moapil sa klase o grupo? Unsa man ang inyong gipakita sa teacher kon moapil kamo?

Praktisa:I-evaluate kon unsa kamaayo ang inyong pag-apil pinaagi sa pagtubag sa mosunod nga mga pangutana.

Markahi og “x” diha sa usa sa upat ka box sa sunod sa matag pamahayag aron makita kon unsay inyong nahimo sa matag usa niini nga mga dapit.
Sa among grupo sa self-reliance, andam ko. Motubag ko og mga pangutana ug kanunay nga moapil.	Dili gyud	Usahay	Kasagaran	Kanunay
Kon naa ko sa klase sa eskwelahan, andam ko. Mobuhat ko sa akong bahin, motubag og mga pangutana, ug mohimo sa gi-require nga mga kalihokan.	Dili gyud	Usahay	Kasagaran	Kanunay
Naningkamot ko nga makatabang niadtong naa sa akong grupo o klase pinaagi sa pagpaminaw ug sa aktibong pagtuon o pagtinabangay uban nila.	Dili gyud	Usahay	Kasagaran	Kanunay
Magtuon ko kada adlaw; giplano nako ang akong oras ug gisunod ang akong plano; gibuhat nako ang mga assignment sa hustong oras.	Dili gyud	Usahay	Kasagaran	Kanunay
Maningkamot ko nga motabang sa akong teacher o facilitator pinaagi sa pagpaminaw ug pagbuhat og labaw kay sa iyang gilauman.	Dili gyud	Usahay	Kasagaran	Kanunay

Hisguti:Unsaon ninyo sa pagpalambo ang inyong aktibong partisipasyon matag adlaw?

Unsaon nako sa pagkuha og mga test sa epektibong paagi?

Basaha:Ang pagkuha og mga test malisud. Apan kini gikinahanglan aron atong ikapakita kon unsay atong nakat-unan. Mohimo kini nato nga may-tulubagon—maayo kini kon gusto kitang molampus!

Hisguti:Isip usa ka grupo, ipakigbahin ang inyong mga ideya bahin niini nga mga pangutana:

Unsay inyong gihimo sa pagkuha og test sa epektibong paagi?
Unsay inyong mga kahadlok bahin sa pagkuha og mga test? Unsaon man ninyo sa pagbuntog niini?
Unsaon ninyo sa pag-usab ang inyong pamaagi sa pag-andam alang sa mga test?

Basaha:Aniay ubang butang nga atong mahimo aron mahimong maayo nga tigkuha og test:

Mag-ampo uban sa hugot nga pagtuo! Mag-ampo sa dili pa magtuon ug sa dili pa mag-test.
Paningkamuti nga maandam; unahi sa paghimo og kaugalingon nimong test.
Bantayi ang imong oras atol sa test; desisyuni kon unsa ka dugay ang imong igahin sa matag pangutana o seksyon kon magsugod na ka.
Basaha og maayo ug balik-balika sa pagbasa ang mga instruksyon: unsa gayud ang gusto niini?
Unaha sa paghuman ang sayon nga mga pangutana aron madasig ka, dayon balika ang uban.
Mangutana kon maibanan ba ang imong puntos tungod sa sayop nga mga tubag; kay og dili, tag-an-tag-ana.

Unsaon nako nga mahimo ang gilauman sa teacher?

Hisguti:Nganong importante ang pagkahibalo ug pagtuman sa unsay gilauman sa imong teacher?

Praktisa:Atubanga ang lain nga sakop sa grupo. Ang usa ninyo mobarug isip teacher ug ang lain maoy estudyante. Ang estudyante kinahanglang mangutana sa teacher sa mga pangutana sa ubos. Ang mga teacher mahimong mohimo-himo og mga tubag. Dayon magbaylo og mga tahas ug buhata pag-usab.

Unsaon nako nga molampus sa imong klase?
Unsay gusto nimo nga among makat-unan ug buhaton?
Unsaon nimo sa pag-evaluate ang akong gihimo?
Unsa gayud ang gihatagan nimo og bili? Partisipasyon, pagkasayo, preparasyon? Duna pay lain?

Hisguti:Karon nga imo na ning nagamit, mahimo ba nimo ning buhaton sa tinuod nimong mga teacher? Kanus-a nimo kini buhaton?